鼎泰豐台灣美食

營業中

休息中

單刀直入講食物先!牛肉麵值得讚! 麵條煙靱有彈性又夠粗！牛肉炆得夠林夠入味！湯底有濃濃的牛肉味但唔咸，所以跟麵一齊食好正! 鹵肉飯就ok! 鹵肉汁不夠香濃，豬肉也無乜味，只是普通的碟頭飯!菜肉雲吞麵和菜肉餃就好好多! 飽滿的雲吞和彈牙的麵，好味！菜肉餡的料就菜多過肉， 所以有清甜的菜味! 雲吞皮薄又滑! 而菜肉餃的皮也厚薄適中!小籠包，超失望! 雖然皮薄又有靱力，內裏又多汁，但一點肉味也沒有! 所以味道很奇怪! 食緊小籠包，但又無小籠包味! 最衰就係叫咗兩大籠，所以點都要食咗佢! 一個字：差!蟹粉小籠包就比較正常! 蟹粉足夠，所以増加了不少鮮味! 彌補了不足的豬肉味! 皮裏肉汁也非常多! 牛肉卷的牛肉很乾和只有牛肉，所以味道較單調! 薄餅都可以接受，有少少＂so＂皮feel！用來點卷的汁是一些海鮮醬!蒸素餃唔掂! 無菜味，只有過份重的麻油味! 真係好難食!