影片
電話號碼
+853 88651366
開飯介紹
我們的特色酒吧坐落在城市天際線壯麗景色中，熱愛深色烈酒的賓客可以在這裡品嚐特色酒品。
繼續閱讀
以上資料只供參考, 請與餐廳確認詳情
影片
相片
+14
澳門篇🇲🇴呢間🖤Blind Tiger 🖤位於澳門新濠影滙W酒店40樓😎，佢哋嘅黑色下午茶超受歡迎👍🏻，仲要係期間限定，所以一定要嚟試吓，呢度可以望到路環嘅景觀，一路嘆住下午茶，一路享受居高臨下嘅感覺又幾正，價錢仲要非常實惠👏🏻👏🏻，$528澳門幣兩位就可以食到👏🏻👏🏻，如果係香港呢個價錢嘅tea只係超級普通，景觀唔再講，質素亦都一般，所以嚟到澳門鍾意食英式下午茶嘅你哋一定要嚟試吓😉除咗鹹點同甜點之外，另外配有茶或咖啡，仲有每人一杯特色手調飲品，全黑色嘅外型超型格，打卡真係冇得輸，我哋由坐低去到上茶點大概要半個鐘，時間比起香港嘅tea相對地耐，不過係值得既💪🏻，事關佢哋每一樣嘢都係即叫即整，鹹點嘅炸嘢同特色漢堡都係熱辣辣😱😱，喺出邊真係好難食到呢個質素👏🏻👏🏻，重點係佢哋所有嘅茶點質素一流，每一件都好精緻，全部都係以黑色為題，甜點絕對冇死甜，甜度剛好，一啲都唔膩，值得一讚👍🏻👍🏻👍🏻鹹點方面最鍾意食嘅就係🍔豬肉乾肉鬆菠蘿包配黑松露牛油，做到精緻之餘層層分明，首先面層係肉鬆之後就係厚切豬肉乾😋，最後加上一塊青瓜消膩，菠蘿皮做到鬆脆，食落味道又夾，口感都唔錯😋😋其次就係🧁黑松露炒蛋燒小金杯，近睇先知，原來好似紙杯蛋糕咁，不過紙杯就變咗紫菜，而裏面就係炒蛋，裏面非常嫩滑，紫菜偏脆，冇得頂🤤🤤甜品方面就揀左呢兩款介紹，我覺得比較特別既，就係呢款🍫焦糖70%瓜纳拉朱古力🖤同埋伯爵茶柑橘，70%既朱古力對我嚟講甜度先係正常😂好似白朱古力果啲真係搞唔掂，呢粒好似金莎咁既一啖放入口😍果個口感唔錯，有粒粒之餘又唔覺膩，好香可可味😋，另外伯爵茶柑橘擁有黑色既賣相，有種神秘感😎食落先知裡係咩都幾得意，味道幾夾，都係果句，絕對唔甜😌
繼續閱讀
您可能會有興趣的...