影片
更多
2017-02-20
1050 瀏覽
又係澳門篇，平時話去食乜嘢通常都係我話事，今次去嗰個地方呢就比較少去，就真係唔知食乜。上網見過有幾間酒樓喺附近，諗住求其一間。點知最微個客有介紹，咁就去咗佢介紹嗰間。去到嗰陣時候睇咗個名都即刻想上網睇下有冇人介紹，原來無人介紹過，食評冇人寫過喎，但係估唔到原來質素幾好。佢雖然係賭場嘅其中一部份，只係搵啲板間住，位置唔算話10分舒適，但係都可以。點心大概有二十幾30款，價錢就係中上，佢食嘅點心都算高尚，鮑魚燒賣又或者帶子餃，都算係靚d嘅點心。買上邊粒鮑魚都幾煙韌，味道似罐頭鮑，下面嘅豬肉燒賣都好味，肉身口感，但係相對帶子餃嘅爽，佢就爭小小。重點推介係呢一個帶子餃，皮薄，雪白色，型狀似蝴蝶型。下面係鮮蝦，有兩三隻蝦，味道好甜，好爽。再配埋上面隻帶子，好夾。仲有想介紹一下嘅係呢一個羅漢齋腸粉，平時我揀開就淨係會揀叉燒腸或者牛肉腸。素腸就係第一次，原來都幾好食，入邊會有啲木耳，竹笙，仲有其他嘅齋，咬落去有幾程不同程度的爽脆素類，另有一番風味。帶子荔芋角--雖然覺得上面個帶子唔係好夾，但係佢芋角真係做得幾好，外面嗰層好鬆脆，入邊除左芋蓉外仲有肉碎同冬菇粒。但係我就覺得芋蓉唔夠多，多d好味d姐。如
去到嗰陣時候睇咗個名都即刻想上網睇下有冇人介紹，原來無人介紹過，食評冇人寫過喎，但係估唔到原來質素幾好。佢雖然係賭場嘅其中一部份，只係搵啲板間住，位置唔算話10分舒適，但係都可以。
點心大概有二十幾30款，價錢就係中上，佢食嘅點心都算高尚，鮑魚燒賣又或者帶子餃，都算係靚d嘅點心。
買上邊粒鮑魚都幾煙韌，味道似罐頭鮑，下面嘅豬肉燒賣都好味，肉身口感，但係相對帶子餃嘅爽，佢就爭小小。
重點推介係呢一個帶子餃，皮薄，雪白色，型狀似蝴蝶型。下面係鮮蝦，有兩三隻蝦，味道好甜，好爽。再配埋上面隻帶子，好夾。
仲有想介紹一下嘅係呢一個羅漢齋腸粉，平時我揀開就淨係會揀叉燒腸或者牛肉腸。素腸就係第一次，原來都幾好食，入邊會有啲木耳，竹笙，仲有其他嘅齋，咬落去有幾程不同程度的爽脆素類，另有一番風味。
帶子荔芋角--雖然覺得上面個帶子唔係好夾，但係佢芋角真係做得幾好，外面嗰層好鬆脆，入邊除左芋蓉外仲有肉碎同冬菇粒。但係我就覺得芋蓉唔夠多，多d好味d姐。
如果平時無人介紹，我真係唔會去到呢度食，因為佢係一個賭場上邊，而且無知名度。但係有熟人介紹嘅，一定係有番甘上下質料嘅。
張貼
