影片
電話號碼
+853 6613 3399
營業時間
今日營業
17:30 - 02:00
星期一至日
17:30 - 02:00
以上資料只供參考, 請與餐廳確認詳情
相關文章
呢間野好流，情人節前幾日打去訂台點個情人節set, 情人節出得去食預左比人斬一頸，但唔係伏到咁掛 。訂10點冇問題，9點50分到打電話叫開停車場，第一次問左咩車牌做哂登記以為會出黎，幾分鐘都唔見人（其實個車場門口係見到個餐廳有冇人出黎）要去到第二次再打去仲要好似唔記得有人等緊咁，佢先有人跑出黎開閘。講返個booking先，店員講話隻鮑魚係新鮮返要落訂，結論提早專程過去落訂5舊水，點知黎到坐底左個侍應確認左已訂set就行開左，隔離台walk in 遲過我地到十分鐘，有個好熱情既女侍應招呼，跟住仲問有冇同一個set，女侍應拿拿林去check仲話得返最後一份，前後等左近廿分鐘隔離台已經上左餐酒，而我地連杯水都冇 ，心諗唔通真係最後一份，笑左。最後要去到出聲先識拎兩杯水過黎，跟住再反問佢點解遲來先上岸，佢地先好唔好意思咁拎兩個杯過黎，仲要兩隻唔同款既杯，可能連個侍應自己都唔覺。終於上菜啦，足足等左一個鐘，11點了，呢間野上菜慢出左名，但要預訂仲要落訂，少少事前準備工夫都冇做好？同一對walk in叫呢個set既客一齊等左成個鐘？其實上菜前會過黎同你影張即影即有做個紀念，咁個女侍應提出不如影多張，其實隔離台都係影左兩張，但個好熱情既女人走埋黎仲要同你講平時影得一張架咋，但當時真係唔想濕佢。上菜個order已經亂左，頭盤先過前菜，你就唔好走埋黎兜啦。其實個set好伏，電話佢有講過一隻鮑，一人一份蠔，但個性價比似將一個set分左做兩台客，餐前冷盤兩杯，前菜蠔每人一隻都算，頭盤一隻鮑share足料，所謂既主菜紅酒朱古力霜降肉眼，朱古力醬已經喺碟到好似油畫咁食哂色，肉眼凍凍地仲要係薄切7條，係幾靚，但係一台一碟share。果然餐牌唔寫明OZ唔好信，兩台合埋一塊都唔知有冇。最後既甜品係水狀Tiramisu, 唔通呢樣都要拎出黎解凍兩個鐘？哥時已經00：05了，真係已經成肚火，拎杯甜水黎降下火咩。成個set盛惠1499加一，果然冇改錯名One Chance Only.
繼續閱讀
您可能會有興趣的...