六記粥麵

營業中

休息中

由十六浦索菲特酒店沿馬路北行約10分鐘便到沙梨頭仁慕巷。呢條小巷有2間馳名食店，包括細龜炒河既華軒美食及今次晚飯既六記粥麵。六記粥麵好多客，我同朋友坐正廚房出入口。個場雖然有伙計，但係互相閒聊多過為客人服務，我地搵個伙計落單都唔容易，左推右推先有個人埋來落柯打。蝦子撈麵$19--蝦子鹹香，竹昇麵彈牙，質數超祥記一班，起碼個蝦子撈麵唔會濕漉漉。滷水鳳爪豬大腸$34--鳳爪炆到好稔，入口易吮；大腸就比較過火，有點泡。炸米通鯪魚球$35--魚肉彈牙有嚼勁，米通脆口，隨上蚧醬則略咸。生滾水蟹粥$110--有隻半水蟹，夠鮮味。粥底香甜軟綿，食不口渴。埋單$198，的確抵食物超所值。