田記魚蛋牛腩專門店 (塘尾道)

營業中

休息中

🥢間中都中意食港式粉麵, 夠地道又經濟實惠🙂‍↕️☺️📍田記喺旺角太子一帶深受街坊歡迎🙌🏻太子店位於雷生春堂馬路對面🚥🌟主打百份百魚肉魚蛋⚪️｜抵食崩沙腩麵🐮🌟食物日日新鮮製造,店員服務有禮🕴🏻🔸招牌魚蛋米粉🐟 $35 6.5/10+$20 雙拼・牛筋⚪️魚蛋同魚片各有3件 自家製100%魚肉💯, 魚味濃郁魚蛋鮮甜爽彈😌, 魚片則較腍身牛筋約有4-5條, 忟得好軟腍, 充滿膠質🦴🔸崩沙牛腩幼麵🐮 $54 7.5/10+$20 雙拼・牛腩份量大🥣餸菜多😎蘿蔔有4-5件, 清甜無渣👍🏻🐄崩沙腩 = 牛的橫隔膜附近筋膜連住肉同少許脂肪🤏🏻😚肉質軟腍香濃, 肥瘦適中🤤牛腩同崩沙腩都各有5件😙牛腩則較瘦, 肉質較實淨🔸腐乳醬通菜🥬 $17 7/10🔸凍奶茶 $8🔸熱檸水 $8

朋友介紹我係第一次黎，因為佢哋話主打牛腩，咁我又啱啱去開呢頭，所以整碗牛腩麵先！牛腩好冧，亦唔黐牙好有腩香河粉就平平無奇既，清湯亦唔多味精 推介：一定係牛腩，性價比好高！食完兩個鐘唔會好口渴，掂👍

依間屹立多年既田記魚蛋牛腩專門店，位於太子！早前睇到開飯都多好評！份量十足好大碗，呢度出名崩沙牛腩所以係必點！「崩沙腩」位於橫膈膜附近，由於兩邊展開像蝴蝶，所以叫「崩沙腩」。呢度嘅崩沙腩肥瘦均勻，肉質鮮味腍滑不黏牙👍🏽非常多蔥，牛筋夠霖，好膠質，非常彈牙，正😋 ，份量都算多，而牛腩好有牛肉味，肉味香濃，軟腍，果然係出名牛既粉麵檔至於牛肚有啲韌，好難咬開，遜色一點！湯底都充滿牛味，沒有味精！🍴招牌崩沙牛腩河粉：$51📌田記魚蛋牛腩專門店🍽️太子塘尾道201號華安樓地舖

第二次食呢間田記，第一次食係經同事介紹🤣如果食港式粉味嚟講，呢間質素真係不錯，鍾意食牛腩嘅朋友仔就一定要試吓！呢度崩沙腩係必食！仲要價錢好合理。崩沙牛腩麵🥩崩沙腩有少少脂肪，肥瘦適中！肉質軟腍，口感不錯！崩沙牛腩麵配有蘿蔔，蘿蔔煮得好腍。牛三寶河粉(牛腩、牛肚、牛筋)如果想試多啲餸嘅，可以選擇牛三寶。牛三寶嘅牛腩肉質比崩沙腩實身少少，但係都唔會話好韌！牛味濃郁。而牛肚爽口牛筋煮得好入味！炸魚皮🐟份量幾多，炸到金黃色，脆卜卜好香口。腐乳醬通菜🥬通菜好嫩，我自己鍾意撈少少菜喺河粉度食🤣枱面都有唔同嘅調味料俾客人享用。重點推介呢度既辣椒油好香😋🌶️

平時去開食貴野，今次我地去食d平民野，黎到太子食牛腩麵，呢度可以見到廚房，食物衛生相信會比較好🧐金牌牛腩河（$39）拼牛肚（+$20）首先我地叫左碗牛腩牛肚河，普通牛腩肉質會比較結實，肉味濃d，牛肚夠曬爽口，呢碗牛河幾掂👍🏻崩沙牛腩粗麵（$54）加底（+$8）我驚牛腩麵麵底太細所以加底，見到碗河幾大碗，先發覺可以唔洗加都夠食，崩沙腩同普通牛腩既分別我覺得肉質比較嫩，崩沙腩即係牛既橫隔膜，表面層筋連住d肉食，肥瘦岩岩好，口感好正，崩沙腩麵會附有埋蘿蔔，蘿蔔唔苦冇乜渣，非常好👏🏻腐乳通菜（$17）呢度油菜$17一碟，諗住食左咁多肉嗌碟菜中和下，我就揀左腐乳通菜，仲有其他菜可以選擇🥬呢度既牛腩真係好食，有機會下次試埋魚蛋類，畢竟佢係魚蛋牛腩專門店，梗係要試埋魚蛋🤪

之前已經想試下。今日路過未食午餐就試下叫左牛腩河同埋腐乳通菜。落單幾分鐘後已先送上菜。淥得稍軟身不過都方便進食。再過幾分鐘，河粉已經上枱。出菜時間好快好好！ 牛腩份量都算多河粉夠滑身味道不錯。只係嫌多小小油不過唔飲湯都可以既，會再回頭幫襯。

田記魚蛋牛腩專門店想食牛腩就想起田記,田記位於旺角塘尾道201號華安樓地下,餐廳裝修簡約為主,環境光猛,乾淨衛生,每幅牆身都掛滿食物餐牌,餐廳主打百份百魚肉手打魚蛋和崩沙腩的港式粉麵餐廳,餐廳製作食物無添加防腐劑,而且日日新鮮製造,服務員招乎有禮。鳳城水餃米線鳳城水餃好巨大,餡內材料豐富,食落爽口兼彈牙,米線軟硬適中。牛三寶河粉(牛腩,牛筋,牛肚)牛三寶河粉份量都不少,牛腩夠淋又入味,牛筋超淋食落好有骨膠原,牛肚夠入味又滑又淋,呢碗牛三寶河粉令我十分滿足。淨鮮蝦雲吞雲吞大大粒,配有生菜,餡內新鮮的蝦和肉碎比例適中,食落彈牙又香口。油菜(腐乳通菜)通菜新鮮又鮮嫩,腐乳醬夠香滑,與通菜係最佳配搭。飲品豆漿,凍豆漿不太甜,入口順滑好有豆漿味。

今天工作來到太子塘尾道，工作完畢，和同事來到「田記魚蛋牛腩專門店」食碗河粉醫肚，店舖光猛整潔，客人絡繹不絕，聽店名就知牛腩和魚蛋是招牌菜啦！《崩沙牛腩河粉》$54有咁多塊崩沙腩，價錢只是$54，很抵食。崩沙腩帶些少肥，牛味濃，肉質嫩，好正。《牛三寶》 牛腩、牛肚、牛筋$54很豐富的牛三寶，份量足夠，牛肚牛筋軟腍，牛腩雖然不及崩沙腩，但都一樣好吃。河粉嫩滑，加了腩汁更添美味。《蠔油生菜》$17生菜新鮮，加了蠔油更鮮甜《鳳城水餃》$35水餃飽滿大大隻，皮薄餡靚，一碗有5隻，份量足夠。

🌟田記魚蛋牛腩專門店 (塘尾道) (太子)📍太子塘尾道201號華安樓地舖崩沙牛腩河粉（$54）首先要讚一讚嘅係個湯底好有牛味。沙崩牛腩冇筋好軟熟😍唔同坊間，通常有一浸好大嘅脂肪黐住啲牛肉🥺依家係完全冇的👍🏻🤍同埋牛肉嘅份量都好夠，有六嚿大大塊，同埋兩個蘿蔔。五香牛筋河粉（$39）牛筋煮得好軟熟，睇得出係燉咗好耐👏🏻同埋都係有好多舊！起碼有五嚿以上🤣一個女仔係完全食唔晒！🥹炸魚皮（$24）每塊魚皮都超級大塊，都有四至五塊👍🏻魚皮係炸到金黃色，最好就係浸一浸啲湯食。菜心（$17）菜心就係普通烚嘅，都煮得幾淋吓。鍾意食菜嘅朋友仔可以嗌下👍🏻以普通樓下面檔嘅質素嚟講，佢都算係乾淨，枱面同地下都唔會有油先。每碗嘅份量都比得好多，男仔食都夠飽👍🏻

魚旦粉牛腩粉由細食到大，因為又平又飽肚，有粉又有飯選擇。而我個人係好喜歡食粉麵類，就更加覺得係我嘅恩物。出開太子做野，見到招牌大大個字，就入去食啦。地方闊落，乾淨俐落。菜單好清晰，呢間最出色睇黎係「崩沙牛腩」Ok👌🏻「崩沙牛腩撈麵」有不少生菜係入面，麵底夠爽口，主角「崩沙牛腩」好靚仔筋膜連接唔係散晒，腩紋清晰可見，入味得黎唔會過火。「牛三寶河粉」同樣出色，牛筋厚身得黎好林，牛肚都係一咬就斷，粉河滑溜。呢個牛腩肥瘦適中，入口甘香。好滿足呀！👍🏻

🍽田記魚蛋牛腩尊門店魚蛋牛腩粗麵湯底順喉飲多幾啖唔會覺得好油膩～粗麵爽口～魚蛋有微微魚香咬落彈牙口感👍牛腩各有肥瘦～瘦腩亦唔會覺得痴牙～肥腩唔會似舊舊肥油口感食落淋得黎有咬口肉味亦都好香盛惠$7x💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講心思思想黎試～結果係好味🤤湯底·麵質·餸菜都一一滿足小編👍係附近又想食粉都推介你地黎trytry佢😝

已不知是第幾次幫襯，真心說，魚蛋超滑，兼有魚味，見到海報寫住百分百魚肉製作，真係味道一流，但魚餃就沒有特別，而坑腩都是愈食愈吸引，而且性價比高，當其他店的清湯腩都是60幾元時，這裡的崩沙腩麵只是$54，極抵。崩沙腩麵的配料蘿蔔夠甜，而芥蘭也沒有煮得過熟，完全符合了嘴刁朋友的胃口，朋友食完，都要立即買了一斤魚蛋及一條魚片回家孝敬父母，絕對推薦。店舖近雷生春，附近出名的食肆極多，但始終還是田記最抵食，真正地道香港美食。

同朋友經開太子，順便醫下肚又唔想食得太heavy，所以我哋就揀咗田記食午餐，叫得魚蛋牛腩專門店，咁梗係試下啲招牌菜啦🍜🥢崩沙牛腩米粉🐂 $54個崩沙腩🐮真係大推，牛腩平時成日都有但唔係間間都有崩沙腩，咬落煙韌爽口，牛味濃郁🥢淨招牌魚蛋🐟 $35魚蛋同魚片咬落爽口彈牙，不得不試👍🥢淨鳳城水餃🥟 $35水餃大大隻，好足料，咬開見到成大隻🦐，好滿足🥤凍檸檳 $10(惠顧粉麵加配特飲)🥤凍檸茶 $8 (惠顧粉麵加配凍/熱飲)

🐮田記魚蛋牛腩專門店 (塘尾道)🐮@mr.tin_hk🐮#hkbeeflover_崩沙腩🐮#hkbeeflover_太子• • •🐮🐮評價🐮🐮🐮崩沙牛腩河粉 $62崩沙牛腩及名蝴蝶腩是牛的横膈膜筋膜連少少肉肥瘦剛剛好！脂肪分佈平均肉質滋潤多汁份量不少！🐮手打墨魚丸田記自家製嘅魚丸爽口彈牙足足有7-8粒食完個崩腩河再食埋呢碗墨魚丸太滿足了！• • •🐮女友總評分🤎🤎🤎🤎🤎🐮男友總評分🤎🤎🤎🤎🤎🐮田記魚蛋牛腩專門店 (塘尾道)太子塘尾道201號華安樓地鋪

今日與同事加班，到樓下買外賣。我們選擇了位於太子的田記魚蛋牛腩專門店，點了牛腩河、鮮蝦雲吞麵和魚蛋河。整個用餐體驗讓我們都感到十分滿足，而且整間房都彌漫著香氣四溢的牛腩味。首先，讓我們來談談牛腩河。這道菜絕對是一個令人垂涎欲滴的選擇。牛腩肉質鮮嫩，湯汁濃郁，配上彈牙的河粉，每一口都帶來了濃郁的牛肉風味和豐富的口感。加上一些新鮮蔬菜和香料，這道牛腩河真是美味至極。接下來是鮮蝦雲吞麵。這碗麵條的湯底鮮美，雲吞餡料豐富。每一口都能咬到鮮嫩多汁的蝦肉和滑嫩的雲吞皮，口感非常好。麵條本身也煮得恰到好處，彈牙有嚼勁。這道鮮蝦雲吞麵絕對是一碗令人回味無窮的美味。最後是魚蛋河。田記的魚蛋用真魚肉自家製成，每一粒都鮮甜彈牙。湯底濃郁，與魚蛋搭配得恰到好處，每一口都充滿了魚蛋的鮮甜和湯汁的滋味。這道魚蛋河無論是味道還是口感都非常出色，是一道不容錯過的平民美食。總的來說，我們在田記魚蛋牛腩專門店度過了一個令人滿足的用餐體驗。牛腩河、鮮蝦雲吞麵和魚蛋河都是美味至極，讓我們的味蕾得到了很好的享受。而且整間房都彌漫著香氣四溢的牛腩味呢！