榮記荳腐麵食

營業中

休息中

榮記荳腐麵食又係一間遠離旅遊景點嘅一間店舖, 不過都係行遠少少就到!呢間一聽個名就知道係主打食豆腐架啦! 所以我地嗌咗個荳腐麵🍜 初時見到荳腐麵呢樣野真係覺得冇乜興趣...因為俾我嘅感覺好齋而且我自己都識整😂 但見咁多人食就俾次機會佢啦🤓 食第一啖，覺得啲麵幾彈牙而且冇梘水味, 之後再咬啖豆腐, 好香滑, 咁樣我諗屋企應該整唔到🤣 另外黎得呢度一定要食豆腐花啦～呢度嘅豆腐花已經落埋糖水架喇, 唔洗自己加。但你又唔洗擔心佢落得太重手, 因為我覺得個甜度啱啱好! 食落去豆味一樣咁香濃, 口感幼滑, 滑到可以自己跣入喉嚨到👍🏼呢間啲職員係我喺澳門咁多間茶餐廳入面最好服務同笑容嘅一間!