不是葡撻 (已結業)

澳門嘅食物真係多不勝數，而且經常都有新血。今次呢間不是葡撻都係第一次試，舗頭喺大馬路附近嘅清平街，好易揾。舖頭門面同內部都好細，係外賣手信及小食店嘅經營模式。我哋試咗硬皮芝士撻同軟皮年輪葡撻。店員細心地提醒我哋食硬皮芝士撻時要托住個底，因為好易甩出嚟。芝士撻食落去基本上就同流心芝士撻一樣味。一樣係有芝士流出，一樣係曲奇皮，唯一唔同嘅係個曲奇皮硬少少，硬嘅外皮加上軟心芝士，兩重口感對比強烈。另外一隻係軟皮年輪葡撻，外皮係年輪蛋糕，入面係葡撻蛋漿。淡淡嘅葡撻味，甜甜地，但就將酥皮換成年輪蛋糕。個人覺得始終係葡撻蛋味濃d，而且一般葡撻上嘅焦糖味提升咗整體嘅香氣同味道。下次再有機會，會試下硬皮葡撻。