奈和美

營業中

休息中

我在銀河一路行一路行，都搵唔啱食咩，搵得啱嘅又因為五一勞動節，已經冇晒位。突然間再經過大倉酒店，其實已經想過去睇幾間餐廳，不過都唔啱食，所以係當我”再”經過嘅時候，見到個女仔旁邊有個Menu寫住輕食，望一望餐牌，係呢度啦。個個都入餐廳食，所以冇留意呢度，都以為係普通飲咖啡茶嘅大堂吧。所以我坐低嘅時候雖然係食飯時間但係得我一個。呢度嘅服務生都好有禮貌，又friendly。係張枱唔係幾舒服，因為下面一條條嘅鐵枝放唔到腳入去。竟然一百蚊左右可以食三款魚生，以為會得兩片同埋好薄？答案係完全相反。唔知佢嘅魚生係咪有上面嘅高級日本餐廳攞落嚟，質素十分有水準，除咗赤身比較冇靈魂，但很新鮮，另外兩款都好得。鰻魚飯就稍為普通一點，鰻魚香口，近皮位富彈性。 米飯還可以，沒太大感覺。不過呢個飯都係一百左右，仲要响酒店，實在係好抵。