陳光記燒味飯店

營業中

休息中

陳光記燒味係澳門冇人唔識， 最近仲黎到香港開分店添。今次係第二次係澳門幫襯，上次嗌左招牌黑椒燒鵝飯，真係名不虛傳好香好好味但係價錢有啲貴 一盒飯要七十幾蚊，所以今次試下同樣係黑椒汁既黑椒燒鴨飯，三十五蚊，係燒鵝飯既一半價錢。一打開見到燒鴨鋪滿大半盒飯，鴨皮有光澤，上面淋左黑椒汁，我仲要求加薑蓉，單睇外表呢盒燒味飯已經值九十分！第一啖試下啲燒鴨，皮脆肉嫩，鴨肉一啲都唔羶，黑椒味唔會搶左鴨香，反而帶出鴨肉既味道，燒鴨絕對唔比招牌燒鵝差。再食一啖白飯，黑椒汁滲透每粒白飯之間，黑椒香味係口中徘徊，相當惹味！一啖燒鴨一啖飯，好快就成盒食哂。下次會再試陳光記既其他燒味！