影片
港鐵荔枝角站 D1 出口, 港鐵荔枝角站 D2 出口
繼續閱讀
電話號碼
27438055
開飯介紹
主打新派粵菜，透過用料和做法將菜式 upgrade，以會員制經營，客人可以企業或私人會員形式加入，每晚播放不同的Jazz音樂，另外更會在不同日子邀請專業歌手到場演唱。
繼續閱讀
附加資料
大公館推出副線火鍋品牌《大公別館》，於餐廳內劃出特定區域享用火鍋，由行政總廚陳偉庭師傅主理，特別設計了八款各具特色的湯底選擇，如招牌極品佛跳牆湯鍋等。
營業時間
今日營業
12:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
11:00 - 15:30
18:00 - 23:00
公眾假期
11:00 - 15:30
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
趁今日中午無咁忙，一於就約埋成班好友歎返餐茶，一嚐優質既點心🤟🏻位於荔枝角嘅「大公館」點心同粵菜都好有水準✨重點係主廚常以創新手法，融和優質食材及傳統點心手藝，炮制出色香味俱全既點心，一於去撐下場先😋😋———————————————————🔹 黃椒醬鱈魚餃鱈魚餃皮薄餡靚，魚肉咬落鮮甜，肉質嫩滑，搭配特調既黃椒醬，微微酸辣，更能帶出魚肉鮮味！———————————————————🔹 黑魚子流心鵪鶉蛋燒賣賣相夠晒精緻嘅燒賣，特別加入粒粒香脆既黑魚子混合肉餡，口感非常豐富～重點係流心鵪鶉蛋蛋漿，令成個組合入口寧舍綿滑，高質之選！———————————————————🔹 金瑤菠菜苗龍蝦餃材料豐富！龍蝦餃用上爽彈鮮味龍蝦肉，入口啖啖滿足，再結合金黃色既瑤柱絲及嫩滑菠菜苗，晶瑩剔透，層次感豐富～———————————————————🔹 瑤柱冬蓉灌湯餃灌湯餃係我最期待既菜式！先講個湯底，清澈得黎，鮮味十足，中間既湯餃脹卜卜，餡料加入軟綿冬瓜蓉、瑤柱及肉碎等餡料，熱辣辣食落夠哂暖胃！———————————————————🔹 黑毛豬咸水角豬仔造型既水角，夠哂突出！外層炸至金黃香脆，咬落煙煙韌靭，餡料及醬汁濃郁，係一款懷舊傳統既點心！———————————————————🔹 麻辣鴨紅雞絲春卷春卷就食得多啦，呢款加入麻辣鴨血嘅春卷，我就第一次試，估唔到咁出色！餡料加入嫩滑既麻辣鴨血絲，口感滑順夠刺激，再加上木耳絲及雞絲等材料，味道特別香甜！———————————————————🔹 龍皇脆米腸粉歎點心又點少得叫返款腸粉，咁至夠滿足！龍皇脆米腸粉，材料層層分明，蝦肉爽彈鮮甜，結合埋嫩滑既腸粉及脆卜卜既脆米，香口又惹味！———————————————————🔹 金沙冬蓉手袋酥 及 金箔懷舊芝麻卷最後當然要食埋傳統懷舊嘅點心甜品，為呢餐畫上完美句號！首先係金沙冬蓉手袋酥，果然係巧手之作～手袋造型嘅酥皮包住香甜嘅冬瓜蓉，無論賣相及味道都冇得彈！另一款金箔懷舊芝麻卷，而家都好少地方有得供應～芝麻卷口感夠哂軟糯，黑芝麻味道超濃厚，而且入口香甜，食落零舍滑順，超正！———————————————————🌟餐廳：大公館地址：荔枝角長義街9號D2 Place ONE 10樓
繼續閱讀
又到開心星期四放假喇喂！晏晝先同朋友嘆個靚茶再同老婆大人一齊去剪頭髮扮靚靚。就喺荔枝角做嘢嘅朋友所以約咗喺好食又方便嘅大公館嘆茶。都唔係第一次嚟不過呢道古色古香嘅裝修又真係幾鬼靚，仲有好多好靚嘅擺件地方靚嘢食都會加分啲。朋友未到嘆杯靚茶食住個前菜烤麩等，唔好以為餐前小食好hea啊呢個烤麩好入味口感好得㗎。四個人指手畫腳咁叫咗啲點心一齊食！呢個黃椒醬鱈魚餃好好味，不過如果你同我一樣唔食得辣就千祈唔好食面頭嘅黃椒醬，其實個醬先至係靈魂但係辣度實在唔惹少！我都係交俾老婆大人幫我搞掂佢。跟住呢個金瑤菠菜苗龍蝦餃就溫柔好多喇！煙煙韌韌嘅餃皮入面有爽口彈牙嘅龍蝦仲有滑嘟嘟嘅菠菜苗，有鮮味又有菜嘅甜味呢個餃好食喎。不過呢粒黑魚子流心鵪鶉蛋燒賣仲頂癮！燒賣入面有一粒鵪鶉蛋當然唔係以前茶樓實的的嗰啲啦！咬開之後入面係隻流心嘅鵪鶉蛋，食落去除咗有肉香仲有蛋香，加埋黑魚子嘅鹹香呢粒燒賣真係好鬼和味。我兄弟姊妹多細個飲茶想食灌湯餃好難喇！不過有質素嘅灌湯餃而家都唔係周圍食到，大公館呢個瑤柱冬蓉灌湯餃我係有信心嘅。灌湯餃外皮唔會好厚入面除咗冬瓜蓉仲有好鬼鮮味嘅江瑤柱，加埋個清甜上湯呢個灌湯餃我鍾意喎。嚟呢度梗係要食返個樣可愛到不得了嘅黑毛豬咸水角！鹹水角個皮幾香脆入面嘅餡係用黑毛豬肉，食落嗰朕肉味梗係濃香啲。飲茶食腸粉是常識吧！我哋就叫咗口感豐富啲嘅龍皇脆米腸粉，又薄又滑嘅腸粉皮包住脆米同埋蝦肉，入口先係滑嘟嘟然後又脆卜卜咁好過癮。不過講到今日嘅驚喜肯定係呢條麻辣鴨紅雞絲春卷！諗都冇諗過麻辣鴨紅可以做春卷餡，食落去有小小嘅辣味但又脆卜卜咁，呢個口感同埋味道又真係幾得意喎。最後叫咗兩個甜品點心！呢個係金沙冬蓉手袋酥成個手袋仔咁好鬼cute，酥皮入面原來係鹹蛋黃冬瓜蓉，食落鹹鹹甜甜嘅味道都幾吸引㗎喎。嚟呢度飲茶金箔懷舊芝麻卷係唔可以唔食嘅！入口又爽又滑仲有勁濃嘅芝麻味真係好鬼正。
繼續閱讀
車爸爸每星期得一天假期所以我會安排好節目給他！擁有中國胃的他飲茶絕對是午餐的好選，Quota不多的我們當然要選一間有質素的來幫襯。位於荔枝角的大公館我們也挺喜歡，這天就約了朋友一起來嘆嘆茶。很喜歡大公館的瑰麗中式裝潢，就連餐牌也一絲不苟非常吸引。點好茶後選上大家喜歡的點心！不消一會美美的點心便來到我們檯上，此刻肚仔已經忍不住怪叫了。金瑤菠菜苗龍蝦餃$84綑上金邊賣相美絕！咬下去外皮煙靭內裏滿滿鮮甜味道，加上清新的菠菜苗平衡得非常吸引。這個黃椒醬鱈魚餃$92味道非常合我心意！辣勁十足的黃椒醬配襯香滑的鱈魚帶出鮮上加鮮的味道，可說是我近年品嚐點心當中最為驚喜的味道。黑魚子流心鵪鶉蛋燒賣$92雪白燒賣上綴以黑魚子徒添矜貴！鵪鶉蛋躲在燒賣內弄破後蛋液如湧泉般流出，點心師傅計算蛋黃流心程度很到位超讚，吃下非常有口感嘴巴表示超滿足。從小至大也喜歡吃灌湯餃所以點來瑤柱冬蓉灌湯餃$78回味一番！內裏除了有清香的冬瓜蓉外還有惹味江瑤柱，加上濃郁的上湯這個灌湯餃味道合格有餘。黑毛豬咸水角$88的外層炸得香脆不油內裏則煙韌可口，餡料用上無臊味的黑毛豬肉味特別鮮香誘人。這個麻辣鴨紅雞絲春卷$76太合我口味了吧！香脆的春卷皮內裏包裹著麻辣鴨紅，這溫柔的麻香味道實在叫我回味不已。龍皇脆米腸粉$78面層滑嘟嘟的腸粉好透薄，脆米內藏著彈牙的鮮爽蝦肉入口很有層次。最後我們還點了兩款甜品來慰甜胃！金沙冬蓉手袋酥$76這手袋造型的賣相太討人歡心了吧！外層酥脆不油內裏餡料是甜美的冬瓜蓉，是既熟悉又有新鮮的感覺和味道。最後還有金箔懷舊芝麻卷$64！充滿光澤的芝麻卷口感爽滑芝麻味超香濃，加上金光四射的金箔作點綴賞心悅目又好吃。大公館食材和廚師團隊也非常高質喜歡吃高質點心的朋友可以去試試啊。
繼續閱讀
前幾日同朋友去咗位於荔枝角嘅高級中菜館「大公館」，品嚐佢哋新推出八道菜嘅「春日盛宴」，由屢獲殊榮的烹飪團隊以時令食材，加上當代烹調手法為傳統粵菜賦予全新形象，色香味俱全呀🥰！🌸春日盛宴前菜:🌹玫瑰蜜餞燒雲腿以香脆多士夾住帶有玫瑰蜜餞味嘅雲腿，咸香中帶點玫瑰味嘅香甜，好特別！🤍鮮花椒慢煮蟶子皇蟶子好爽口，外層包上清甜嘅萵笋，加上鮮花椒帶點麻香點綴，食落好清爽！❤️淮山合桃山渣盒外層以山渣薄片砌成小手袋，內裏就包上合桃同淮山蓉，酸酸甜甜，底下仲有一片爽脆嘅淮山呢！💚花膠小青柑燉水鴨湯呢個湯好清甜，以小青柑釀上鴨肉同豬肉，好有特色，加上大大片嘅花膠，好滋補！ 🦞百花羊肚菌炒龍蝦球賣相好吸引，有原隻龍蝦殻做裝飾，而龍蝦已超肉，好彈牙，肉質鮮甜，配上羊肚菌同爽脆蘆筍，味道一流呀！💛龍井煙燻脆皮白鱈魚白鱈魚脆漿好薄，炸得外脆內嫩滑，配上炸龍井茶葉和炸珍珠葉，更加香口！🐟金勾魚湯玉銀環以日本大根配上虎蝦乾、菠菜苗，大根好清甜又入味，加上虎蝦乾令魚湯更鮮甜！🧡鳥巢鵪鶉蛋鹵肉拌手工麵以炸茶樹茹絲做成鳥巢般，配上鹵水流心鵪鶉蛋，台式鹵肉同手工淮山麵，好惹味呀！甜品🥛雪燕牛油果燉牛乳燉牛乳好滑又香濃，上層加上牛油果蓉同滿滿collagen嘅雪燕，好養顔呀！👜金沙冬蓉手袋酥外型設計成一個金黃色嘅小手袋，好可愛呀，而內裏包上鹹蛋黃同冬瓜蓉，酥脆又香口！
繼續閱讀
🌟餐廳：大公館📍地址：荔枝角長義街9號D2 Place ONE 10樓💰價位：～$100 - $200⏰營業時間：星期一至日12:00 - 15:00 / 18:00 - 23:00📱電話：27438055今日lunch要對自己好啲，忙裏偷閑，約咗朋友仔歎返餐精緻點心💖💖我哋揀咗位於荔枝角嘅大公館✨由星級主廚創作特色點心料理，菜式屢獲殊榮，將傳統既粵菜以創新烹調手法呈現眼前，每次去都好有驚喜🥳———————————————————🔹 黃椒醬鱈魚餃用上優質鱈魚作為餡料，肉質緊致，鮮味十足！外皮晶瑩剔透，上層加入微微辛辣嘅黃椒醬點綴，令層次感昇華！———————————————————🔹 黑魚子流心鵪鶉蛋燒賣燒賣肉餡特別加入黑魚子，好有咬口～流心鵪鶉蛋蛋漿味道濃郁，令整個燒賣入口特別Juicy，肉汁及蛋漿完美結合，好出色！———————————————————🔹 金瑤菠菜苗龍蝦餃用料上乘既點心！金瑤菠菜蝦餃，餡料豐富，夠晒飽滿！龍蝦肉彈牙又鮮甜，搭配一絲絲瑤柱及嫩滑嘅菠菜苗，層次感十足，超推介！———————————————————🔹 瑤柱冬蓉灌湯餃灌湯餃係我嘅至愛！湯頭鮮味濃香，灌湯餃嘅餡料加入冬瓜蓉，入口特別綿滑～而且瑤柱及肉餡份量豐富，食落大滿足！當然要搭配埋薑絲及紅醋，入口微微酸，更能提升鮮味！———————————————————🔹 黑毛豬咸水角超可愛豬仔造型嘅鹹水角，賣相吸晴！鹹水角炸至香脆可口，咬落煙靭，味道帶點鹹香，惹味至極！———————————————————🔹 麻辣鴨紅雞絲春卷令人驚喜嘅麻辣鴨血雞絲春卷！春卷外皮炸至酥脆，香而不膩！餡料加入嫩滑麻辣鴨血，搭配雞絲及木耳絲等材料，色香味俱全，層次感豐富，絕對係一款既創新又傳統嘅特色春卷！———————————————————🔹 龍皇脆米腸粉呢款龍王脆米腸粉，製作過程繁複，值得一試！嫩滑嘅腸粉包裹彈牙蝦肉，中間再加入香鬆脆米片，咬落每一啖嘅口感都好豐富，特別係大蝦肉，入口啖啖肉，鮮味十足，大推！———————————————————🔹 金沙冬蓉手袋酥 及 金箔懷舊芝麻卷呢度嘅點心甜品，值得捧場！金沙冬蓉手袋酥，點心師傅以迷你手袋造型設計，果然係巧手點心，酥脆既外層包裹住咸蛋黃及冬瓜蓉，鹹鹹甜甜，食得好滿足！另一款金箔懷舊芝麻卷，夠晒傳統懷舊！芝麻卷口感好Q彈，芝麻嘅香氣爆燈，令人齒頰留香！———————————————————👅整體小總結大公館主打嘅粵菜一向係高品質嘅保證！用餐環境寬敞，裝修高貴優雅，成個氛圍好舒適！食物方面，廚師用上各款高質食材，製作多款創新有傳統嘅粵式點心，無論賣相、味道及口感都令人驚喜，適合帶埋屋企人過嚟慢活一下，品嚐高質嘅精緻點心菜式！
繼續閱讀