阿維斯咖啡

營業中

休息中

阿維斯咖啡係澳門有多間分店，雖然係一間葷食餐廳，但佢有提供素食餐牌，方便素食者同肉食朋友一齊食飯。店員好好係落單時有特意問要唔要走五辛。要注意每間分店嘅營業時間會有唔同，我去嘅南灣分店就係由朝早7:30開到晚上9:30。西洋燴魚 (可選配飯或意粉) (走五辛) (MOP $50)素魚口感似用大豆製成嘅素肉製成品，初頭以為只有素魚，點知配料幾豐富，有素腸、薯仔、青椒、蕃茄同橄欖，每樣食材各有3件。意粉係茄蛋意嘅味道，份量啱啱好。