影片
營業時間
星期一至日
11:00 - 23:00
以上資料只供參考, 請與餐廳確認詳情
相關文章
我可能偏向食豬骨湯底，第一次食雞湯底覺得吾係自己口味，但佢既份量係好大碗，個時叫左都食吾晒，剩下左好多（罪惡感），個時我去食好似係新開未有豬骨湯，只有雞湯，遲下去試下新野！
繼續閱讀
又有新拉麵店加入澳門戰場，這次是來自廣島的全球連鎖拉麵店，店名「Bari-Uma」，就是「Very Oiishi」咁解，主打濃厚醬油豬骨拉麵。早前已加入香港的拉麵一條街（登龍街）打埋一份。日前睇到朋友Post相，只見那舊五花腩真真不得了。如果我能在假日早起，肯定是為了美食。這個大好週末就約埋史提芬同我一起試新嘢。在君悅灣廣場，非常當眼。其實我完全看不懂日文，但又「最強」又「濃厚」又剩，好似好把炮咁。不管如何，我總算睇得明個價錢，確實係唔簡單的。但話說回來，香港澳門吃拉麵平均都要這個價，一次半次豪俾佢啦！炙燒豚肉味玉拉麵 MOP78此店的天字第一號招牌，第一次來吃點它一定冇死。這碗是史提芬的，只見碗內油光閃閃，好Ｑ激動。扮減肥朋友可以勾選「少油」呃下自己。不過第一次吃，依師傅推介落全醬是B舒的。我試了一口湯，果然好濃厚！！醬油味比豬骨味更出位一些，味道頗有深度！吃不慣拉麵的朋友可能覺得偏鹹，我和史提芬此等重口味動物就覺得很正！要特登早起來吃這家店，正是為了在這塊厚切五花肉！頂你，沒事長這麼肥美幹嘛？真是引人犯罪！！五花肉夠晒厚身，在嘴裡慢慢融化，好食到連我個心都融埋！必須是這麼濃烈的湯底才駕馭得了這麼肥厚的肥肉，而且肉醃得入味，本身就很可口！一碗只有一塊，不過是又大又厚的一塊，滿足矣。吃到後來難免膩口，叔叔我也要愛惜生命，肥嘢真係一塊起兩塊止。雞叉燒辛辣雞白湯拉麵（大辛）MOP78這碗是我的。在拉麵店吃得多地獄拉麵，總覺得日本人下辣不會太手重，膽子越來越大，第一次就挑機大辣。你會話我唔識食，又要雞湯又要大辣，咁咪即係蓋晒Ｄ雞味？！冇錯，但我就是喜歡吃辣，末期重症早已放棄治療。拉麵一上桌，只見碗內辣油閃著亮麗耀眼的紅光，表層灑上炸乾蔥條，還有兩條辣椒大搖大擺地漂浮著。唉，如此動人，叫我火燒菊花都甘願。迫不及待先喝一口湯，入口首先是烤燒香味，而雖然那層紅油不薄，但辣度大概只在★★★★水平，香辣得來還能品嚐到雞湯的濃鮮，亦不至於要食食下停下來涕泗蹤橫。喜歡吃辣的朋友，請放心大辣起跳。不過我想用豬骨湯來加辣，強強對決的話，應該會比較好。雞湯還是適合吃原味（但我絕對不會後悔叫左辣味，就算時光倒流我都會叫多次辣味可能仲要加辣添）。雞叉燒經過火炙，非常香口，乃是雞腿捲成的，厚切，咬落又嫩口又彈牙，好好吃，大推！在澳門比較少見到雞叉燒，扮減肥的朋友可以考慮下。麵條質地不錯，是幼直麵。據說是自家制，咬落算是爽口，建議硬身。不知是否湯底過分濃郁，總覺得麵條份量很多，食極都食唔完。真係冇乜機會替玉。味玉 MOP10流心蛋很入味，而且選用的雞蛋品質不錯，色澤靚仔，蛋黃香濃，值得加點。羽根燒餃子（午市跟拉麵） MOP12現在很流行的那種底部連成一體的煎餃子，但今天不知是否客人太多，煎得不夠焦，有少許與餐牌貨不對版。裡面是肉碎和菜，味道不過不失，勝在餃子皮夠薄。此店目前剛剛開業，飯市有等位跡象。熱愛肥膩重口味的朋友不妨一試，喜歡拉麵小路那個雞白湯的朋友也該來挑機。我下次來也一定會乖乖地食番個原味雞白湯，如果我沒有又把持不住又叫左辛辣拉麵的話⋯⋯
繼續閱讀