新馬路成記粥品

營業中

休息中

臨時決定過大海一轉，上網買到特價船票已經好開心，點知仲有百老匯美食劵送，未去過百老匯可以順便行吓。由碼頭搭穿梭巴士去到，要先在百味館換劵，原本想响百味館食，但係話接待緊團餐，想食就要等，仲有好多選擇唔等佢啦，反正見到選餐有粥已心思思，天氣涼涼地食碗熱粥更合適。粥店在百老匯大街近盡頭處，叫咗套餐B:皮蛋豬肚粥蒸燒賣腸粉炸麵+綠茶新鮮生滾粥製作需時，請給予一點耐性。店內驟眼看有點快餐麵店FEEL細看牆壁上有些店舖歷史資料。炸麵  (油炸鬼)脆軟可口不油膩，同桌的兩位客人都讚。蒸燒賣腸粉燒賣是豬肉燒賣有肉鮮味，腸粉口感軟熟唔爛又夠熱，就算不落醬料都好味。皮蛋豬肚粥適量皮蛋好多豬肚絲，非常足料，粥底棉滑，最重要係豬肚有鮮味，咬落唔韌又保留嚼勁，好好食，好正！平常吃到的豬肚淡而無味又腍滋滋，這一碗實在很有驚喜估唔到免費都可以食到質素這麼好的食物。