影片
更多
2015-10-15
1812 瀏覽
當你用google map搵祥記麵家，就會唔知點解導左你去佳記，ok fine照食可也！夜晚去無咩人，幫襯嘅都係本地街坊熟客，店舖裝修係好傳統嘅舊式雲吞麵鋪，古式古鄉，環境寧靜，別有一番風味。蝦子撈麵($19)，因為本人對蝦子撈麵無咩興趣，只係淺嚐，加辣椒油食會更加香。Btw老闆見我地夾唔開啲麵，主動埋嚟幫我地剪開啲麵，勁nice!剩雲吞($25)，一碗有成9粒雲吞，呢個價係香港應該食唔到。雲吞大細啱啱好一啖一粒，蝦肉豬肉比例剛剛好，食到原粒蝦仁，口感不錯！湯頭都okay唔會好咸。辣椒醋(免費)，呢隻醋真係要舊式雲吞麵鋪先有，酸酸辣辣，好開胃。總結，雖然係誤打誤撞咁撞左入去食，但無論食物質素、價錢都好吸引，純本地人、零遊客，都可算係澳門食過最地道嘅一餐。
夜晚去無咩人，幫襯嘅都係本地街坊熟客，店舖裝修係好傳統嘅舊式雲吞麵鋪，古式古鄉，環境寧靜，別有一番風味。
蝦子撈麵($19)，因為本人對蝦子撈麵無咩興趣，只係淺嚐，加辣椒油食會更加香。Btw老闆見我地夾唔開啲麵，主動埋嚟幫我地剪開啲麵，勁nice!
剩雲吞($25)，一碗有成9粒雲吞，呢個價係香港應該食唔到。雲吞大細啱啱好一啖一粒，蝦肉豬肉比例剛剛好，食到原粒蝦仁，口感不錯！湯頭都okay唔會好咸。
辣椒醋(免費)，呢隻醋真係要舊式雲吞麵鋪先有，酸酸辣辣，好開胃。
總結，雖然係誤打誤撞咁撞左入去食，但無論食物質素、價錢都好吸引，純本地人、零遊客，都可算係澳門食過最地道嘅一餐。
張貼
