影片
招牌菜
朋友介紹呢度嘅沙爹牛麵唔錯，就去咗試吓，仲叫埋炸豬排、雞排和雞翼。沙爹味幾濃，牛肉唔靭，配公仔麵，整體味道唔錯。炸豬排好味，奶茶味道正常發揮。第一次去屋邨舊式茶記，原來呢度都有好多小炒食。
繼續閱讀
華聯係隱身喺華富邨入邊多年嘅茶記以前經常經過呢頭次次都會食佢嘅豬頸肉河粉 同埋粟米肉粒飯！佢哋嘅粟米肉粒飯係用煎過嘅豬扒醬汁啱啱好唔會太稀冇誇張 暫時係食過最好食嘅粟米肉粒久唔久都會想返華富邨再食💓（可能記憶中嘅情意結都有加分haha）-凍奶茶茶底唔會苦澀 我習慣飲開走甜，更加飲得出茶底好飲呢度嘅姨姨伙記 咁多年都冇點變落單快狠準！-一路食一路可以見到有麻雀飛過應該係呢度嘅獨特景色哈哈建議避開平日午膳時間因為附近有三間中學 會好多人
繼續閱讀
今天下午打電話叫外賣，係［打電話］落Order，點會知你地有咩午餐，問阿嬸有甚麼午餐，她已經發晒爛咁回覆，再問佢今天例湯是甚麼，阿嬸居然答 : [ 我地最低消費係$55］，仲勁惡，之後我講埋我嘅地址比阿嬸，佢先收聲，跟著收線。
繼續閱讀
今晚大伴兒慶祝聖誕，椒鹽鮮魷好彈牙，煲仔飯香噴噴，乳鴿皮脆多汁👍椒鹽九肚魚外脆內軟，口感一流，小妹周圍搵嘢食，呢間推介，食材新鮮味道滿分💯，食唔到味精。推介椒鹽九肚魚、椒鹽鮮魷、乳鴿
繼續閱讀
講真茶餐廳其實都唔會expect特別好食嘅，但係都唔會諗到咁難食。所謂肉醬煎蛋飯，大佬一pat冇味得個鹹字嘅芡汁，冇番茄最低限度都有番茄味啦下嘛，冇嘅，and then 你以為有肉醬啦，不過只係肉粒，成件事難食到一個點。然後所謂泰式船河，更加係垃圾，全味精湯，一d都唔泰式囉。泰式我唔expect有冬陰功，不過泰式就應該最少都有酸辣囉，佢完全得個鹹字，重度味精，一d都唔想d粉掂到d湯。$50幾蚊一個飯已經係貴，講緊唔係市區而係華富公屋屋邨入面，租又平食材又垃圾，煮出黎又難食。啊，食個陣仲會有陣陣煙味傳過黎。完全係貼錢買難受。
繼續閱讀