禮記雞鮑翅 (已結業)

放假又過澳門玩, 咁當然唔少得要去我地必到既禮記啦.但係今次係去新舖..無魚仔食. 但係水準都一樣呀~~今次仲買左外賣番屋企. 試下自己煲等自己回味下.都OK足料喎。又唔係貴，送禮一流。但係只係ＫＥＥＰ到一個星期到.　

由於有 fd 生日 ge 關係, 上個星期日又黎咗澳門 la ~~~ 首先去咗氹仔, 諗住食大利豬扒包, 點知太多人 la, 於是就撤退食其他 la . . .係官也街行行下, 見到一間叫 "禮記雞鮑翅" , 睇個好似係上次試過係新馬路個間禮記酒家, 問下店入面個阿姐先知原來係分店, 於是就入去試試 la ~~~ 睇下個 menu 先知呢到無新馬路個間咁多款揀, 不過都有齊我想諗試 ge 野,lucky ~~~ 咗個雞煲中勾翅 (6人用), 禮記四小碟拼盆 (個名幾吸引, 有我最鐘意 ge 招牌凍蝦, 手撕雞, 辣炒花甲同金錢蟹盒), 牛肋骨同埋其他野, 不過唔記得係咩 la . . . = ="先講個中勾翅, 個翅好滑好彈, 個湯真係好好, 好濃好甜, 又有少少火腿味, good !!! ~ 跟住就係個拼盆 la, 除咗個蝦之外, 我最 like ge 就係手撕雞 la, 佢好香麻油味, 而且加咗海蜇同花生, 口感好特別 ~~ 值得一試 ~~ (掛住閇飯, 無人記得影相, 淨係得張門口影. . . = =")btw, 佢入面 ge 裝修都唔錯, 幾好幾舒服 ~~~~

行經官也街，見新開咗間禮記雞鮑翅，決定入去試下。 原先係想試竹笙紅燒雞絲翅（$30）同原盅菜膽炖翅（$48），女店員就介紹我哋食雞煲中鮑翅（$78），話抵D好食D喎！ 無幾耐，店員就送上一湯碗奶白色嘅液體過來。 撈兩撈，天呀！ 佢哋係咪唔記得放翅入去？ 得幾撮深啡色針狀物，係針翅？ 唔識欣賞！ 仲有几條雞絲，好矜貴架！後來唔夠喉，想再要竹笙紅燒雞絲翅，佢哋又話賣晒，吹脹！平心而論，D湯都幾溶，但係咁嘅份量，鴻福堂都係卅蚊咋！ 材料一定多過佢。 我好奇怪點解網上咁多好評，可能今次失手啦！ 大家有冇試過？ 俾D意見吖！

黎到氹仔展開密密食之旅~周圍食完行到腳軟見呢間好似幾吸引就試一試喇~呢度d翅真係平有平食,幾十蚊都有交易,3個人試左兩款翅雞鮑翅 呢個好似平時去飲食個d翅呀 不過就淡身小小 幾十蚊有見得到既翅已經好好嫁喇 無期望所以無乜點失望 都okay既菜膽翅 呢個就好似飲緊清湯咁 雞肉幾滑 有金華火腿所以個湯幾甜幾好味 翅都係可以見得到既幾十蚊既價錢當入去飲碗老火湯都抵既~可以一試,但唔係話一定要黎咁囉

我地一行6人都無乜機會試下一早起身就去食翅, 一於去澳門試下啦. 我地叫左一煲398既雞鮑翅, 另加一碗紅燒翅, 不過唔知係唔係我既味覺有問題, 總覺得個雞湯無乜味, 而D翅都好多(可能我地5個人食6人份量啦), 不過如果個雞湯可以再濃味返小小就prefect啦..

今日又來澳門玩了,一到步當然是先醫肚!! 第一站來了禮記食翅本來是想叫中勾翅吃的,誰知道一個失誤叫錯了雞湯中鮑翅這兒的翅不像別的店吃到的一樣,有著厚厚的羹翅湯果然是大家所說的奶白色, 飲下去有濃濃的金華火腿香,咸度也適中,不錯而翅就因為不是中勾翅的關係所以不太大片,而且沒有一絲絲翅看到看上去有點點像花膠的感覺,入口軟軟的沒什麼味道另外,也叫了個禮記四小碟拼盆有招牌凍蝦,崧子仁手撕雞,辣炒花甲,金錢蟹盒凍蝦有陣淡淡的酒味,蝦肉不太爽口,味道普通炒花甲辣辣地很惹味,不過有點沙手撕雞我覺得是最美味的一個雞肉加上少許海蜇 花生 松子等,配上微酸的醬汁,口感豐富而且很開胃!蟹盒感覺很一般,清清淡淡的,有吃到蟹肉不過沒什麼鮮味,而且有陣炸油味這頓飯整體上感覺很普通,可能是叫錯了翅吃不到心中所想,所以有點點失望呢!!下次來一定要吃個勾翅呢!!!

係十六蒲食完breakfast buffet, 飽都痴根, 之後去咗大三巴附近影相同賭場碰運氣. 去到氹仔大約2點鐘左右, 食過沙度娜同莫義記, 呢2個都唔詳細講啦, 因為其他網友都有評論, 同埋我覺得無咩特別. 2點半左右, 係禮記坐低, 試試網上好評既魚翅~坐低後我地4人都無咩頭緒, 老闆走埋嚟介紹, 最後我地選擇咗2樣:中勾翅2人份 ($228), 份量有2碗左右, 係有啲翅係裏面, 但我覺得好似魚唇多啲, 加少少針翅既物體, 配一啲白色濃湯, 湯都可以, 但翅就無咩味...一般中鮑翅1人份 ($78), 呢個好味啲, 因為湯濃味啲, 但翅都係咁上下味....JUST SO SO都係果句, 叫做試過...唔係必到地方, 一試無妨

由於網上睇好多人話呢間ok, 其它好多間都試過、就試下呢間、點知出事！首先叫左四小碟拼盤(有辣酒花甲/馳名凍蝦/金錢蟹盒/手撕雞)$98辣酒花甲: ok!但係唔係花甲係沙蜆。馳名凍蝦: 門口張相係中蝦、上碟變左無味大頭蝦...........金錢蟹盒: ok! 炸野好難整得難食。手撕雞: 好食、不過太多花生。跟住主菜重頭戲雞煲中鮑翅($138)上檯！登登登........ D翅跟本就唔係翅、係類似魚唇個D肉...... 再有小小好硬好硬的小翅針、湯就大把(不過好淡味......)、翅加肉就恍惚係一個標准泳池度有十個人游水咁既感覺........ 極之失望。係我咁多年係澳門食過最差的、當然價錢都係一個因素、但我請願比多兩舊去第二間食、如果係龍X食的話食翅都會食飽你、同埋真係鮑翅、我好懷疑個老板知唔知咩係鮑翅。最後個招牌炒飯($4X)就真係好好食。服務ok!

一落船便懷著超興奮的心情，向有食物的方向Gogogo皆因無食lunch,就上船出發了...諗住留返個肚黎澳門食多餐...所以第一餐就簡左黎呢度填一填個肚先,第一次黎食....首先叫左個禮記四小碟拼盤(有辣酒花甲/馳名凍蝦/金錢蟹盒/手撕雞)辣酒花甲: 味道很好,不過有沙最憎食花甲有沙,搞到要即時吐出來,難睇死!馳名凍蝦: 大頭蝦,多肉多糕,肉質新鮮! 金錢蟹盒: 這個不記得了什麼味道~手撕雞: 呢樣唔錯, 很香...配有牙菜和海哲加點芝麻另到雞肉更入味!另外點了一個雞煲中鮑翅,是點錯了~其實想要花膠海參中勾翅....上檯的時候俾個待應哥哥笑爆!佢係超慢動作咁北俾我地....這個翅相比起添發碗仔翅的的確是差了一點!喜歡喝湯的朋友們可以試下~啖湯的確很甜..不算很好但也不算差.....OK吧.....

澳門美食之旅終於來到尾聲，最後一站係氹仔的「禮記雞鮑翅」，原先其實係想幫襯另外一間食翅的，不過前一日行開官也街見禮記原來在此開了分店，於是改變主意來幫襯。哈！原來真係好嘢，無令人失望。因為老婆無乜胃口，所以主力由自己擔任，無叫兩人分量的翅，只係叫左一人分量的「雞湯中鮑翅」（Mop 69），一碟「崧子仁手撕雞」同埋兩件「金錢蟹盒」，再加一碗白飯，就成為了自己慶祝老婆牛一的晚餐了（真係超抵呢）。呢度的食物質素都唔錯，個翅賣相對辦，色澤金黃的翅分量幾足，可以吃到一梳梳的翅，而且湯鮮味甜，算是整得不錯！碟「崧子仁手撕雞」味道亦佳，都幾開胃。係個「金錢蟹盒」比較多油，而且唔係咁食得出入面的蟹，較為失色。其實呢度仲有幾款唔同的翅可以選擇，豐儉由人，中勾翅只係貴一點點，相信都應該幾好，而且仲有鮑魚同海參等貴價菜式，聽講話呢度d凍蝦都唔錯，一於下次再來的時候試下先。

中勾翅正,個翅.1位就已經好多翅,炒花甲辣辣地...普通.可能新開既關係!環境十分優雅..舒適!!!最好味都係戈戈翅..D湯好夠味,奶白色湯底裏有好多翅，仲有雞肉、金華火腿，花膠絲，啲湯好甜，總之好滿意.埋單$150.下次一定會再黎幫襯!

同女朋友食完飯行過禮記，女朋友話想食翅，咁咪食羅，最緊女朋友開心!入到鋪內，乾淨企理，光線充足，環境好過其他舊式飯店!座低睇餐牌，價錢唔貴，好想試多啲款式，但因為剛据完牛扒，再食真係有心無力，幾經爭扎下擇咗兩位用嘅鮑翅(其實唔太記得翅嘅種類)，等咗一陣，侍應哥哥將熱呼呼嘅仔送上枱，我急不及待打開煲蓋，嘩！奶白色湯底裏有好多翅，仲有雞肉、金華火腿，花膠絲，啲湯好甜，總之好滿意！埋單$108-，免計一........抵!..下次一定再嚟食翅同埋其他小菜!

今日同朋友經過官也街見到有間新開禮記..就去試下啦...可能新開既關係!環境十分優雅..舒適!!!我地就點個幾個小菜..1個1位既中勾翅金錢蟹盒.炒花甲.仲有個炒飯 個翅.1位就已經好多翅..而d湯好夠味道..食落去比較鮮味.主打菜!!而個蟹盒.咬落去好鬆軟..熱呼呼的應該係岩岩炸.唔係炸定ge!個炒花甲辣辣地..都唔差..最好味都係戈戈翅..又平又底食..!下次一定會再黎幫襯!

本應去禮記酒家食翅＇点知去到氹仔官也街見到間（禮記鷄鮑翅）,上前詢問下,原來係上個月開,重係禮記酒家開添,心諗可以試左先,店鋪好新淨,裝修○Ｋ,不過好多人排隊,等左1５分鐘,見到靚仔話:有位請上閣樓,,服務態度熱誠,值得加分,見佢主打中勾翅,就要中勾翅108一位,３分鐘唔夠、翅黎到,翅好大隻,湯係白色濃湯,好鮮味,足料,果然有料到,之後叫左個禮記四小碟拼盆88元,有佢的招牌凍蝦,手撕雞,辣召花甲,金錢蟹盒,２熱２凍,配搭好特別,凍蝦好食,好爽口,埋單196,設加一,無什項,值得推介ｏ