田記魚蛋牛腩專門店 (塘尾道)

營業中

休息中

呢度係街坊小店，但環境光猛闊落，坐得舒服。今日自己一個人食，想食得簡單d,於是就叫了一個牛三寶(牛腩，牛筋和牛肚)，每樣都厚切，份量比坊間其他鋪頭多，炆到軟腍，又夠入味。牛腩肥瘦適中，肉質鬆軟。而河粉就煮得剛剛好，保持原條，不會一夾就散。最後湯底夠真材實料，飲完都不口渴。另外額外叫了蘿蔔，份量超多，食落夠甜，配埋腩湯底，好味道。凍檸茶正常發揮，茶底清新。餐廳野食達標，服務ok,加上價格親民，值得幫襯。

好耐之前試過依度既牛腩一直念念不忘，麵既份量又多，性價比高。 咁啱喺太子附近就順便嚟食多次。店內光猛企理，每枱都有調味醬油 & 紙巾。除咗堂食，仲可以買火鍋佐料返去打邊爐。○ 崩 沙 牛 腩 河 粉 // $51湯底冇味精，配上特濃腩汁，有好香濃牛味；崩沙腩比一般牛腩會更加鬆化，有層膠質薄膜，非常爽彈，油香十足。河粉滑溜厚身條條分明，唔會一夾就散。蘿蔔份量都非常多，口感軟腍又冇渣，清新爽甜而且吸盡湯汁。○ 炸 醬 麵 // $33粗麵麵底好多，口感爽彈。醬汁完全唔辣，酸酸甜甜濃稠適中，肉絲幾滑。另外附送一小碗雲吞+炸魚片頭，大大粒皮薄餡料飽滿，有好多蝦。依度既魚片魚蛋都係每日用全魚肉新鮮製造，爽口彈牙。○ 腐 乳 通 菜 // $8呢個價錢真係好抵食，通菜爽嫩冇渣。○ 炸 魚 皮 // $22呢度嘅魚皮偏厚身，炸得超香脆，啱晒鍾意食脆卜卜魚皮嘅人，擺落湯度浸一兩下再食，會更入味。ꕀFOLLOW IG @ FISWEET FOR MORE.

最近很多旅客訪客，見到好多人排隊食老字號雲吞麵，但如其排長龍，其實其他粉麵店都很不錯，例如我今次去的田記。.環境光鮮乾淨，而且位與位之間不會太迫；我晚上去的，不用搭台，可以自己一霸一張台。.繼續食經典 - 牛三寶河（牛腩、牛肚、牛筋）及牛腩水餃河。經典就是百食不厭！牛腩、牛肚、牛筋都煮得好入味，其實整間店到飄逸著牛肉的香，而且份量又多，河粉更加吸引了牛腩汁的味，鹹香鹹香好正。特別是牛腩，肥瘦適中，有點似和牛般的口味。水餃好足料好多餡，與街市買的有明顯分別。.另外叫了牛腩汁青菜，二人share食剛剛好。.加$8配飲品，枝裝豆漿及玻璃樽可樂都一樣價錢。

First cut beef brisket with fiat rice noodles 崩沙牛腩腩汁撈麵 🥩 $62崩沙牛腩腩汁撈麵係餐廳嘅熱賣招牌菜之一，半肥瘦牛腩嘅肉質鮮嫩多汁，配上香濃自家製腩汁🐮，入口滑嫩又有嚼勁😍，而撈幼麵吸收咗腩汁嘅精華，口感彈牙又滋味十足，幾值得推介呀Mr Tin fish balls & fillet with fiat rice noodles 招牌魚蛋河粉 🍲 $35用百分百魚肉同日日新鮮製造嘅招牌魚蛋河🐟，真係好高質，魚蛋彈牙又滑嫩，魚肉味道鮮美，而矜貴嘅魚片頭好爽口，湯底夠鮮香🥣，入口滋味豐富，係一碗港式地道的魚蛋河！Head lettuce 🥬 生菜 $17Water spinach 腐乳通菜 $17鮮甜生菜嘅清香味道同脆口質感幾正，可以選擇蠔油或者腩汁做配搭，而腐乳通菜充滿濃郁香氣同滑嫩口感🌿，健康味道又唔會太鹹，而且两樣小菜嘅性價比好高，的確唔錯啊👍🏻

its my memory of nice food😊😊這道牛腩牛筋河配上雲吞麵是一道相當美味的湯麵料理。湯濃郁，充滿了牛肉骨和牛骨的香味，令人垂涎欲滴。牛腩和牛筋的口感十分軟嫩，入口即化。湯底中的蔬菜和香料增添了豐富的層次，讓湯頭更加鮮美。雲吞麵的面條Q彈有嚼勁，配上內裡香嫩多汁的雲吞，令人回味無窮。整體而言，這道湯麵料理的口感豐富，味道濃郁，讓人一口接一口。如果您喜歡吃湯麵料理，不妨一試這道牛腩牛筋河配上雲吞麵，相信您一定會喜歡上它的美味！its wonderful

⭐️田記魚蛋牛腩專門店📍位置:大角咀塘尾道201號(近荔枝角道)華安樓地舖營業時間:11:00-21:15今日去田記食lunch叫左碟炸魚皮 ($22)佢既炸魚皮，熱辣辣，香脆可口腐乳通菜 ($16)份量夠多，腐乳配通菜，真心絕配😂 正👍🏻魚三河($37)有魚蛋，魚腐，魚皮餃好彈牙👍🏻河粉夠多鮮蝦雲吞魚蛋麵($41)佢d蝦好大粒，都係好足料，落左醋同辣椒油好正凍檸樂($10)夏天當然唔少得飲凍檸樂啦，冰涼，簡直一流

夜晚突然好想食牛筋麵, 喺太子搵咗呢間就入咗去食嘢～ 呢度主打港式粉麵, 餸菜款式都幾多, 唔想食麵亦可以揀淨食, 重點係價錢親民！🍜五香牛筋粗麵腩汁湯底幾濃味, 粗麵索晒腩汁嘅味道！牛筋粗身, 一咬落去口感Q彈, 有煙煙韌韌嘅感覺, 感覺有豐富嘅骨膠原！我仲加咗$16要碟生菜🥬, 生菜新鮮脆綠, 旁邊仲有蠔油。加埋樽豆漿, 簡簡單單又一餐～🍜招牌魚蛋湯河有魚蛋同魚片, 口感唔錯, 河粉份量好足夠。湯蘿蔔大大件, 味道好清甜。

今天到附近辨點事,心思思想食腩,二話不說自然入座.已過了午飯時段,又沒有做任何特價餐,店內都有6、7成滿,不無道理.小時候不喜介蘭,因覺有少許苦味,但人漸大了,漸覺苦味全消,只有甜味.炸魚皮浸上湯,絕配.牛腩配蘿蔔,牛腩炆得來軟淋,蘿蔔無渣吸盡腩汁,清碟.又到自制撈河的時候,請店主攞隻吉碗,腩汁撈河粉.走時已三點幾接近四點,食客仍進進出出,不無道理.

中午心血來潮，突然想食牛腩麵 約咗兩個同事一齊去呢一間田記食，上網搵咗一陣，見呢間幾多好評就去試咗 環境都算闊落裝修都算企理，我叫咗招牌牛腩雲吞面 同事叫咗兩個崩沙腩河 再加魚皮同埋油菜 等咗5分鐘就可以食 湯底，濃濃嘅牛腩味 面質適中 唔會太淋又唔會太硬 牛腩入味，而且煙靭 魚皮都係有心機幾脆 浸湯食一流 但係試咗兩舊崩沙腩 發現崩沙腩先係大佬 口感一流 非常入味 超級推薦 雖然地址唔近地鐵站 但係下次都會再幫襯 暫時食過最好食嘅牛腩麵舖 價錢實惠 性價比極高

位於太子的港式粉麵店，位置較遠離地鐵站。招牌主打是牛腩、崩沙腩、魚蛋等等，配湯粉麵，另外還有飯類供應，定價也是街坊價格。麵食：魚蛋雙拼墨魚丸米線 加紫菜白魚蛋以新鮮魚肉打成，口感比平日吃的較軟腍，但也是彈牙的，有魚肉味道。墨魚丸則較爽口，大粒。每一枱都有一盤醬料，辣椒油都有兩款，分別是香辣及麻辣，加了點麻辣醬入清湯底，頓時味道提升，又麻又辣，更加惹味。油菜：芥蘭另外可以追加油菜，菜葉墨綠，菜莖爽甜，灼得夠軟腍。飲品：凍豆漿支裝的凍豆漿，解解渴。

當提到塘尾道,很少會記起這一段.但吃過了這裏的牛坑腩,我相信大家唔記得街名,都會記得這裏的牛坑腩,牛味夠濃,那份咬下去的口感和那份油香,會令人心感滿足,麵吸了腩汁~掂,在腕底的生菜份量不少,再沾上碗內的蠔油,自制成蠔油生菜,可能年紀漸長,對吃蔬菜需求漸多,再來個腐乳通菜.有上湯怎小得炸魚皮,這裏的魚皮比較厚身,浸耐少少,會令你有意外驚喜.小成員喜歡肉肉,又不喜肥膏,普通牛腩最適合,牛味夠濃,她差不多喝晒成碗湯.魚蛋及魚角夠彈牙,魚皮餃咬下油香滿滿,再沾辣椒油,在口中混合~~如果不是食了之前的食物,應該會再添~再添~~

最近屋企裝修真係搞到我頭都大埋，由旺角睇到太子都未睇完就已經餓都腳都軟，剛好見到間粉麵店，心思思想食碗牛雜麵😛餐廳好光猛，menu放晒喺玻璃枱入邊，睇起嚟好方便叫咗個牛三寶麵加牛丸，一次過可以試晒牛腩牛肚牛筋同埋牛丸免嚟到嘅時候好大碗，而且好足料。每樣餸都起碼有三至四大嚿，如果唔係咁肚餓，真係可能食唔晒😋牛腩少肥腍身，好香牛味。牛肚好爽口，而且冇騷味，牛筋軟身但唔爛，三款牛雜都好出色牛丸真係好爽口，而且入邊爆汁好juicy一邊食嘅時候聽到好多買外賣嘅人都話一定要辣椒醬，本身食牛雜麵都唔會加辣椒醬，既然咁多人講我就試吓枱面嘅辣椒醬見到都有兩款一款係普通辣椒醬，一款係麻辣。兩款都好惹味，唔怪之得咁多人都話要辣椒醬仲叫咗個腐乳通菜，通菜上面冇額外淋油，新鮮翠綠，而且份量都好多醫飽咗個肚就要繼續我嘅裝修買料行程，下次經開呢頭又可以再過嚟試其他牛雜，尤其試吓佢個崩沙腩都見到好多人叫😍

話說有日肥豹係太子🤴🏻開個openrice睇下🍚驚見有間牛腩河竟然有成200幾個舔舔舌😋仲要冇dislike即刻去試試咩料🐮🦭直接一句：「真太子第一崩沙腩，連外國人都特登要黎食」今次肥豹試左🦭1. 崩沙腩 (粗麵)佢既崩沙腩比既份量都偏多👍🏻賣相亦都肥瘦剛好👍🏻一口咬落去既感受反而唔係剛烈既牛味，而係好舒服既牛肉味🦭再咀嚼多兩下，啲牛油牛脂既香氣就揮發曬出黎👍🏻扣一分係因為佢個湯既味道唔太突出，但整體好正👍🏻2. 牛三寶 (幼麵)佢牛三寶就包牛腩、牛肚同牛筋。牛肚煮得係偏腍個種🐮咁要睇個人口味🦭牛筋就仲係保有啲膠質，食入口非常豐富。而作為配料既蘿蔔係甜身、腍身同無渣👍🏻非常好👍🏻唯獨扣分位就係牛腩，係同崩沙腩比較下就偏乾身少少🦭3. 淨鳳城水餃佢既水餃餡料主要係蝦同木耳🦭水餃皮超薄，仲要係有咬口個隻皮🦭難怪佢係呢個水餃林立既太子都生存到👍🏻隻隻都大隻豐滿，每隻都包左起碼4隻蝦🍤🍤🍤🍤好唔錯👍🏻豹言豹語:欣賞間鋪頭即使係做牛腩河都唔會太hea同污糟🦭仲有心咁執好啲醬料👍🏻值得去食既平民菜👍🏻

湯底裏有死了的烏蠅真的非常污糟！！！本身這間餐廳的服務態度很差，但由於方便，所以沒有理會 照光顧這間餐廳。但今天我真的非常生氣，沒想到吃到最後，居然讓我在湯底裏找到了一隻 死了的烏蠅！是死了的烏蠅！救命，真的非常污糟！我發誓，我以後不會再去這裏食。其實這間餐廳的服務態度，一向有很多街坊都非常不滿意，店員冇禮貌 面目猙獰，而且上呼喝客人。很多次的，明明是他們出了錯誤 - 例如落錯單，但是他們還堅持 自己沒有問題。還斗膽叫客人 照食，因為佢會加一句「都是一樣雲吞麵，不過是米粉和雲吞麵搞錯咗，照食啦」。所以，我真的不推薦 大家在這裏食，無謂讓自己吃到一肚火及感染腸胃炎，因為不值。

📍地點：太子🍴點了四道菜：牛根河、牛根牛丸米粉、菜心和淨水餃。🥩牛根河：牛根煮得剛剛好，口感嫩滑，湯頭鮮美，讓人一口接一口。🍜牛根牛丸米粉：牛丸彈牙，牛根肉味濃郁，米粉爽滑，配上特製的醬汁，味道十分美味。🥬菜心：菜心煮得剛好，口感清脆，與其他牛肉美食搭配得很好。🥟淨水餃：淨水餃裡面的餡料鮮甜可口，皮薄餡大，是不錯的選擇。💰價格：價格非常實惠，四道菜加上飲料和小菜只需$139。👨‍👩‍👧‍👦環境：店內環境整潔，裝修簡潔大方，適合家庭和朋友聚餐。👍總評：田記魚蛋牛腩專門店是太子必訪的牛肉美食，牛肉菜式煮得入味，配料新鮮，讓人一試難忘。價格實惠，服務周到，是一個值得推薦的餐廳。如果你是個牛肉控，那麼一定要來這裡品嚐他們的招牌牛腩菜式。