嘆嘆

營業中

休息中

今日去黃大仙求籤，順便去旁邊黃大仙中心北館地下搵嘢食，見到呢間台式 cafe 幾有人氣，門面幾靚，餐廳氛圍很休閒的「嘆嘆」。一入門口中間位置，有一棵閃閃發光的大樹，佈置幾特別，坐在大樹下感受暖笠笠的台灣夜市。店長推介冬日限定台式鐵鍋 和 鐵路便當，仲有千祈唔好錯過甜品，芋圓雪花冰，值得一試！嘆嘆套餐B鐵路便當盒 - 鹽酥雞特濃奶蓋朱古力（凍）是日精選甜點朋友點選鐵路便當盒 - 鹽酥雞，招牌鐵路便當盒很出色，賣相豐富。熱湯、涼菜、鹵水蛋、豆腐 ，配搭滷肉飯同吃，果然一流。鹽酥雞好有台灣夜市地道風味，味道很好，米飯加上了肉燥，非常豐富，增添不少美味。特濃奶蓋朱古力特濃奶蓋奶味較濃郁，朱古力味反而略淡。嘆嘆套餐A麻辣牛肉麵是日選茶（凍）甜不辣2件最近愛上麻辣，麻辣香氣四溢，是一道口感辣味和香醇的菜品。台灣牛肉配搭麻辣調味料製成的湯麵，湯底濃郁，經典的台灣料理。牛肉麵廚師用心熬煮而成，口感鮮美，牛肉厚切和蘿蔔一同放在麵條上，肉質鮮嫩，湯汁醇厚。甜不辣是台灣傳統小吃，口感綿密，香氣濃郁，跟熱湯麵條一起吃，味道更豐富。炸四寶丸配肉羹炸四寶丸配肉羹，另一道台灣的傳統家常小吃，以

已經好耐冇寫食評但今日真係要講一講！呢間餐廳真心伏先講環境其實好迫 再到食物先係重點話就話台灣嘢其實係扮台灣嘢！冇諗過台灣啲嘢食咁難食 同我食開啲新竹米粉有好大差別！完全食唔到 。。。個花茶就算正常 除咗上枱嗰下個蠟燭係熄左主菜先係重點呢三個主菜完全勁似廚餘！你又點會估到係 上海排骨台式三杯雞 同埋牛肋肉。。。真係忍唔住講粗口！賣相同味道都係0分！。。。極度懷疑呢度啲好評係打手！討厭真係可一不可再！希望大家唔好中伏！

難食台式餐廳，下午茶時間食又唔係爆場情況都可以要客人等成40分鐘🙂問左第一個員工後唔見人又無回應，問第二個員工跟下個餐進度，先講整緊？！先唔講等幾耐啦，無辨法肚餓又整左就算唯有等，然後到左上菜後（如圖）牛展完全無滷味乾身身而且切到好簿兩三塊Hea比你，麵仲要係煮得唔夠淋硬硬地，蔥油更加唔洗講，似係油同水比你，完全無誠意上菜！服務更唔不值一提，咁多員工卻無人更進🙂👎🏻#不值一試，第一嬲到打差評

先講環境，餐廳播音樂勁大聲，播嚟播去都係嗰幾首，一餐飯時間淨係jisoo首flower已經播左三四次。食物嗌咗招牌牛肉麵，滷水雞翼肉燥飯，同埋牛乳黑糖芋圓特盛。牛肉麵嘅麵幾特別而且入味，牛肉同牛筋都好食。肉燥飯就一般，滷水雞翼有啲太腍。甜品真係好麻麻，啲冰未打碎有啲仲黐埋一大嚿，要係咁用匙羹打碎佢嚟食，而且好多都冇味。雪糕珍珠芋圓都好一般，牛奶布甸都OK，但係個麻糬就真係麻麻。如果唔係為咗湊夠$200用OpenRice個優惠券都唔會嗌呢個甜品。食物真係偏貴唔抵食，呢個價錢可以食到更好食嘅台式餐廳。

為咗依間咁既嘆嘆忍唔住第一次寫食評！超超大伏！！！冇服務野食冇水準又等勁耐！！！第一次食飯食到咁難受！野食追3次先黎！唔想貼錢買難受千祈唔好黎！食完一啲都唔嘆！評分要200字！除咗劣評，我俾唔到其他comment！！！

難食。大伏。茶木價錢，茶餐廳質素。完全不值。路過吾使食。上菜慢。食完主菜好耐先上小食。叫左三杯是日選茶杯杯吾同顏色。相片食物同上菜個樣又吾同。D野又細份。用錢買comment都吾好咁過份。CP值係0。係0。係0。再重覆。。。難食。大伏。茶木價錢，茶餐廳質素。完全不值。路過吾使食。上菜慢。食完主菜好耐先上小食。叫左三杯是日選茶杯杯吾同顏色。相片食物同上菜個樣又吾同。D野又細份。用錢買comment都吾好咁過份。CP值係0。係0。係0。

今日諗住去食個台式下午茶，喺門口問個亞姐有冇下午茶，佢答我話唔知，要我自己去scan QR code先知喎，好啦黎晒餐，有一個餐又爭杯嘢飲要崔幾次先有，全程張枱又係冇餐具又要自己周圍去搵，到最後埋完單，我個小朋友見門口有部夾公仔機只要消費$100就有一個幣可以玩，我就同返頭先嗰個收錢個男人講係咪有，佢問我咩事，我話我啱啱食完個下午茶消費咗150幾蚊係咪有一個幣，俾完錢只相隔大約一至兩分鐘，就已經唔認得個客，最後不情願地俾咗我太太，咁嘅服務態度鍾意受氣嘅就去幫襯啦，間鋪如果諗住唔做早啲執咗佢好過啦，年初二唔想做咪唔好做囉，冇人逼你開舖㗎。

今日諗住去食個台式下午茶，喺門口問個亞姐有冇下午茶，佢答我話唔知，要我自己去scan QR code先知喎，好啦黎晒餐，有一個餐又爭杯嘢飲要崔幾次先有，全程張枱又係冇餐具又要自己周圍去搵，到最後埋完單，我個小朋友見門口有部夾公仔機只要消費$100就有一個幣可以玩，我就同返頭先嗰個收錢個男人講係咪有，佢問我咩事，我話我啱啱食完個下午茶消費咗一百五十幾蚊係咪有一個幣，俾完錢只相隔大約一至兩分鐘，就已經唔認得個客，最後不情願地俾咗我太太，咁嘅服務態度鍾意受氣嘅就去幫襯啦，間鋪如果諗住唔做早啲執咗佢好過啦，年初二唔想做咪唔好做囉，冇人逼你開舖㗎。

同朋友黎食飯，先後用手機落單，我入左單先，我叫左肉燥拌麵加冬瓜茶，朋友叫左套餐。朋友既肉燥飯已經到左，當佢就黎食晒，我既肉燥拌麵都未到，嘗試詢問職員，但女職員態度非常惡劣，寧願隔住一張枱嗌過黎，然後佢得知朋友套餐既野飲未到，就嗌左句「出埋人地咪上你嗰個囉！😠」到後來朋友既餐飲送到，我既拌麵仍然未到，再次詢問，男職員都係非常惡同冇禮貌咁話「得啦」。野食唔可以話難食，但我既拌麵十分淋，連出單紙都可以痴住係d麵度濕晒。咁既服務態度，我諗唔需要再黎🌚🌚😒😒

之前食過一次，味道唔錯，今次返去再食，兩個人都叫咗嘆嘆套餐C，今次嘅鹽酥雞非常之出色，但係滷水雞翼就冇上次咁好食，但係肉燥飯仍然維持到一貫嘅水準唔錯唔錯！甜品同飲品正正常常，但係呢個價錢有咁多嘢食都抵食，仲要唔使加錢一😆以下呢幾款都唔錯，可以試吓！☺️🐥鐵路便當盒鹽酥雞便當盒有好多唔同嘅嘢食，除咗鹽酥雞嘅主菜，仲有大白菜，滷水蛋，豆腐，同埋湯，白飯仲有肉燥㗎，鹽酥雞炸粉唔會太多，熱辣辣入邊仲好Juicy！呢個抵食🐥古祖滷肉飯配滷水雞翼滷肉好好味，仲要比好多！足夠撈成個飯有多啦，仲有菜同埋好多隻雞翼，不過今次嘅雞翼重口味咗少少，但係入邊都係好滑！🥓夜市小香腸台灣腸又點會唔好食呀每一次都會叫！🍟炸番薯條番薯條甜甜地好味道🍰招牌珍珠奶茶奶蓋蛋糕呢個有驚喜呀，真係有珍珠奶茶味㗎，配埋蛋糕好好食呀

千呼萬喚始出來，用腳步探尋呢個被口耳相傳嘅台式美食界。「古祖滷肉飯」，咸香醇厚，滷肉又唔係太肥膩，飯粒牢牢吸盡味道，加埋燜熟嘅雞翼，真係食到停唔到口，真係一絕！滷蛋嘅嫩滑，對乾貨嚟講，真係掂過癮。拼盤係正宗嘅小食天堂，「甜不辣」外脆內軟，彈牙得嚟唔乎膩；「台灣腸」嘅皮脆肉香，濡過癮；鹽酥雞鮮嫩多汁，仲帶少少微辣，爽口得很。黑糖翼都係笑口棗，外皮香脆，蜜汁正！「香芋咖啡」冷嘅喝落去，提振精神得嚟芋香撲鼻，一流；而「桃香四季春」仲有爆爆珠玩吓口感，飲品都有得玩味。嚟到「3.6 牛乳仙草芋圓」，滋味冠絕非凡，材料新鮮多變，一個令人陶醉系味覺津津樂道嘅甜品。最後落幕大戲係「黑白配芋圓」，豆腐花同仙草搭檔，簡直係甜品界嘅最佳拍檔，呢個做法新穎，唔膩口，完美收場。體驗過呢次品味之旅，隻字不提已經食到心滿意足。食物嘅色香味俱全，每一口都有驚喜，台式料理嘅地道風味，正到彈晒！真系令人回味無窮，好想㗎㗎聲再嚟過！🥢🍜🍵

今日同朋友行街經過, 見到佢環境以花草做裝飾都幾特別!【冬日必嚐🍲明爐台式鐵鍋湯 - 滋補鴨腿湯⁣⁣】⁣天氣凍到咁, 最啱嘅就係食個滋補鴨腿湯, 絕對係暖胃、暖身又滋補嘅最佳選擇🌟湯底濃郁, 有好香嘅當歸味, 啱晒我呢啲寒底人士, 飲左佢啖湯之後即刻身心都暖晒, 鴨腿肉質鮮嫩多汁, 令味蕾感到無比滿足😍呢個鐵鍋湯可以加配火鍋套餐或者自由配, 唔大食嘅我就揀左個極上牛肩胛(100g), 肉質結實, 口感嫩滑, 係鐵鍋湯嘅最佳配搭!【戀富士山（夜）🗻 紫薯奶蓋3.6牛乳特飲】鍾意紫薯一定唔可以錯過, 加上3.6牛乳, 奶味香濃又有淡淡的紫薯味!!【鐵路便當】嚟得嘆嘆點可以唔試下佢個台式鹽酥排骨便當, 配滷肉飯、腌菜、滷蛋同埋昆布湯...鹽酥排骨脆口嘅外衣同鮮嫩多汁嘅肉質, 絕對令人回味無窮! 排骨勁大塊, 加分位係店員好細心隨便當附上細較剪比食客剪開佢嚟食! 滷肉飯配上深色滷水汁, 以為佢好濃味其實一啲都唔咸仲好好適合撈飯添~【🟣🟡紫金雙色QQ球】金色紫色嘅QQ球好吸晴, 脆脆外殼入面係煙煙韌韌嘅紫薯, 將QQ球擺入煉奶入面360度轉圈咁同佢沖涼, 然後一啖啪落口, 好味到無野好講!!【草

行完山黎到黃大仙廣場，好多餐廳唔知食乜好😂 點知望望下望到電視廣告牌有間台灣菜好似幾吸引咁！然後就去搵喇，呢間餐廳位置都幾入，唔專程去搵真係唔會搵到！餐廳係集團式既，隔離有同一集團既韓國餐廳。所以我地食台灣野，但對住韓國場景😂 感覺有少少怪，但隔離係台灣景，Balance返😂我叫左個套餐，包一杯茶，主菜同甜品！牛展醃得好入味！唔錯！蔥油拌麵好惹味！好香！麵質都好好，有咬口！同行既朋友就叫左燉湯！好足料，湯好甜！好好飲！配紫菜飯好新鮮😂 好過白飯既，冇咁寡！仲叫左個捲餅.. 但係唔好食.. 粉好厚又冇乜芝士..最後，仲有個甜品賣相好得，但係食多兩啖就係真頂唔順，太甜！！！ 雖然千層蛋糕入面仲塊芒果，但都救唔返... 或者呢個比較適合喜愛超甜既人喇！！總結，一試無妨，唔差既！不過可以再好d！

呢排天氣咁凍 真係要著多幾件衫先出街，除此之外 就係去食嘆嘆鐵鍋湯明爐台式鐵鍋湯 - 滋補鴨腿湯⁣⁣⁣大大隻鴨腿嫩滑多汁，食落一啲都唔鞋 唔韌呢個鍋湯嘅精髓係佢嘅藥膳湯，好香嘅當歸味，飲左佢啖湯之後個人暖粒粒。

台式嘢成日都食，但係鐵路便當又真係第一次食，原來都真係幾大份下😂餐廳嘅ᴅᴇᴄᴏʀᴀᴛɪᴏɴ都幾特別🤘🏻中間有棵好大好大嘅樹俾人掛卡仔同貼相上去，感覺好親民🥰而門口仲有夾公仔機可以玩下過下手癮🧸 打卡位一啲都唔少嫁📸1️⃣ 台式鹽酥豬扒鐵路便當🚋顧名思義好似便當嘅樣，用呢個嚟裝真係好貼題😆 大大塊嘅鹽酥豬扒真係睇見都流晒口水，帶骨豬扒最欣賞，不得不提佢哋真係好貼心要讚下，因為係俾埋把細鉸剪等客人可以用嚟剪開塊豬扒😚 仲有半隻蛋蛋同滷豆腐，呢兩款真係整到好入味😎2️⃣ 台車三寶鐵路便當🚋呢個有齊鹽酥雞翼、肉羹同台灣腸，一次過可以食齊幾款唔同嘅野食😆鹽酥雞翼唔會整到縮哂水，而係好酥脆好好食😌 而且個飯係肉燥飯+菜脯，食落唔會好油膩，仲加有少量花生🥜 口感好豐富😍3️⃣ 嘆嘆拼盤🍽拼盤一定唔少得，因為係可以食多啲款😎 雖然我哋嗌咗個細份但係都已經覺得幾大下😂 入面有甜不辣、台灣腸同埋鹽酥雞，甜不辣煙煙韌韌好軟糯，台灣腸甜甜地又胖胖的，鹽酥雞就有份鹹香味😍 真係好抵食🙈4️⃣ 香芒雜雜🥭嗌咗份用芒果做主題嘅甜品🍮 入面有布甸、蛋糕、雪糕同埋泡芙，一個價錢可以試到咁多嘢都真係唔錯，不過都要食得晒先好嗌🙈咁多隻入面