保健牛奶公司

營業中

休息中

雙皮炖奶 MOP30保健牛奶座落於新馬路附近嘅一條小巷，幫襯嘅人唔多，每次嚟到，都會見到好多空枱，不過並唔代表佢唔好食，只係位置唔太顯眼啫～ 雖然呢碗雙皮奶嘅賣相麻麻地，望落就好似大腦組織咁，但食落其實好滑，仲好有奶香添～冰花燉雞蛋 MOP25西式燉蛋嘅代表就係焦糖燉蛋，而中式嘅代表就一定係冰花燉蛋。冰花呢個名聽落好靚，其實就係講緊搵冰糖、清水同埋雞蛋，三者根據一定嘅比例所整成嘅燉蛋。蛋味香濃，甜味自然，質感滑到就好似食緊布甸一樣，絕對唔比焦糖燉蛋輸蝕架！薑汁撞奶 MOP30天時凍凍地，食返碗薑汁撞奶就最暖胃，而且薑汁仲有驅寒嘅功效。呢碗薑汁撞奶滑嘟嘟，好有奶味，但我就覺得薑味太重、太辣，麻麻地，應該係落得太多薑汁。