劉一手重慶火鍋 (又一城)

營業中

休息中

香辣炒郡肝豬腩片，啲食物用雞湯煮完，之後就咁落辣椒油，唔香得死辣，餐牌話菜式係炒嘅，黎到有湯，好似水煮咁，我認知嘅炒菜，唔係應該最多會多啲汁咁？🤢麻醬雞毛血旺，冇麻醬味，冇辣味，菜式好似用雞湯煮完，調吓味就算，重點係調完味都冇味。。。

已經多次幫襯依間分店對上一次去食，同店員傾開計其實都幾戥佢地慘好多食評都話佢地服務態度差講真 服務態度差，我就唔會1個月去幾次之前係臉書睇過啲餐廳黑X群組其實而家啲人要求愈黎愈高郁下就話餐廳點點點睇完真係無語。。。今次食左店員推介嘅二人套餐由於一早已經係佢地會員所以係用會員價食掛住同朋友傾計，食物相唔記得影2個人食非常足夠最愛依然係麻辣湯又係滿足嘅一日 感恩

今晚1月31日晚來吃飯，三位，現投訴黑衣女士負責人態度非常惡劣。當時餐廳只有1-2檯，負責人在介紹餐牌時語氣不耐煩，說沒有折扣，除非7點離座。然後說套餐只有4人，我們要求看二人套餐餐牌，對方直接指出三位不可以點2人餐，必須額外點2-3個主菜。真是聞所未聞，這種政策、這種員工和態度，怪不得晚上7點幾得幾檯。絕無下次，希望各位慎重。

一踏入呢個餐廳，無論係裝修定係坐位都夠晒舒服，啱晒聚會撈到開心。嗰啲自家麻油真係正，解辣得嚟又添香，琴日試咗佢哋嘅麻辣煲，選咗中辣，但其實都唔算辣得點，啱啱好。個鍋底加咗芝士，滑哋哋嘅口感加埋香味，正到爆燈💥。撈嗰盤招牌牛肉四重奏，真係值得一讚👍！A4牛肉咬落鮮滑得意，尤其係嗰款A4嘅，脂肪比例啱哋哋嘅。至於美國牛肉，又係另一回事，感覺得到嗰種純牛肉嘅鮮味。配麻辣煲一流，好過癮！點咗份照燒豬肉片，豬肉已經好惹味，好快熟，一啖嘅肉香夾帶微微醬香，啖啖肉，令人一試難忘。丸丸拼盤🍢嘅彈牙口感都讓人難以抗拒，五款丸中最鍾意嗰爽口魚蛋同墨汁花枝丸，新鮮得嚟又彈牙。明太子墨魚滑可能因為之前嗰麻辣，味道冇咁明顯，但都算得上清新。佢哋嘅蔬菜拼盤，種類豐富多彩🌈，無論係顏色定係口味都好滿足，啱晒追求健康嘅你。整體嚟講，呢間餐廳提供嘅唔單止係食物，仲有個愉快嘅食飯經驗呀！

今日一於行下樂隊，對著我面前個火紅麻辣鍋，我同我個朋友開show喇！🎶鴛鴦鍋入面，麻辣鍋邊直頭辣到飛起，但夠哂香，椰子雞湯呢邊就滑順得滯，細細杯椰香掛住邊，飲口湯都覺得舒坦。手下留情嘅A4和牛一入口，嗰肉味同脂香嘅混合曲夠晒撩味，而珍珠蠔滑得出水，食落順滑得嚟又爽口。🐚手切牛頸脊再上場，厚切得黎有咬口，玩味十足，真係肉食愛好者嘅必試item！等陣，唔好以為食火鍋就無前菜啊！油炸鬼墨魚滑外脆內軟，脆到彈牙，沾少少麻辣湯汁，轉身變出戲味十足嘅湯品主角！😋最後千祈唔好錯過寬粉，細路子般嘅韌性配上麻辣溝湯，真係霸氣側漏，食完後個世界都明亮起來！食得辣口渴？洛神花茶就黎拯救！順滑稍帶酸甜，解辣無難度，餸同飲品完美和弦，過癮到講唔出嚟。今晚真係食得舒服，滿足到唔行啦！🥳

入餐廳前已經睇到openeice一堆負評，但心存僥倖，諗住未食過都想試下。服務超差，個個職員好似你黎乞食咁，唔會當你係顧客。真心，我去澳牛態度都無咁差。諗住今次試下食麵先，好食下次再食火鍋，始終佢火鍋都幾貴。點知個男職員一聽到就話：［食麵？食麵坐出面呀嗎！ 又唔講！］原來餐廳分2邊，打唔打邊爐係分開坐。喂，大佬你係到做就知啫，我鬼知咩。我忍唔住話：［咁你帶我地入黎個陣，你都可以問啫。］就係呢句之後就出事。無比過好面色。我叫左個小麵，bb 辣，朋友叫酸菜魚，凍的竹蔗茅根。嘩，黎到個bb辣小麵係辣到痴肺。我朋友係潭仔食開中辣，都勁，都差d食唔到，好吃力，佢話好辣。有咩可能叫bb辣，黎個中辣以上？叫男職員黎，佢話佢地個辣係咁，無得換。好勉強咁食，想要杯水。無，話一支22蚊。想要冰。無，話餐廳無冰。加一，人均150。係自己揀入黎，中伏無野講。

放假諗住同媽咪出嚟食餐飯見到呢間好似都多分店就諗住試試佢啦落完單火鍋嚟到 電磁爐又開唔到想叫人幫手開 啲職員叫極都冇反應服務態度就唔係唔好 係極難搵到人服務你囉食物就仲’出色’鵝腸 黃喉 牛柏葉 毛肚 冇一樣係正常係連正常都稱唔上豬腦 嚟到一夾好似水咁呢單野唔係唔好食咁簡單 係好難食得啲蔬菜類同埋份午餐肉係可以稱得上正常少少我哋就唔係啲咩大客 埋單都係六百零蚊但係呢個價錢 我有更好嘅選擇囉食啲咁嘅質素嘅嘢唔好意思 冇下次

天氣開始轉涼，麻辣火鍋係我嘅首選，經openrice訂枱，單點火鍋有8折點左麻辣湯拼蕃茄湯，朋友圈（牛肉同羊肉），牛小排，牛丸，魚皮餃，雲呑，油炸鬼，蔬菜拼盤。飲品揀左竹蔗水。唔係嗌左好多野食，2個人食已經好夠。竹蔗水唔會好甜，又可以解解辣另外店員推介我蕃茄湯加啲麻辣湯落去，變成麻辣蕃茄湯，味道真心唔錯食物整體可以，略嫌雲呑比較易散。店員服務唔錯，亦留意到我嘅需求，我跌左筷子，我未開口已經有新嘅送到我面前已經同朋友相約聖誕節再黎食，期待期待

一段時間冇打邊鍋，好想打一打，所以黎到又一城的劉一手重慶火鍋。食物可以，但待應態度有待改善，黎消費仲要好似俾人白眼咁，發生咩事？餐廳環境尚算舒適，晚餐時間7點半至9點左右，唔算多人，唔嘈，適合慢慢享受湯底選擇椰子雞拼重慶麻辣鍋有辣有唔辣叫左個2人餐同再散叫牛肉同脆肉鯇，一次過試好多野食，十分唔錯2人餐十分足料，有牛三拼，五花腩，白鱔，毛肚，鵝腸，黃喉，炸墨魚滑，糍粑等等，份量十分夠雖然有喲食物質素同預期有出入，而且2人消費左1400$，同價位可以食到其它好野，但整體評價可接受畢竟重慶火鍋就是貴！！

咁啱經開又一城，周圍食嘢地方都排哂長龍，見劉一手火鍋店無人排隊，就諗住試下。問門口女侍應，未齊人，可以入去坐住先定要等齊人先入得？話兩位入去坐。我人未到齊，得一但人，唔知佢意思想點。佢重覆翻呢句，咁我估係入去坐，佢又唔帶位，話隨便坐，揀好坐邊，又話個張唔得。態度完全睇唔起人。放一大盆調味黎，咩都唔講就行開，至少都同人講聲，揀調味料🧂轉頭過嚟拎走。相反，男待應有禮貌得多。食物方面，可以的。份量適合女生。味道不錯👍🏻價錢都合理。環境裝修得不錯。建議可以去第二間分店食，唔怪之得，無人排😥

週六午飯開心到很久沒來的劉一手12:30只有一枱客在內門口那位女侍應以勁差的口吻和態度答話，問堂食定火鍋坐下後我們少來劉一手，不清楚「火鍋」和「火鍋餐」，好禮貌的查問黑面繼續，轉身取餐牌後，邊行來說著粗口，把餐牌掉在我們枱上我禮貌的問我們即可以有火鍋午餐和火煱？她黑面支吾其詞，態度極差我們只是一家開開心心的香港人一家來吃飯，小姐侍應，你這兩分鐘為什麼如此對我們？只能嚴肅回應叫她禮貌點說話那餐廳發生了什麼事？員工要那麼對客人？😮‍💨即時離開我估，她想趕客無言

本來覺得自己都OK食得辣都食過幾多四川/重慶火鍋今次两支弓來到又一城食咗兩個飯麵套餐1️⃣一個係麻醬毛血旺 🤯仲要冇鴨血同我換左鵝腸😥無咩麻醬味，而且本身已經辣到PK好彩跟咗碗飯&一碗湯 都勉強食得下2️⃣一個係毛肚牛肉小麵 更加離譜🥵極辣無比（已經係「小辣」！！！而且係最細嘅辣度！！！）😖辣而唔香 🥺同裏邊嗰啲牛油香對比鮮明🥹🤧食完個嘴痛死總結落嚟：人類不宜食用 有冇食晒嘅人可以同我分享下經驗？貴到可以食茶木嘅價錢 食唔到兩啖 今晚仲要落大圍買小食當宵夜 窮撚地獄反正我冇下次

夏天都唔會阻到打邊爐嘅熱情 🥰即刻諗到去劉一手重慶火鍋🥢劉一手地方闊落又坐得舒服，夠哂方便😎湯底我地揀左佢地既山珍雜菌&招牌重慶麻辣經典湯底🥵麻辣鍋好正 湯頭香醇濃郁 微辣口感不油膩😝雜菌湯底 好足料 愈滾愈香 沒有讓我們失望！😙😙肉類方面我地揀左鮮切本地牛三拼、鮮牛舌 🥩肉質鮮嫩又有牛味 賣相都好靚🫶🏻全部脂肪比例恰到好處 👍🏻 豬腦、花功夫腰花、伸腿鵝腸 豬腦比想像中滑順 鵝腸腰花 口感獨特爽彈 🤘🏻絕無騷味 同麻辣湯底好match🍃 新鮮魷魚 、 大蜆超級肥嫩魷魚 新鮮又Q彈 海鮮控會愛 🌾大蜆大大粒 非常有鮮味 正到不得了！仲叫左幾款配料 萵荀、 冬瓜片🥒手工冰粉 + 黑糖珍珠 🍨冰沙口感 清涼消暑又解膩朋友食完繼續encore 多一杯🤩呢餐真系滿足又美味～

昨晚和舊同學開心慶祝生日，怎料遇到勁差的服務態度😓，簡直未遇過😡。朋友用手機掃描點完菜，想點飲料無法成功，想請一位戴眼鏡穿黑制服的男侍應幫忙，他竟説不可能，拿你的手機來，又説點不到代表沒有，不要點，不會用人手代勞，這是什麼服務態度😡？！我再叫另一位女服務員奉茶，怎料她説沒免費茶水供應，每位收費，態度亦看不起人。最後成功點了飲品酸梅洛神花茶，那戴眼鏡穿黑制服的又來，説飲品賣光，剛煲好的全是熱的，未有冰的，建議取消。不到一會，那戴眼鏡黑制服的好像神經錯亂，又説現在有冰的，變魔術嗎？！我終於按不住怒氣，要求拿來看看是否冰的才決定要，最後另一位穿紅色的服務員送來真是冰的。在大家食得開心的時候，那時才不到晚上9時半，那戴眼鏡黑制服又來，沒禮貌地催促我們結賬，但店內仍有八成食客，亦有空枱，亦無人等位，究竟要催什麽趕什麽？！希望老闆見到我寫的，即刻解決這個趕客的員工，留一日都在害你的生意😡😡😡

中午時間去，嘢食不錯，味道不錯，份量也不錯！唯獨是接待的哥哥服務態度非常差！最重要係，根本當時一啲都唔忙，之前試過打電話嚟Booking嘅時候已經態度超差。希望能夠好好訓練員工，以禮待客。其他服務員OK唔錯