影片
更多
2012-08-18
21854 瀏覽
這是澳門之旅的第二天，來到住酒店送的自助餐渢竹。一去到，個侍應同我地講話無位，要等四十五分鐘，如果唔想等就食其他野啦……我想講我地唔係全部送架喎，有一半係自費，而加咩態度？趕客？點都好，都已經book左位又比埋錢無理由唔食，行多陣街再返黎，終於有位，入面個環境都幾好，好闊落，而且無乜人，唔使驚爭食。Free drink一杯，叫左凍檸檬茶，呢道啲飲品糖同奶都係自己落，啱哂我呢啲鐘意走甜嘅人，不過飲奶茶嘅人賺啲奶唔滑，唔好飲喎。先黎碗白粥，加鹹菜花生油炸鬼，好綿，正。再黎壽司魚生，魚生只有三文同呑拿，都幾新鮮，厚切大大片。壽司就唔得啦，啲飯散又無醋味，入面又唔知夾咩料，要左一次就無encore了。沙律只是西生菜，完全唔掂。仲有立立雜雜食左春卷，炸饅頭，咖喱，雜菜等，不過不失。到我至愛嘅甜品時間啦，雖然無之前間自助山咁好食，都ok啦。雪糕呢道係自己筆，見家長抱起小朋友搞黎搞去，仲用手掂過，所以無食。cheese cake唔夠芝味，木槺布甸太少木槺，好漏。brownie幾好，重朱古力。椰汁黑糯米好食，又香又有咬口。rasberry pudding好味，酸酸的，食左咁多甜中和下。再黎焦糖布丁，要
一去到，個侍應同我地講話無位，要等四十五分鐘，如果唔想等就食其他野啦……我想講我地唔係全部送架喎，有一半係自費，而加咩態度？趕客？
點都好，都已經book左位又比埋錢無理由唔食，行多陣街再返黎，終於有位，入面個環境都幾好，好闊落，而且無乜人，唔使驚爭食。
Free drink一杯，叫左凍檸檬茶，呢道啲飲品糖同奶都係自己落，啱哂我呢啲鐘意走甜嘅人，不過飲奶茶嘅人賺啲奶唔滑，唔好飲喎。
先黎碗白粥，加鹹菜花生油炸鬼，好綿，正。再黎壽司魚生，魚生只有三文同呑拿，都幾新鮮，厚切大大片。壽司就唔得啦，啲飯散又無醋味，入面又唔知夾咩料，要左一次就無encore了。
沙律只是西生菜，完全唔掂。
仲有立立雜雜食左春卷，炸饅頭，咖喱，雜菜等，不過不失。
到我至愛嘅甜品時間啦，雖然無之前間自助山咁好食，都ok啦。
雪糕呢道係自己筆，見家長抱起小朋友搞黎搞去，仲用手掂過，所以無食。
cheese cake唔夠芝味，木槺布甸太少木槺，好漏。brownie幾好，重朱古力。椰汁黑糯米好食，又香又有咬口。rasberry pudding好味，酸酸的，食左咁多甜中和下。
再黎焦糖布丁，要吃！蛋香又滑，上面嘅焦糖沒過甜，好好味。賣相好cute嘅椰子味綿花糖，加上半溶嘅朱古力醬，超甜，只吃了一口就頂唔住了。
講完食又講下服務……其實我地一坐落就問攞筷子，因為攞叉食壽司魚生真係唔得，第一個侍應叫等陣，等左十五分鐘再叫，第二個話攞緊，又等十幾分鐘，再叫……第三個話通知左同事，眼尾都無望過黎。火都黎，自己出去counter都摷，一打開個櫃就有攞。有侍應勁緊張，喝止我地，叫我地唔攞得，呢道係侍應先掂得。我同佢講要十四對筷子，佢問點解咁多，因為我地十四人囉，十四人要十四對？我答係呀，再問真係要咁多？一人一對唔得？唔通要一人一隻share用？？
食到中途好似跟尾狗咁跟住你叫比錢埋單，一路跟到出去攞食物，埋位企你隔離。我話我地一早訂左位，已經比左尾數，比左一千蚊，係你地未找錢，個侍應即刻改口話要找咁大面額要揾返落單本人……咁兜都得？本人坐我隔離咋喎，找得未？跟住個侍應話去check單，一去無回頭。
黎食野啫，唔使當人係賊呀？我地又無攞完野唔食，一啲都無浪費，都仲要咁嘅眼光。火！
張貼
