意軒

營業中

休息中

喺土瓜灣美景街，有一個出名嘅車仔意粉店，絕對係個食得爽嘅地方。呢度嘅車仔意粉以佢獨特嘅自選口味同配料而聞名。首先，廚師提供咗好多款意粉選擇，有傳統嘅意大利麵、扁意粉、通心粉等等各種唔同嘅口感。你可以根據自己嘅喜好揀選啱啱啱嘅意粉種類。然後，最令人興奮嘅部分係自選配料。你可以喺一大堆配料當中揀選啱啱啱嘅嘢。廚師提供新鮮嘅海鮮、各款肉類、蔬菜同醬汁，你可以根據自己嘅口味喜好，自由搭配一個最合心水嘅意粉。無論你鍾意海鮮、肉類定係素食，都可以揀到啱你口味嘅配料！😝當你揀好之後，廚師會將你揀嘅意粉同配料放入大火熱鍋度快速炒熟，確保每一口都保持熱度同新鮮。佢哋嘅醬汁更加獨特好味，能夠完美融入配料嘅風味，令整個意粉更加豐富口感同層次。一拎起熱騰騰嘅車仔意粉，迎面撲嚟嘅香氣真係令人食指大動。每一口都能夠品味到自選配料嘅獨特風味，彷彿喺口中爆發出一場美食盛宴。而且佢哋份量都十分豐富，食得滿足同過癮😍😍

今天下午較悠閒就去達些許找午餐。因為由同小絲拍拖開始，已經了不少cafe店，意粉吃多了就開始有要求，今天就想找間食店吃意粉。這間意軒的店舖位置非常低調，店外毫不起眼，店內亦沒有所謂的打卡位，只有大約8~10個座位。如果坐滿是有點迫。這間店主打西餐意粉就當然點意粉啦。這裡有我未試過的麻花卷粉，那就點這個。點了才發現，侍應和廚師都是同一人。不過出餐都不慢，不一會餐湯和蒜蓉多士就到。磨菇湯不是罐頭磨菇片加忌廉，而是真正用磨機將磨菇打成蓉的磨菇湯，稠杰適中，有點淡，若口感可以再夥粒些就好。麻花卷粉原來一小條一小條的直身扭扭粉，賣相不錯，麻花卷粉煮的時間準確，煙韌度好夠。醬汁有與洋蔥粒，蒜片一起炒，所以好夠味。配菜單調了些，好像欠缺了主題。這個質素的意粉若在文青Cafe，單點起碼賣$95up，這裡連湯+蒜蓉多士只需$75。不過文青Cafe主打從來都不是食物，賣的是小絲常常說的，很抽象的氣氛。所以才可以相同的食物賣不同的價錢。

前菜：紫薯忌廉湯 + 蒜蓉包前菜嘅紫薯忌廉湯好濃郁，口感滑順，又唔會太甜。蒜蓉包好香脆，一咬就爆出濃郁嘅蒜味燒紐西蘭肉眼 （黑椒汁）跟意粉 $150煎紐西蘭肉眼嘅肉質好鮮嫩，啲汁又好香，黑椒味唔會搶左肉眼嘅牛味，同意粉一齊食真係好過癮。配菜嘅西蘭花同粟米都好爽口，令整餐飯更加豐富。另外，好鍾意呢個菜式嘅少脂肪有肉汁嘅設計，好健康又好味道！雞絲、蘑菇、菠菜、麻花卷粉（牛肝菌汁）$78雞絲、蘑菇同菠菜嘅混合，令味道更加豐富，而麻花卷粉嘅牛肝菌汁味道香濃。香煎盲鰽柳（香草番茄汁）跟意粉 $95啲魚柳煎得啱啱好，表面微微焦香，入口滑嫩，魚肉鮮甜。而且佢地配咗啲香草番茄汁，味道酸酸甜甜，好開胃。意粉都煮得啱啱好，唔會太腍或太硬，啱啱好。..............................意軒 (土瓜灣)土瓜灣美景街28號地下

咁啱經過男朋友話呢間好抵食所以就捉左我入去食嘢啦—————————/意軒/—————————-紐西蘭肉眼扒＄138肉質鮮嫩 但係有少少根 不過整體嚟講都好好食份量都幾多，而且有好多配菜肉質好粉嫩墨汁海鮮意大利飯一上枱嘅時候，老細就話呢個係黑蚊蚊🤣🤣🤣本身都以為自己會食到好乾淨 食完之後成咀都係黑色味道好好，而且啲蝦係新鮮嘅，比預期之中更加好食！！餐湯同蒜蓉包都不過不失 係叫餐嘅時候包埋嘅-總括嚟講呢間餐廳好抵食，而且食物質素都幾高不過小店經營鋪入邊位置就唔係好多，但係老細好好人又有禮貌下次會再去食

意軒 Pasta Factory 😋4.5/5Marked 咗好耐嘅一間土瓜灣小店（其實係偶然起Google Map揾食肆嘅時候發現嘅✌）S5 墨汁海鮮意大利飯 $95意大利飯嘅米飯比平時食嘅飯粒要更大更飽滿，唔似一般嘅口感咁霖，煙靭有嚼頭，加埋配料豐富，全部嘅火候都啱啱好，墨魚汁提鮮（蘆筍嘅口感配飯好夾），成個飯感覺好融洽🥹正！是日精選 1. 煙鴨胸，硯肉，酸黃瓜，意粉 （番茄醬）$68意粉硬度適中，配料足，番茄醬好特別應該係加埋香料調製過嘅，鮮甜又惹味，好香，好味😆小店跟餐配餐湯或汽水，場地乾淨企理，因其位置不處於鬧市環境都較為清靜，仲有車仔燴飯/意menu可以自行搭配自己嘅心水配菜🤣🤣(可惜餐湯嘢飲就需要另外加錢想試燴飯或者意粉嘅朋友，路過土瓜灣不妨試試意軒😙😙

食物選擇多，意粉可以自由配搭，亦可點配好左嘅set, 價格相宜，老闆係廚師，同時一個人睇晒成間鋪，好勵害。今日想發揮下創意，揀左自選，由麻花型意粉配蒜蓉銀雪魚牛油醬，配類方面揀左意式火腿、魷魚、菠菜，香料揀左parsley 、洋蔥、芝士。點完菜，店主就去廚房準備，等左10-15分鐘就有得食。賣相有心，味道很搭，食材亦比足料，以哩個價錢（$80）黎講好有驚喜。另外點左牛扒，價錢相宜（$144）仲可以簡risotto / 薯溶，我地簡左risotto

我住左土瓜灣四十年，第一次見有意粉小店周末晚市滿座，老闆夠膽系土瓜灣美景街賣意粉，食物質素應該有番咁上下。推介: carbonara, 意粉同配料炒得很乾身，個汁唔會好杰同好粉; 仲有龍蝦忌廉湯，香濃有蝦肉; 牛尾燴意大利飯，真材實料。意大利風乾火腿什果沙律，用新鮮水果加鮮甜蜜瓜，好似自己屋企整咁。仲有自選車仔意粉，自己配料意粉醬汁自己揀。店舖座位雖然比較少，人多自然要等耐D，但你會食到廚師嘅誠意，支持平民小店!

#食在土瓜灣#支持小店屋企附近嘅茶餐廳都食過晒成日食lunch都唔知食咩好打開OpenRice睇吓有咩餐廳未食過啦就見到美景街嘅呢間「意軒」西餐廳落街去到門口就發覺原來間舖好細間我諗大約都只係得10個座位既然你到就入去試吓啦佢有幾款每日精選，不過有我又揀唔啱於是就睇吓佢張點餐紙，最後我揀咗個最簡單嘅Carbonara ，本身諗住點杯咖啡飲，不過老細話只供應餐湯或者汽水，咁見天口熱就唯有飲汽水啦～呢碟卡邦尼意粉 老實說賣相就唔係非常之吸引，佢唔係我想像中嘅傳統撈蛋漿嘅carbonara，而係落cream嘅～不過呢食落係好有驚喜！首先佢意粉係處理得非常之好，煮嘅時間啱啱好，食到爽口煙韌的Al Dente口感！而佢嘅忌廉汁亦都食得出唔係罐頭質素，相信係自己調製嘅，個汁入邊仲食到有切到好細嘅洋蔥粒同埋蒜片，增加香味！整體來講成個意粉都好好味，如果芝士落返多啲就更加好喇😋 同埋餐廳做得唔好嘅位在於自由餐湯同埋汽水揀，不過可能得老闆自己一個負責煮嘢食，同埋得一位年紀比較大嘅侍應（相信係老闆嘅家父），未必兼顧到水吧～一路進餐嘅時候其實都發現入嚟幫襯嘅客人全部都係熟客仔，老闆會記得客人嘅喜好，入到嚟又

留意左呢間店一段時間，上次想黎食咁岩無開，今日同男友落樓下睇下有咩好食，見佢開左試下先😋本身睇OpenRice 見佢有車仔意粉自選配搭，覺得幾得意，但原來到選擇既時候，係會有選擇困難😂😂所以最後見到有套餐，都係叫套餐算🤓我同男友都叫左套餐，另外每人加左$35 upgrade 做龍蝦🦞忌廉湯，個湯好有龍蝦味，勁香，飲完個口仲留有佢既香味，滿足跟餐既蒜蓉多士，雖然細細塊，但好惹味，外脆內軟，蒜味唔會太over, Good!主菜意粉，配料充足，巴馬火腿順喉易入口，意粉既軟硬度適中，醬汁味道香濃。男友叫既西冷牛扒，熟度剛剛好，肉味濃。但唯獨薯蓉有少少腥味，似係自家煮既感覺，原薯仔味道。不過整體黎講，會再黎食既☺️

蒜蓉銀魚柳牛油辣肉腸意粉美景街好多野食，每行幾步就有糖水🍨點心🥟Cafe☕️。呢間小店有得食車仔意粉，自由配搭自己中意既餸、香料同意粉，我最後揀咗蒜蓉銀魚柳牛油辣肉腸意粉😆。加錢升級有蒜蓉包同湯蒜蓉味濃郁，牛油味好重，咬落脆卜卜但包身又可以保持鬆軟今次個湯係青豆湯，濃稠適中又有口感。全部野食都係即叫即整熱辣辣，誠意度簡直係滿分💯等緊野食個陣仲會不停為你加檸水❤️好sweet 聞到濃濃蒜香味，就知我既意粉黎啦～有好多辣肉腸好足料，所以鹹香味會重dd🥰意粉食落好煙韌，炒香咗既蒜片同辣椒碎十分惹味，提升意粉既整體層次感😋。我會繼續支持用心經營既小店！

來到意軒午餐，分別叫了牛尾配香濃牛肉汁意大利飯和 Parmaham 牛肝菌汁野菌意粉。Parmaham 牛肝菌汁野菌意粉：Parma Ham 略嫌不夠香和有點韌，但意粉的價錢只是六十幾蚊 ，亦不能要求太多，這個價錢合價有餘。意粉加入牛肝菌，味道鮮甜，而且質地厚身，每咬一啖都會有汁沁出來，很有驚喜！另外意粉亦加入蘆筍令到味道更清新，而且配合蒜粒，除去了蘆筍的草腥味，亦令意粉更加香！牛尾配香濃牛肉汁意大利飯：廚師己將牛尾拆肉，煮得很腍，有牛肉味。意大利飯夠creamy，軟硬適中，加上野菌，作出適當的點啜。Parmaham 意粉選了紫薯忌廉餐湯，很重的忌廉味，唯紫薯味不太濃。來到意軒門前，本來是有點卻步，因為門面實在過於簡單。不過，原來是實而不華，食物質素很有驚喜，用料足，味道好，媲比得上出面收過百蚊一碟的意粉，絕對是性價比高，物超所值的誠意小店。

早前已聽聞住附近的朋友介紹，有一間意大利粉車仔麵，心想真奇怪，意大利粉那可能有車仔麵。今天一個人晚餐，在家附近遊走，盤算要食甚麼的時候，突然想起朋友的介紹，便膽粗粗入去試下。雖然舖頭細細，但已經坐無虛席。一坐低，見到張點菜紙，有點驚訝。我還是頭一次食意大利粉可以自由配搭麵類，醬料，主菜，有趣兼新奇。因為是頭一次幫襯，都係保守點，配搭左忌廉汁，粗意粉🍝同鴨胸肉加菠菜。果然不愧朋友介紹，真的有驚喜。第一，店內用上正宗的意大利粉瓷碟。雖然我不是甚麼食評人士，但去過其他cafe 食意粉，都只是用普通的瓷碟。可見這小店的細心。等二，味道一流。麵的軟硬適中，忌廉汁和芝士不膩，配上菠菜很好。整體而言，比很多cafe 所煮的和連鎖西餐好吃數倍。第三，價錢相宜。我只點了一碟意大利粉，也只是五十多元。如改為套餐，有湯有飯品，也只加十幾元。第四，醬汁，配菜都有很多種類，有黑松露，蕃茄，碎蒜，芝士定其他。各種選項都有五，六款，因個人喜好，自己配搭。第六，服務細心，雖然店內只有一名樓面，但他好主動為我酌水，一見我飲完，就即時走上前酌。如此細心服務竟然在一間舊區小店找上。最後，我相信用心經營，無論是小店，大舖也有

突然想食意粉🍝咁就喺開飯度搵搵土瓜灣有咩意粉店又係見咁多個好味😋就膽粗粗去試吓喇！我就叫咗個自選意粉，所有材料自己揀！海鮮加$12,蔬菜加$8咁都幾抵，估唔到味道真係唔錯！另外再叫個卡邦尼我哋仲另外叫咗個黑松露薯條🍟不過松露味就唔係好夠有機會，會想試試佢哋啲扒

香港經營小食店困難， 有心嘅誠意小店更加越來越難找到。7月20日，星期六晚有事經過土瓜灣，順便搵下附近有咩食，唔打唔撞入左呢間小餐廳。當晚見餐廳個名都叫pasta, 所以就同女朋友叫左一個 牛尾risotto 同一個 牛肝菌汁捲意粉 試下。一試後非常surprise, 冇諗過呢個價錢既意粉(一個60蚊一個70蚊冇加一連湯及蒜蓉包)有呢個級數。出面賣貴一倍價錢既西餐廳都食唔到呢種味道。半開放式既廚房，睇住大廚不斷用心制作食物。有一位伯伯做樓面亦好細心服務。當晚食完本身想親口表達欣賞，但因為有其他食客在場加上鋪面比較細唔好意思，所以專登上泥寫返個食評表達欣賞。呢間小店會係我下一次專登再來土瓜灣既原因，下次試下啲扒類。想係呢度同老闆大廚同員工講聲加油，香港經營餐廳 礙於租金問題等絕對唔容易，希望以後都可以繼續食到你地用心既出品!

土瓜灣實在太多平嘢食，所以如果要60蚊食個晏，對於土瓜灣打工仔來講要求就比較高啦！呢間意粉屋地方細細，一個廚師兼做埋侍應，之前我試過佢嘅卡邦呢意粉同忌廉湯，印象中卡邦呢唔夠香濃，而個湯直頭係罐頭湯，我記得仲要加錢的。今次叫咗肉醬意粉$58包個湯或紙包飲品，我都係要咗湯，今次係雜菜湯，好似溝左好多水翻㷛，好淡冇味道，亦冇乜雜菜湯渣，肉醬意粉好食，肉醬同意粉分量配比剛剛好，唔知係咪因為用豬肉味道有少少唔同，仲有唔熱嘅蒜蓉包不過都算好食，希望廚師諗下點樣整好個湯，如果唔係就直接送飲品算。