影片
港鐵銅鑼灣站 C 出口, 步行約1分鐘
繼續閱讀
電話號碼
36190669
開飯介紹
台灣過江龍首間海外分店，其魚料理主打酸菜魚口味，另亦供應6款特色湯底，如日式的極道明太子奶香魚、鮮味十足的海派蝦湯魚，配上多款台味私房菜、炸物和飲品更加滋味。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
有關餐廳
有關獎賞計劃
年頭去台灣時已經食過築間打邊爐，係當地好受歡迎 。意外地竟然插旗黎香港開酸菜魚先，而唔係火鍋 。可能知道香港人太鐘意食酸菜魚 😂 。今次我係睇中嘉義砂鍋魚所以黎試，香港好少地方有，但睇台灣節目就形容到砂鍋魚好好食 。好彩餐廳嘅魚係分咗大、中、細份量，想試兩隻味就叫兩個細都OK 。🍲 嘉義砂鍋魚原來係以沙茶醬為底，整體味道好重口味，係香濃沙茶香但唔辣嘅 。有別於酸菜魚用魚片，呢一度係用炸過嘅魚塊 。開頭趁熱食嘅時候魚皮仲係帶脆，魚肉厚實嫩滑，不過就會有啲骨，唔係啖啖肉 。配料方面有紅蘿蔔、娃娃菜、炸過嘅鵪鶉蛋、金菇等。始終呢款比較重口味同油，建議幾個人share一個細嘅砂鍋魚都OK，跟住叫吓其他口味嘅魚食 。🍲酸菜魚手機點餐冇得揀辣度，default嘅酸菜魚係台妹style—好溫柔 。佢同平時大陸style酸菜魚唔同，整體口味平衡啲同埋食落舒服，唔會太酸或者太辣，係襟食嘅酸菜魚 。配料方面有寬粉、金菇、腐竹、木耳等 。💡淨係比較魚嘅話，成餐飯食完總結出比較鍾意酸菜魚，無咁膩可以食多啲 。食台灣嘢點可以冇炸物，叫咗個炸甜不辣同埋鹽酥雞 。甜不辣份量相當多，炸到外皮脆，中間係煙靭，好食 。鹽酥雞就係店員力推，結果都冇失望嘅，中間雞肉仲係好嫩滑，仲有炸九層塔，都算係有完整還原台灣味道。特別值得一提嘅係炸物嘅底部有啲生洋蔥，可以解膩，都幾貼心。🍥柚香蘿蔔上菜時店員話我哋好識揀，因為蘿蔔係自己醃嘅 。淡淡柚子香配埋酸爽嘅蘿蔔，好啱食炸嘢同砂鍋魚嘅時候解膩 。🧋檸檬紅茶雖然冇得調整甜度，只可以少冰 ，兩位飲開走甜嘅都覺得尚可接受 ，茶味都算香濃，但希望遲啲有得走甜 。🍨紅豆仙草仙草質地比較挺身，有仙草嘅甘味，適合食完炸野要下火嘅感覺 。整體全部嘢都唔錯，咁多野食埋單都係400幾 。難得佢有細份魚嘅選擇，下次行過一個人食都得 。
繼續閱讀
位於銅鑼灣的川菜餐廳。據聞是台灣銷售第一的火鍋品牌，而築間酸菜魚更旗下餐廳，首間的海外分店便選址於香港，對於選址在香港雖感莫名，但仍心存感激，要知道現今的香港有多繽紛呢。 「湯比魚更鮮，一碗記三天」⋆_____ᴛᴏᴛᴀʟ ᴏʀᴅᴇʀ______⋆ ⭒總長酸菜魚 $148⭒海派蝦湯魚 $178⭒鐵漢小酥肉 $35⭒復刻炸排骨 $45⭒紅豆仙草 $28⭒芒果奶凍 $28⭒冬瓜檸檬茶 $18⭒暴走波奶茶 $22 ___⋆ ⋆ ___ ✿ 總長酸菜魚酸脆勁爽的酸菜再搭配招牌湯底，加入鮮嫩幼滑的烏鱧魚片，口感麻酸香辣，很是過癮。另外湯內更有很多配料，萵筍、寬粉、薯仔及金菇等，飽腹感十足。.✿ 海派蝦湯魚不吃辣的朋友可以選這個口味。魚肉份量雖然較少，但有加入青口、蜆及海蝦等海鮮配料，搭配清甜可口的蝦湯湯底，鮮嫩不腥，很是鮮甜。.✿ 小食鐵漢小酥肉及炸排骨的份量雖不算多，但炸漿厚薄適中，香脆可口，涮嘴不錯。.✿ 甜品兩款甜品還原台灣路邊攤地道的味道，不會太甜，算是不錯的飯後甜品。.✿ 飲品飲品偏甜，如果可以調較甜度會更好~
繼續閱讀
聽個名築閒酸菜魚，你一定唔會知道係全港首間台式酸菜魚，名副其實嘅過江龍，吸引咗好多捧場客。餐廳光猛整潔，座位排列整齊，近窗外望街景，仲正呀！餐廳有個小bar位，可以自行調製陳皮洛神花茶，冷熱隨意，非常開胃，讚！必點係總長酸菜魚，烏鱧魚片鮮甜，配料有黑木耳、金菇、腐竹、寬粉及自家醃製酸菜，酸味一流，好突出；辣味又夠，凸顯咗湯的鮮味，令人一試難忘，真正做到店長推介！純愛蕃茄魚係用大量切件蕃茄，配合鮮嫩魚片及其他材料，令整個湯充滿濃郁蕃茄香味，完全係另一種口味。台式小食有鐵漢小酥肉，五花肉炸得好香口，唔油膩，食得出有少許麻辣味，份量頗多，唔錯。椒鹽雞軟骨有別於一般細細粒嘅雞軟骨，可能部位唔同，佢嘅雞軟骨係長及大條嘅，但都做到酥香脆口，椒鹽極之惹味。地道台灣甜點有紅豆仙草 ，一次過食到香甜紅豆及甘味仙草，兩種口感好過癮。另外，芒果奶凍都要試，因為香甜幼滑，奶味十足嘅奶凍係自家製，芒果醬好好味，夠凍又好食，一流！而且餐廳又特別安排酸菜魚分為一至四人份量，令到一個人都可以隨時享用，值得讚許！加上服務員殷勤有禮，細心招待，感覺好滿意。
繼續閱讀
酸菜魚份量極少，寬粉得幾條係底，與價錢不相符，100幾蚊連飯都無包，仲要加一，味道一般，食過其他餐廳好食過佢好多又平好多，而且餐廳多人吹單，管理混亂，漏單，上菜慢。總結，味道一般，價錢與味道不相符，鍾意食酸菜魚可以唔洗試，坊間大把選擇。
繼續閱讀
平時食開四川酸菜魚，見到依間係台灣好出名嘅火鍋品牌嚟咗香港開分店，以酸菜魚做招牌菜，一定要嚟試吓啦👍🏻📌裝修風格以型格行先，顏色以粉紅同紫色為主，每個位都可以打卡🔎主菜方面有6款魚配合唔同湯底，仲有3個size(大、中、小)揀，就算一個人嚟都唔洗怕食唔哂🥢拌菜同埋炸嘅小食都有幾款可以揀🔺總長酸菜魚(小) $148湯底係用餐廳嘅秘方熬成，飲落好新鮮，唔會有味精🤓魚片好嫩滑，咬落爽脆🤤配料份量好多，有酸菜、酸蘿蔔、金菇、黑木耳、腐竹、幼薯粉，食一塊魚就飲一啖湯，好開胃💯➡️ Lamlam脷指數😋😋😋😋😋 (5/5)🔺嘉義砂鍋魚(小) $128湯底以沙茶醬為主，比起酸菜魚湯底更濃味😋炸過嘅鱸魚口感結實彈牙啲👍🏻配菜有金菇、娃娃菜、芋頭、鵪鶉蛋、幼薯粉，淨係食配菜都食到飽🤓➡️ Lamlam脷指數😋😋😋😋 (4/5)🔺復刻炸排骨 $45依款小食係每日限量，仲要即叫即炸！炸得剛剛好，粉漿唔會太厚😊咬落好脆，每件排骨都連住少少肥肉➡️ Lamlam脷指數😋😋😋😋 (4/5)🔺浪子鹹酥雞$35即叫即炸，上枱個陣仲熱辣辣，食落唔會有油膱味，只有好香嘅椒鹽味💯➡️ Lamlam脷指數😋😋😋😋😋 (5/5)🔻冬瓜檸檬茶$18雖然無得揀甜度，但係飲落甜度剛剛好！天氣咁熱飲翻杯解吓膩啱哂👍🏻➡️ Lamlam脷指數😋😋😋😋 (4/5)🔻白桃沙瓦$30白桃味好出，酸酸甜甜幾好飲🥰➡️ Lamlam脷指數😋😋😋😋 (4/5)➡️ 整體Lamlam脷指數😋😋😋😋 (4/5)整體評價: 酸菜魚真係好食，湯底好鮮甜，份量好多，鹹酥雞都好推介🥰聽到老闆話6月會係旺角開分店，到時又可以去試埋「幸福火鍋」、「築間燒肉」同埋「鹹酥雞專門店」啦!➡️ Encore指數 ⭐️⭐️⭐️⭐️ (4/5)
繼續閱讀