誠昌飯店

營業中

休息中

成日話去氹仔要試蟹粥，但成鍋粥，人少好難有機會入去試，今次多些朋友，儘管入去試試。粥底都算綿，有蟹味，有部份似鹹蛋黃既碎蟹膏，但又唔覺佢好似旅遊書寫得甘足料，枱枱都叫蟹粥，會唔會真係逐枱同你精心炮製? 我地見佢地員工既"服務態度"(如果稱得上的話~)，就覺得這間店無可能甘好心機!頂多每鍋執點蟹腳，同加塊顯眼既殼! 但吃後覺得口乾，相信一定下了味精。除了蟹粥，我們也點了鮑貝扖西蘭花及鯪魚球,墨魚丸。鮑貝扖西蘭花都算ok，份量都夠，只是茨汁太多。鯪魚球,墨魚丸是三樣中最好食，雖然一定不及祥記的酥香，但都算乾身彈牙，連平日不喜墨魚丸的我都覺得他做得不錯，比鯪魚球出色。