泉記咖啡室

營業中

休息中

下環街搵早餐食, 行過發現有舊式茶檔, 深深被澳門傳統文化吸引, 就立即入內...餐牌只有牆上有, 一如所料是無套餐, 去得茶檔, 當然是叫茶檔撚手的熱奶茶或熱咖啡, 不會叫凍檸茶咁普通吧! 因為餐牌都幾煩覆, 要慢慢咀爵, 那就先來一杯只需$9.5既奶茶... 然後發覺麵食係好貴! 單拼要成 $19, 雙拼要 $28! 即一碗餐蛋麵+熱奶茶要成$37.5! 其他有套餐既茶餐廳都只是$22-$25! 真係嗌唔落手! 好在還有蛋治只需$12, 可惜雙拼又要成$21, 真係唔知佢點定價!哇! 估唔到真係傳統茶檔, 有得自斟紅茶! 呢間係我響澳門第三間所見有呢d玩! 第一間係大利來但太遠, 第二間都係下環的永耀但無茶味。杯內已有花奶, 倒茶時用筲箕隔去茶葉, 打開壼蓋發現茶葉都佔1/3壼! 再加多一茶匙糖攪勻飲下, 估唔到茶味非常香濃, 奶既份量調得剛好, 不會溝得茶沒味, 入口亦順滑~~~蛋治來臨, 熱辣辣既蛋治, 炒蛋夠厚同香口, 點都好食... 蛋不算太滑, 都也不會老, 剛好煮出蛋香...