小飛象葡國餐廳

營業中

休息中

成日聽人講小飛象葡國餐廳好食，這天跟男友到澳門玩，去試吓都好。晚上8點幾去到，好多人在樓梯等，我上到去耍2位枱，佢話有枱，唔使等，正！可能等緊的人係等大枱。我地見有好多套餐，但D組合都好普通，男友說要散叫，本來葡國乳豬幾好，但要預訂。我們改叫其他，主要食肉。炭燒沙甸魚 - 幾香，原汁原味！燒牛肋骨 - 肉質相當嫩滑 蒜蓉焗青口 - OK 啦 燒魷魚 - 幾爽口 葡式炒雜菜 - 一般菜式 紅酒燴牛脷 - 夠腍 西冷牛扒 - 過熟，味道一般 燒羊鞍 - 羊肉好Juicy, 唔羶，好食過牛扒 個女待應見我地叫了咗咁多野，話怕我地食唔晒，未見過待應咁老實。佢仲介紹我地叫支紅酒，我見一支750ml都係150蚊，唔算貴。不過驚飲唔晒，佢話我地可以攞走，仲無幫我地開爛個樽塞，真好人。一邊飲酒一邊食肉，真係好正，仲好夾。最後我地都飲完成支酒，暈暈地搭的士返酒店。埋單找數六佰幾，都算合理。