影片
以上資料只供參考, 請與餐廳確認詳情
相關文章
網上好多人介紹，由高樓街搬左去巴掌圍，地方大左但同時都係咁多人去食，可能網上宣傳太勁，唔知點解佢話13:00開門但12:55去了已經坐滿晒，目測如果食唔到第一輪要等到14:00先會有位。好彩我12:55去到仲有最後一台。餐牌係掃QR Code，但有d唔方便因為第一版唔可以即刻揭到去最後一版😂我地兩個人坐左係門口高台，但因為太多人等位，有成廿人企左係門口哥到，搞到俾好多人圍住晒覆盤子蘋果梳打足料，啖啖果肉，非常清新松露薯條炸得好好食，好脆，松露都好香，但食到中間無晒松露，所以會有蛋黃醬同茄汁，蛋黃醬好香濃出色，唔同外面餐廳哥種魷魚墨魚汁意粉意粉食得出係手製，佢仲主打用30隻雞蛋，食落硬度剛剛好，但唔會好似出面餐廳咁硬到哽胃。魷魚都好腍，仲有小小蒜蓉加上墨魚汁，不錯不錯經典肉丸呢個肉丸等左成個鐘先食到，真係食飽晒先出現。但食得出呢個都係手做現製，好多肉汁，蕃茄汁不太酸呢餐食左3百幾蚊，食物不錯但未至於太特別，但如果要等位等咁耐就不了，等熱潮過左先再試都未遲
繼續閱讀
牛扒三文治一半邊係芝士蒜蓉包，另一半鋪滿咗粉嫩嘅牛扒，下面仲有生菜、蕃茄同沙律醬，未食只係見到都已經流晒口水呀！🤤麵包烘到外面脆卜卜，裡面好軟熟，牛扒煮得剛剛好。薯條仲係熱辣辣，而且數量都幾多。呢個牛扒三文治真係好好食肉質嫩滑，賣相亦好靚左邊個焦糖布丁係跟set，味道都唔錯。而tiramisu係另外order的，質感軟滑，亦食到espresso嘅味道，唔錯。整體而言食物有水準今次無試到呢度嘅主打handmade pasta同pizza，下次有機會再嚟試
繼續閱讀
原來呢度未開之前，店主已經有搞意大利菜式嘅私房菜，仲開班教整意粉及Pizza等。平時隔住塊透明玻璃窗，可以睇到廚師現場整pasta。咖啡店有2層，設計以木為主，下層有一張對住咖啡吧嘅長木檯，星期日坐喺度食lunch感覺好正Carbonara ($98)睇食評見到啲menu相幾有型，但嚟到之後原來仲型。一坐低店員就遞上一部ipad mini，睇住ipad落單，感覺自己都好似型咗咁。專登嚟就係食手打pasta，梗係要試吓carbonara啦。原來佢哋嘅自製pasta係用意大利00麵粉雞蛋造嘅，即係磨得最幼細及最白滑嘅麵粉，整出嚟嘅寬麵軟綿帶啲嚼感，食完都冇好糊嘅感覺，非常新鮮。外面好多carbonara都好膩，但呢個嘅芝士味雖然重，但濃而不膩。辣肉腸薄餅 ($102)傳統pizza餅底最緊要夠薄，呢度自家製嘅發酵薄餅底餅邊焦脆，入口薄而鬆化，芝士份量夠晒多，配合辣肉腸，鹹香惹味。檸檬草薑茶 ($42)賣相好有趣，會係忍唔住想即刻影佢相嗰種。隻杯本身有一塊大冰及兩片薑，檸檬草味濃，鍾意薑嗰種辣嘅朋友可以篤吓片薑，味道會更突出。熱辣辣飲返杯凍冰冰嘅茶真係透心涼，令人胃口大開Cappuccino ($35)一個傳統嘅 Cappuccino，沒有花巧嘅拉花，厚厚嘅cream，上面仲有朱古力粉，咖啡少酸帶甘，仲有一塊曲奇添呢度嘅手打pasta真係誠意，而且有水準，不過就要行一大段斜路先上到去，雖然係咁，都好值得
繼續閱讀
呢間餐廳離旅遊點阿婆井不遠，在舊區中呢間餐廳突顯佢嘅間潔及新淨。澳門可以食到沙律飲果汁地方不多，而這間餐廳是其中少數的一間。另外，餐廳亦提供意粉，薄餅及其他小食，飲品就梳打咖啡果茶。難得有沙律，當然點了1個三文魚ceaser salad,另外，店員亦推介signature 嘅blueberry tea.沙律及飲品上枱都好精美，沙律材料好新鮮。（沙律幅相post唔到）下次試埋意粉再分享埋
繼續閱讀
您可能會有興趣的...