鉅記手信

營業中

休息中

中秋追月日，於福隆新街吃過晚餐後，繼續行程。途經鉅記，想起母親大人吩咐我買的手信 ，便入內逛一逛。最後，試食過後買了一盒陳皮餅，讓我與老公仔品嚐; 另外買了一盒母親大人指定要的咸切餅 。回港後第二日(星期日) 中午，當然立即品嚐啦， 陳皮餅 ($48): 包裝盒幾簡潔但別緻，據說陳皮可以健脾開胃，可化胃氣，都好正氣噃.....拆開望吓先，內有兩包獨立包裝(每包有三個)，總共有六個陳皮餅。一打開取出陳皮餅，已隱約傳出陣陣的陳皮味 。切開後，陳皮餡料十足，一口吃下，很重的陳皮甘甜味但不苦澀，還吃到有粒狀的陳皮，餡料口感軟硬交雜; 餅皮不似是曲奇餅的脆，是猶似日式大福餅的偏軟身的，可謂皮薄餡靚，整體口感好好 。好啦，當然唔少得同母親大人一起試吃這盒懷舊包裝的咸切餅 咸切餅 ($34):懷舊包裝夠特別，顏色鮮艷，印刷頗精美，別有一番風味.....打開一看，入面全是個別包裝，份量不少呢!每一小包原來內有兩塊 size 相同的南乳味餅乾，少少咸及帶有絲絲南乳香味 ，但不似南乳雞仔餅的那麼濃味及油膩; 餅身脆卜卜的，是久違了的傳統餅食口味，值得一試。