澳門大利來記豬扒包 (已搬遷) 新店位置

因為黎既時間唔係三點...所以..我地同大家一樣都係叫左個豬扒米粉..因為只不過係冇個個飽者..都係同一件豬扒...豬扒好大件..同個電差唔多大..又厚...

大利來豬扒包係此行其中一個目標....知道三點半新鮮出爐就梗係唔會錯過啦~~~計劃出錯下要搭的士過o黎....個的士司機知道我地要食豬扒包....都同我地講大利來真係好多人買...幾好食架~~~三點幾去到....嘩~~~已經好多人排緊隊啦~~~即刻又詔去排埋一份啦....等左唔知幾耐~~~一個熱辣辣ge 豬扒包就到手啦~~~塊豬扒真係好大塊ar~~絕對係可以啖啖都食到豬扒ar....個包係外肥內軟...豬扒醃得好好味~~~成個包無配料同醬汁....但係又唔會好乾身~~~因為一咬到塊豬扒就會有d 肉汁ma~~~下次再去....要早d 去排隊先得啦~~~~

新鮮出爐的大利來的豬扒包好好味~ 豬仔包外脆內軟, 而 豬扒好大件, 相反 豬仔包細細個, 好得意豬扒和 包包 好香脆, 咬落又唔太韌, 食得 好開心! 加一支 可樂/ 維他奶, 更開心.Ps: 由威尼斯人步行到 大利來 只需 15分鐘左右, 好方便.

三點幾, 來到大利排隊食豬仔飽.包面好脆, 好熱, 香嘖嘖, 豬排"林林", 好入味, 正.要排好耐等了半粒鐘..

聞說豬扒飽呢間係第一間做..........以前黎親澳門都一定會黎食.......對上一次已經係6年前的事......今時今日再食.....只覺得...出邊已經有人青出於藍.....因為有時太遲黎...食唔到豬仔飽....退而求其次要豬扒多士....反而我鐘意多士多D....可能易食D掛...........我已經唔記得6年前一個豬扒飽係幾多錢....而家就 $15....仍然係一個抵食既價錢....反而飲品就貴得不合理....我要左一杯涷柑桔檸蜜....細細杯.......$17/$18....返到香港....仲俾人話: 你仲去大利來....本地人都唔去喇...........係喎.......是日見到既....真係全部都係香港人喎...........

之前上網睇到有好多人都話大利來的豬扒包好好味, 所以星期日就同咗幾個朋友一齊去澳門, 去完威尼斯人參觀完大約四點左右, 我哋就決定去試一試個包係咪真係咁好食, 我哋由威尼斯人行去大利來都係15分鐘左右, 好快就揾到間舖, 而且好好彩唔洗等位tim, 於是我哋四個人每人叫咗一個豬扒包食, 唔洗一陣個包就送到, 急不及待一試, 個包真係好好食, 豬仔包外脆內軟不特止, 而且塊豬扒仲大過個包, 咬落又唔太韌, 味道非常好, 下次一定會再食過.

很久以前, 已聽聞過 "到澳門一定要吃豬扒飽" 這個例牌動作, 而當中所提及到的店鋪便是 "大利來記"......多年前首次到訪, 沒有 service 可言, 坐位要自己找, 一到豬扒飽出爐前數十分鐘, 還要 "大汗疊細汗" 排長龍等待購買豬扒飽..... 事隔多年, 一來到, 竟發現有坐位, 一坐低, 竟然有紋了身的哥哥仔走過來, 以親切的態度問我們要甚麼東西吃, 原來現在連豬扒飽也不用排隊購買, 會連同其他食物飲品一起奉上, 服務來了一個大躍進, 卻仍不另收加一服務費..... 大慨也不記得當年豬扒飽的味道了.... 現在的豬扒飽, 豬仔飽色澤鮮明, 焗得香脆; 豬扒份量頗大, 卻略嫌乾身一點... 大慨是距離出爐時間多了一點罷.... "黑水" 是豬扒飽的最佳伴侶, 一人一枝, 奈何自己那枝不夠凍, 扣了少少分.... 事後聽說原來 "大利來記" 近年來了一個大跌 Watt, 經友人推介, 下次會試一試 "勝利"或 "青洲劉記" 作比較~

我去澳門好鐘意試下邊間豬扒包最好食，好似話呢間幾好，於是就去一試，去到時已經見有人排隊等，終於排到。個包有少少乾，唔夠脆，但係我覺得最緊要係豬扒幾夠林同埋香，咬落仲有少少肉汁， 如果可以淋多d汁相信會再好食d，個豬扒包味道其實唔太差，可以一試，不過就要比d耐性排隊等了。

呢間嘢分時段才有豬扒包食架果次搭的士嚟到呢度～天氣又凍，好彩有得吃喳～叫咗一個豬扒包加一支熱維他奶～個豬仔包細細個，又脆喎豬扒好大件呀．．．ＧＯＯＤ

呢度的豬扒飽, 除咗要等夠特色外, 就係好多時都只係得番方飽俾你, 無豬仔...oh, 口感差一大截, 因為方飽太軟. 做出嚟的效果唔太理想.豬扒夠入味, 鬆軟, 可惜無乜醬汁點綴, 始終差一點點.... ok 咁啦!

早上到大利來是沒有豬扒飽吃的，只好由豬扒多代替。其實最主要想吃那件又香又有口感的豬扒，"飽"或是"多"都沒有所謂了。咖喱魷魚--又辣又爽口，正！奶茶--很滑很香；配豬扒多的確不錯！

我去過澳門好幾次,次次都就唔啱時間去食大利來的豬扒包,聽人講唔試唔得,於是今次去澳門特登去食...兩點九已經有好多人排緊隊, 啱啱呢個時候佢間鋪又係西斜...已經又曬又熱...係等緊嗰陣已經聽到啲剛食完的人係到話,"唔掂".. " 好乾,好難哽", 個心唸"唔係呀?!不過點都要自己試吓先知"....大約等咗四個字終於到我....一咬落個包到...真係想佢飲奶茶快啲嚟...個包好乾都唔只,仲要係唔熟, 係可以用難食嚟形容.....塊豬扒又唔夠鬆化.......講真真係唔想食哂佢...但唔想浪費食物,同埋仲有人係到排緊隊呢....不過,唔會有下次.......仲有我哋叫兩杯奶茶,由坐低落單,到"妹"完個包,都未嚟,真係唔得.......坦白講, 大快活個豬扒包好食好多.........

去澳門之前做曬RESEARCH..搵下有乜好食!呢間大利來記既豬扒巴大獲好評..又排曬長龍 賣完就無..我地一行四人兩點半就去到坐低等頭隊..塊豬扒唔夠香.. 亦無去骨.. 不過問題唔大!最令人失望係個包.. 硬得黎唔好咬口..成個包就係咁.. 無汁.. 乾爭爭!!!唔想浪費食物.. 但真係唔好食.. 建議各位去澳門.. 唔好滿心期望咁去排長龍等食佢啦!

好開心, 終於可以食到澳門著名的 大利豬扒包. 沿途問路, d 街坊會答你, 好多人排隊的……豬扒包 (^@^)3pm 開始賣豬扒包. 我同 honey 約 3:30pm到達. 由於不是假日, 人龍不算長, 只等了 15mins. 多謝honey 替我排隊^^!豬扒包($15) 新鮮熱烘烘, 好香好味道 !喜歡包包烤過 又香軟 呢.配 支裝可樂($8), 食得真快樂!

係我有史以來食過最好食既豬扒包!去澳門一定要試!連係香港都無可能食到咁好質素既味道剛剛好包都唔太硬真係好想再去食!