影片
更多
2015-11-04
767 瀏覽
喺氹仔呢邊酒店區，要揾到價錢較低，又好味嘅食店，真係比較難！好彩有百老匯酒店的出現，酒店旁邊嘅大街，引入了不同澳門半島出名嘅食店&車仔檔，喺呢度開分店！而且大部分營業時間到凌晨兩至三點，可以多個宵夜好地方。坐底後,環顧四週都掛上老店的介紹，以及不同報章，食家的報導！點咗以下3款小食，除咗食物有賣相外，味道亦好美味！馳名牛雜-一放入口，同平時食到嘅好唔同，食到有一陣原始嘅牛味，好有住家風味，但份量就較少，只有約茶杯碟咁大份量！但牛雜配合黃介辣齊食，真係絕配。淨魚球-一口咬下，魚肉香滑鬆軟，亦不腥，平時唔喜歡食魚肉嘅我，都忍不住食咗幾件。鴨紅菜-鴨紅估唔到咁滑，好似食豆腐花嘅感覺！另外好欣賞，店中自家製辣椒油，辣度適中，但同時間食到蒜香味，喺口中散發著香味！
喺氹仔呢邊酒店區，要揾到價錢較低，又好味嘅食店，真係比較難！
好彩有百老匯酒店的出現，酒店旁邊嘅大街，引入了不同澳門半島出名嘅食店&車仔檔，喺呢度開分店！而且大部分營業時間到凌晨兩至三點，可以多個宵夜好地方。
坐底後,環顧四週都掛上老店的介紹，以及不同報章，食家的報導！
點咗以下3款小食，除咗食物有賣相外，味道亦好美味！
馳名牛雜-一放入口，同平時食到嘅好唔同，食到有一陣原始嘅牛味，好有住家風味，但份量就較少，只有約茶杯碟咁大份量！但牛雜配合黃介辣齊食，真係絕配。
淨魚球-一口咬下，魚肉香滑鬆軟，亦不腥，平時唔喜歡食魚肉嘅我，都忍不住食咗幾件。
鴨紅菜-鴨紅估唔到咁滑，好似食豆腐花嘅感覺！
另外好欣賞，店中自家製辣椒油，辣度適中，但同時間食到蒜香味，喺口中散發著香味！
張貼
