影片
營業時間
今日營業
11:30 - 15:00
18:00 - 23:00
星期一至日
11:30 - 15:00
18:00 - 23:00
以上資料只供參考, 請與餐廳確認詳情
食評 (114)
一般人去九龍城多數都係為左去食泰國菜 又或者食完泰國菜去食下糖水 行下D小店寨城公園咁樣 而呢間位於城南道 九龍城唯一一間正宗的印度咖哩王 其實係筆者識得有人食左超過二十年 而對呢間野食正宗程度無得壇 而靈機一動 趁住聖誕節想出去食下好西 先走黎第一次試下呢道D印度野 畢竟筆者平日好少可食印度野 認認真真食一餐印度菜已經係講緊好幾年前係新加坡食印度菜 所以一於就黎試下呢道D咖哩 可以話贊不絕口 筆者夜晚大概7:30 黎到 全場滿座 由於無book枱 係餐廳外面等左幾個字先有位 其實餐廳一眼就望曬 坐到最多30人左右 三位侍應都係印度人 其實見佢地要兼顧樓面傳菜落單 其實比少少耐性等下位都值得 佢地好好服務又敬業 最緊要係野食好食 食得印度野少不免食咖哩 biryani 薄餅 之類 其實menu裡面不論咖哩炒飯薄餅小食都有好多選擇 咖哩配料選擇上有唔同種類香料同肉類/海鮮的配搭 總有一款係適合 筆者一行兩人 叫左牒chicken masala butter nann onion nann mutton briyani 加埋samosa 同甜品 我可以話分量其實好大份 價錢唔貴好抵食 落單大概等三個字左右 上左一份每台都可以免費食的胡椒脆餅前菜 配搭有薄荷醬 辣椒醬 同酸洋蔥 點起唔同醬料加上胡椒脆餅個種crispy同胡椒香 三大片脆餅免費咁食可以話係好抵食 之後上左三件samosa 應該係全場最普通的一道前菜 其實筆者覺得佢好食的 餡料有薯泥洋蔥跟淡淡的咖哩 加上個samosa 的麵粉脆香 其實顯得個samosa 好飽滿 之後黎到成個晚飯的重頭戲 係雞肉咖哩 mutton biryani 同兩大份nann 總共有八件 每份nann 都係講緊廿零蚊就有四大件 好抵食每樣野食都好大份 咖哩香料味到好足夠 有一定的辣味 雞肉煮得好嫩 又有好多件 D nann 裡面有好簡單的配料 但係似乎因為人手猜 每件nann 都好鬆軟 好有咬口 點咖哩送雞肉 好好食 去到尾成盤咖哩全清 個mutton biryani 用D印度米炒粒粒分明 色香味俱全 羊肉用好濃厚的羊味 有好多件羊腩配搭D炒飯同醬料香 牒飯兩條友食其實都真係幾多下 真係炒得好香 味道層次勁豐富 真係好正宗雖然食到最後都好飽下 但係朋友仔大食鬼 見到甜品有D奇怪的選擇未食過 一於叫左牒 印度雪糕 其實粉紅色醬料應該係一種印度花提出出黎的調味 黃色雪糕食落去硬硬地似係餐廳自己手作 食落去有D芒果味同煉奶味 裡面仲包括埋開心果 其實都好鬼得意 食落幾有驚喜最後都食左差唔多個半鐘 印度先生們招呼好周到 好照顧D客人 野食熱辣辣食物香料好正宗 價錢可以話係九龍城 又或者系香港其他印度餐廳比較黎講算經濟實惠 雖然餐廳有加一 但係分量對於兩個人其實足夠有餘 加上前菜胡椒餅係免費食的 其實睇翻都唔一定要叫咁多野食其實都已經好夠食 呢個印度菜聖誕飯 我同朋友都食得好滋味好滿意 點都會覺得之後變成一間黎親九龍城都幫襯的餐廳 總結一下餐飯samosa $42咖哩 $94biryani $118 paratha /nann 四件 $26 我地叫左兩份甜品 $32加埋免費胡椒脆餅總共加一 $372 平均每人食左$180 左右 其實食少個甜品同小食 相信每人 $150 都夠曬有突相信系尖沙咀重慶食印度野或者九龍城其他泰國菜落樓價錢起碼每人要 $200 起跳 呢間印度菜 抵食到爆 一定再幫襯
繼續閱讀
與多年未見的朋友相聚，因為九龍城地鐵開通後較以往方便，加上遷就居住附近的朋友，所以希望選了在九龍城相聚。九龍城以往是泰菜和潮州菜的集中地，近年多了很多cafe 和日本菜，但由於朋友是資深的印度菜吃貨，所以我哋選中了這一間門面樸實的餐廳。朋友下課後先到達，點了一杯傳統印度奶茶已讚不絕口，表示沖泡得十分正宗。我與其他朋友比較少吃印度菜，所以全權交給熟悉的朋友發板。最後點了咖哩角、尼泊爾餃子、印式羊肉咖哩、蝦咖哩，以及不同口味的naan。我尤其最念念不忘是那尼泊爾餃子。那粉皮與一般中式水餃有點不同，那煙韌的口感有種新鮮感，餡料充滿不同的香料味道，實在yummy。店舖唔大，但星期五會都坐滿了人，門口也不斷有人等位，可見小店應該係區內的著名食肆。所以建議大家都係預先預坐比較好。以後要食印度菜，唔使一定去重慶大廈 lu ~~
繼續閱讀
決定係九龍城食印度菜，係因為午餐既價錢好抵，仲要唔洗加一。兩個人大該一百左右就食到飽🤣。我諗冇邊到食到咁平既印度菜。 有就話我知！！我地就叫左午餐推介。印度胡椒餅（Free）辣辣地，所以配薄荷青醬中和下。小食：印度咖哩角和春卷 咖哩角就係用麵皮包住有香料既薯仔蓉和扁豆。見人地食samosa會配薄荷醬。至於，個春卷就冇咩特別，同茶樓食既差唔多。主菜：咖哩牛同咖哩羊配薄餅naan兩款咖哩顏色唔同，深紅色同薑黃色，但食落去差唔多味。 可能為左就香港人既口味，所以唔辣同唔重香料味。兩款肉都好淋，冇羊羶味，唔錯。 薄餅就真係好多，食到飽都未食完 。飲品：一定係飲奶茶，同港式啊泰式奶茶唔同。+5蚊，叫masala tea。佢用鐵壺裝住倒俾我地。果鐵壺真係好燙手。香料奶茶都好易入口，別有一番風味。下次試下二人餐先，更多唔同印度野食。
繼續閱讀
在九龍城，差不多三步五步就有一間泰國菜館。這間「正宗印度菜館」，在九龍城已多年，Honey 也幫襯十多年，好味又抵食。由於我不喜歡印度菜，所以今天才第一次跟他來。午市套餐抵食！前菜是Samosa，香脆，滿滿的薯仔餡。主菜是咖哩牛肉和印度烤餅。印度咖哩一點都不辣，香料味不太濃，適合香港人口味。牛肉炆得好稔，想不到咁好味。烤餅好食，有麵粉香，也有嚼勁。餐飲是咖啡或茶。+$5，可以轉Masala tea。如我們不同茶餐廳的奶茶，各師傅各有調配的配方；這裏的Masala tea荳蔻不濃，但草藥很香。這麼豐富的午餐，不需$60元，好食抵食。另外還叫了一客momo(尼泊爾餃子)$54好大隻，有十隻。皮很薄，軟軟的，有麵粉的嚼勁。肉餡豐富，好juicy，滿口肉香。辣椒醬不太辣，不過我嫌孜然味太濃。怪不得Honey幫襯多年。
繼續閱讀
疫情下 掛念著印度咖哩，所以特登去九龍城幫呢間印度菜館， 上次嚟係幾個月前了， 今次係第二次嚟，食物水準 仍然保持，好好味，而且好抵食，三個人食了395元，仲要食到打包，招呼亦很不錯 ，吾講吾知佢地個厠所好乾淨 。
繼續閱讀