鳳城珠記麵食專家

營業中

休息中

今日和班朋友過去澳門舊城區，睇吓d古蹟影吓相，行到有d累和餓就找個地方休息吓醫吓肚，見到呢間麵家就入去坐低，睇餐牌原來除左麵，還有粥、三文治、麵包和飯。我見香港試得多在澳門未試過麵，就叫左個三寶麵（雲吞、水餃、魚皮角）和凍檸賓。個三寶麵（雲吞、水餃、魚皮角）麵爽囗彈牙，飲吓個湯係宜家好多地方都冇，好清嘅大地魚湯，冇味精味加左幾滴豬油更加滑囗，雲吞、水餃、魚皮角每樣有兩隻，而且幾大隻幾飽滿好足料，入囗彈牙爽囗唔梅，價錢都係$45，在香港未必食到噤正噤好味嘅麵。

行完主教山，經過呢間麵店，大家都有啲肚餓，我見門面光鮮，又係食我鍾意雲吞水餃，就入去坐低，環境普通麵店格局！光猛乾淨！四人坐卡位，少許迫，為了之後可以食多啲，決定唔食麵，見有個三寶，問清楚可以每人每款分到一粒先叫！再加個門口圖片好靚嘅油菜拼魷魚鯪魚球！四個人分享，好在麵店都無介意！（無人頭最低消費）水餃--材料多，皮薄好靚，木耳爽口，配埋豬肉同蝦！好味！雲吞--豬肉為主，有肉汁，皮薄滑溜，蝦好細隻，好味！魚皮角--呢個好驚喜，因為我一直都唔鍾意食魚皮餃，覺得個餃皮好粉好厚！，但呢度唔會，個皮薄但煙韌，味道濃，中間餡料有肉汁好味！改變我一直對魚皮餃嘅負面感覺！個湯底又濃又清甜，唔味精！好味！魷魚鯪魚肉拼油菜，鯪魚肉彈牙，唔粉，中間夾雜少許魚骨碎，味道好！原隻細土魷魚仔，比較煙韌，味道濃郁，特別，但個菜心明顯煮過籠，淋晒，一啲咬口都無，好難食！店員都好親切，唔會催促，見我哋四個人食少許嘢仲要攞碗仔分享！（碗仔係公雞碗）一啲都無所謂！唔會黑面！上菜收碟都好好笑容！澳門特色係悠閒！