牛記咖喱美食

營業中

休息中

平時黎澳門都好鐘意去十月初五街牛記食, 之前喺氹仔想搵牛記總店, 的士司機老點我哋, 求其喺官也街放底我哋話行入去就見到, 最後梗係搵唔到啦。 今次決定一定要搵到為止, 問吓人, 終於俾我哋搵到。  呢度比十月初五街間鋪大好多, 坐位之間好闊, 客人亦無嗰邊咁多, 可能因為呢度唔係遊客區。黎到牛記梗係要食最邪惡既蟹黃撈麵啦, 呢度既蟹黃一樣咁正, 不過啲麵質同十月初五街既唔同, 唔夠爽口彈牙, 亦比較粗 燴牛尾同嗰邊一樣咁好味, 又夠林又夠濃味, 淨係啲汁都可以用黎撈個白飯黎食。蝦膠釀尖椒既蝦膠好爽口彈牙, 啲尖椒都幾辣, 炸得啱啱好, 唔會太乾, 唔錯。香煎墨魚餅亦做得唔錯, 同樣係爽口彈牙。除咗係啲麵質差啲之外, 其餘食物都同十月初五街差不多, 不過今次無食到清湯腩, 下次再黎試吓。

天空漸漸地變黑夜,這個時候正是去吃晚餐最佳時機,這次一天遊總共食了四餐,在牛記咖喱美食則是最後一站,本來不是來這裏,目的地本是六記粥麵食水蟹粥,原來是開六時三十分,還未到達營業時間,母親不等回頭吧,之後再建議在這裏食飯,店內比起祥記沒有人迫人,坐得非常舒服,原來有米芝蓮推介的食店!我就真係不知道,簡單叫三款食品,一鍋水蟹粥,咖喱牛腩麵以及蟹黃撈麵.咖喱牛腩麵牛腩帶點韌性,不及於在香港所吃的級數,勝在夠辣,食了二口都另叫可樂解渴,蟹黃撈麵接著就是這裏的名物蟹黃撈麵,如果知道有得另加一碗蟹黃我都會付錢,蟹黃沾了整碗的三份一,和蟹黃撈在一起等於最初祥基麵家的蝦籽撈麵相若,吃落都幾惹味,不過論麵質不及那處好,平時我很少食撈麵,想不到在澳門連續食了二餐.神奇!有驚喜的水粥蟹入來這裏另一原因母親知道這裏有供應水蟹粥,二人一客細鍋,接近一百元一鍋,不便宜的水粥蟹,母親喝了幾口就說不錯,隨即放下心頭大石,水蟹粥味道帶甜,吸收了水蟹精華,而蟹肉則是嫩滑,不需再加任何調味,想不到這裏出品都不錯,本來以為食不完,最後也能食到見底!三款食品和飲品加起來要一百四十四元,以晚餐為標準實在算是便宜,這一回真的飽肚了