黃枝記

營業中

休息中

行完大三巴, 有d餓, 又唔想食小食, 入左黎呢間黃枝記。之前由十六浦行到去大三巴, 估唔到我地咁都識行! 途中見到間黃枝記, 原來果間先係老店!新店都有好處既, 大d又乾淨d囉我諗...我地2個人叫左2碗雲吞麵$21 x 2 (據聞出名嘛) 同一罐可樂$9。老實講, 我個人中意食雲吞麵既, 食過好多間雲吞麵, 呢度d雲吞唔算好大粒, 亦唔係好多, 麵既彈牙程度尚可, d湯有味..味精既味, 不過又唔會話好鹹~ 碗麵好細碗, $21唔算好貴, 其實好味, 不過唔係超好味! 而我男朋友就話好好味, 不過太少。