里斯本咖啡室 (已結業)

今次第二次食啦，依然超好味，要讚多次呀。哩餐都有叫番牛扒配磨姑汁，牛扒一樣整得剛剛好，佢個磨姑汁真係無得輸，我食薯條之餘，仲食多左個包，d 汁送包，好好味，絕對令人想再食過呀！葡式焗豬肉薯仔粒哩個超好味，我地係見到人地枱葡萄牙人叫哩個食，所以都試下。D 薯仔入哂味呀，佢醃豬肉既汁好special,唔係中式甘既味，佢碟底仲有d 汁，店員教佢地係點包食埋佢嫁，我梗係照跟。雖然d 汁連豬油都索埋好邪惡，但真係好好味，精華黎喎！今次甜品試左個cookie cake ,見佢係最尾俾人食哂，應該係好味既。佢好似木糠布甸甘，係布甸換做曲奇，唔甜，但太大份！原味焦糖布甸一如以往，好好味