影片
更多
2010-09-15
3131 瀏覽
好多人會問「香港冇乾炒牛河食咩？做咩條長路遠過黎食?」其實冇他啲，都係抱住試下啲心態啫，如果去澳門唔係去賭場同搵野食，我都唔知作為遊客仲有咩好做囉~話明係勁食之旅，所以一早plan好響林記食飽飽之後，立即轉場去十六蒲附近搵細龜。我地由黑沙環林記燒烤坐的士過黎，好容易就搵到華軒美食，因為響街口已經見到火光紅紅，細龜正響到炒牛河，火力強勁非常，而且仲聽到啲「薘薘聲」，真係唔食得都睇得啵~入坐之後立即order左個乾炒牛河，見隣近啲食客正在品嚐緊碟鮮牛肉腸粉(好似好好味咁)，我同Cobi爸即時你眼望我眼…都係忍唔住叫多碟牛腸，係時候發揮我地啲大食小宇宙啦，哈哈~乾炒牛河可能係星期五啲關係，比想像中啲人少，所以碟牛河都好快炒起，淨係睇個look就覺得色澤唔夠深，而且唔係炒到咁均勻(比Cobi爸見到有幾條河粉冇豉油色) ，由咁勁鑊氣炒出黎啲乾牛河，當然係要熱辣辣咁放入口啦…點解唔夠味?！佢用隻豉油唔得！色澤唔夠，味道又淡，加左D橙色啲辣椒醬就好番D，不過好在食到尾個碟底都唔多油，呢樣合格~牛肉唔係D咩靚牛肉($30蚊一碟…唔好玩啦~)，冇咩要求，冇梳打味，唔難咬開已經好好。鮮牛肉腸粉味道只屬一般
話明係勁食之旅，所以一早plan好響林記食飽飽之後，立即轉場去十六蒲附近搵細龜。我地由黑沙環林記燒烤坐的士過黎，好容易就搵到華軒美食，因為響街口已經見到火光紅紅，細龜正響到炒牛河，火力強勁非常，而且仲聽到啲「薘薘聲」，真係唔食得都睇得啵~
入坐之後立即order左個乾炒牛河，見隣近啲食客正在品嚐緊碟鮮牛肉腸粉(好似好好味咁)，我同Cobi爸即時你眼望我眼…都係忍唔住叫多碟牛腸，係時候發揮我地啲大食小宇宙啦，哈哈~
乾炒牛河
可能係星期五啲關係，比想像中啲人少，所以碟牛河都好快炒起，淨係睇個look就覺得色澤唔夠深，而且唔係炒到咁均勻(比Cobi爸見到有幾條河粉冇豉油色) ，由咁勁鑊氣炒出黎啲乾牛河，當然係要熱辣辣咁放入口啦…點解唔夠味?！佢用隻豉油唔得！色澤唔夠，味道又淡，加左D橙色啲辣椒醬就好番D，不過好在食到尾個碟底都唔多油，呢樣合格~牛肉唔係D咩靚牛肉($30蚊一碟…唔好玩啦~)，冇咩要求，冇梳打味，唔難咬開已經好好。
鮮牛肉腸粉
味道只屬一般，勝在鮮牛肉份量十足，腸粉亦夠滑不過冇乜米香，而且粉皮略為厚左少少。
總括黎講，只係一般水準，期望越大就失望越大！若行過呢頭，又想食野的話，絕對係可以醫肚啲~
PS一路寫呢篇食評啲時候，個腦海就同時間閃出我食過最好食啲乾炒牛河(直至現時為止都係最好食…)，好多年前響九龍城有一間叫「星仔記」…鑊氣夠、河粉滑、老抽香、條條河粉都沾有油同老抽，當然食哂之後個碟底唔油啦~店主強調牛肉同河粉都係自家切啲…好幾年前，曾經聽聞紅磡開左一間叫星仔記…嘩！立即走去試…不過完全兩回事…真係好懷念~
張貼
