葡韻美食店 (已搬遷) 新店位置

根據雜誌的介紹星期五晚到葡韻美食店試正宗葡國菜。 我按雜誌提示先book位，但去到見仲有好多位，仲以為收錯料，後來先知所有位都係reserved ，有walk-in都要等，真有性格。呢度嘅老板好social，但係溝通嘅方法就唔係個個受落。 好似我未order，佢就搭住我膊頭話：「你影我相喎，其實唔駛影吖，我網頁成千張相。」又兩次叫隔籬檯兩位美小女收手機，嚇到佢哋花容失色，我為咗提供幾張照片俾大家，冒險影咗幾張質素奇差的照片，但都應該攞今年最佳圖片獎！ 不過，後來先知原來佢係講笑，人人都影……未免玩得大咗少少……老板娘見我攞將紙出來order，就笑我：「做足功課喎！」，仲介紹其他招牌菜，下面就係我嘅報告：麵包、牛油：熱辣辣，脆卜卜，靚！ 可惜影得太差……什菜湯：味比較淡，唔係太適合香港人口味檸檬煮蜆：蜆肉肥美，加上檸檬的酸味及西芹的香味，令本身鮮味的蜆肉更鮮更清，很開胃，令食慾大增。忌廉煮馬介休：唔好見上面焗得咁惹味就以為好熱氣，其實裏面係忌廉薯仔煮馬介休，薯仔應該係浸過水，唔係薯蓉，雖然加咗忌廉，但係唔覺漏，葡國口味，可以一試。葡式烤乳豬：外脆內軟，又唔似Rudy Tues