馬祖 (海之戀商場)

營業中

休息中

同朋友一齊食，同行6人，需要分枱星期日晚上去食，7：50pm等到8：30pm先有得入，呢到係台式一人一鍋邊爐黎。我地試左幾個湯底，真係好出色，真係個個湯都好濃郁，好足料！！！平時出面打邊爐個湯底都好稀＋淡，野食一定要點醬先有味，呢間嘅湯底就唔需要啦，食物係一定索到湯嘅味。芫茜湯：莞茜打到爛晒去煲，好香莞茜味藥膳雞湯：好濃嘅雞湯，仲有大量蟲草花同其他材料，係好舒服、溫和嘅藥膳味麻辣蕃茄湯：小辣都好辣，個湯底係濃到杰杰地，略嫌太重味，加轉水溝稀就好好多蕃茄湯：我至愛嘅味道，小小甜加埋蕃茄酸，我仲額外自己加左蕃茄入去，睇圖就個知幾咁正壽喜燒湯：正常發揮，如要生雞蛋要額外加錢呢到有兩個凍櫃，可以自己夾丸類同菜類，選擇都多，不過我地去到個陣已經無乜，因為就黎完晚市，佢直頭無再fill過d野食，有啲失望。我地只係叫左最平個隻牛，都已經夠食，食得好開心、好滿意，雖然食最平個隻，但啲牛同豬都都唔差，薄片細塊，好吸湯。仲有飲品同雪糕種類都好多，有隻水果系列嘅烏龍茶，淡淡果甜味，好好飲。雪糕有movenpick 同支裝雪條，連旺寶都有，好少見，童年回憶黎。仲有隻唔記得咩牌子嘅杯裝雪糕，出面好少見，但都好好

由於天氣突然下降，所以就去左呢間打邊爐，揀左$208嘅餐，兩個人食計埋每人大約$230，價錢都合理。藥膳椰子雞湯，好重椰子味，如果鐘意椰子味嘅朋友，可以試下呢個。台灣藥膳麻油雞湯，呢個湯底無椰子雞湯咁重口味，但打邊爐時，d牛都有少少麻油味，都係一個唔錯嘅選擇。第一轉牛第二轉牛第一轉牛同第二轉牛都有好明顯嘅分別，但第一轉嘅牛值得一讚，係好食嘅，但第二轉牛就一般，唯一失望嘅地方。西班牙豬肉片，呢個好好味，佢比牛更好食。自助吧嘅食物入面，喺平時較為少見嘅有咸蛋王魚蛋，呢個都值得一試，而其他嘅食材，都算高質。佢嘅雪糕雪條款式都算多，有得任食movenpick呀最後值得一讚係有設置溫暖嘅飲品，打邊爐時，有暖暖地嘅維他奶同麥精，別有一番風味。

原本想試此餐廳藥膳午餐，當時接待戴眼鏡企門口男侍應說有位可入座。及後被後來才到達客人打尖還被搶先入座原本安排給我們的卡位，當我詢問時只說會安排另一張卡位！等了超過10分鐘都沒有安排座位，再詢問時戴眼鏡男侍應態度亦非常惡劣，不想理會客人，我們一行4人連小朋友沒有再等就離開。以後不會再光顧此完全不注重員工培訓的所謂過江龍餐廳

馬祖藥膳養生湯農場🐔米線麻辣台灣鴨血拼凍豆腐米線香辣藥膳牛肉湯米線價錢💲: $56/ $56/ $72好味程度😋: 3.5/5服務🍴: 3.5/5環境🗾: 3.7/5性價比🥢: 4/5回頭率😚: 3.5/5-馬祖午市可以揀打邊爐或者食粉麵，好中意食藥膳雞湯米線的我梗係要去試下，原本係 @fengminghouse fans，食完呢間，鳳鳴居的位置繼續第一，因為呢間麻麻地🥴 不過聽人講銅鑼灣分店好食d!! -🆗藥膳養生湯農場🐔米線。好清淡😳 湯底飲落帶小小甜，由紅棗龍眼肉個到散發出來。 藥膳味唔係好出， 見到顏色都好清澈🤭 米線爽滑，雲耳都幾多，雞件好鞋🥺 係白切雞斬件放入去，肉完全唔嫩滑😐 呢個只會係我想食清淡時候的選擇，平時就麻麻地了。-❌麻辣台灣鴨血拼凍豆腐米線。呢個絕對唔建議叫，佢唔係即食鴨血包裝個啲咁既味，而係藥膳湯加辣🤯飲落好似甜豉油牛肉湯咁，同鴨血唔太夾😥 仲有佢啲鴨血係香港一盒盒個d，我見到佢啲印字同紋🤡 豆腐好食，索晒湯。但咁樣的麻辣鴨血我接受唔到🤭-✅香辣藥膳牛肉湯米線。呢個都係同一款湯頭，同麻辣鴨血個個由d似，比較濃味😋 叫左中辣差唔多，佢係真係辣唔係麻，食完個口會

馬祖成日經過見到都冇諗過入去試 名都冇為意 一直都以為佢係做一人一鍋打邊爐 直至最近隔離同事同我講話佢LUNCH去左嗰度食米線 好好食 先知原來佢唔只係做火鍋 呢度嘅米線唔係雲南麻酸辣嗰啲 而係主打養生藥膳湯 試左佢嘅藥膳養生湯農場雞同藥膳麻油雞配米粉 可以選擇配米線 飯 或者免費轉做新竹米粉一黎度見到米粉大大碗 面頭浮左滿滿嘅紅棗南棗同杞子 仲有啲黑木耳 加埋油雞 感覺真係好滋補咁 個湯好清甜唔油膩 藥膳麻油雞就當然係多一陣麻油香 味道重少少但都唔太油 幾好飲 可惜兩碗都係雞胸 雖然唔鞋 但亦唔係滑 雞味唔重 不過不失另外仲叫左個小食 28蚊6粒墨魚春卷 都唔錯 有咬口 食到入面有墨魚粒

舊同事轉工前, 相約食個LUNCH! 佢話之前試過去馬祖食SET LUNCH, 佢唔講, 我都唔知原來馬祖LUNCH TIME 可以唔打邊爐, 有得食SET LUNCH 喎! 由公司行到去海之戀都已經13:15, 但係食店唔多人, 可以即入! MENU 大部份都係藥膳養生湯底再襯唔同送, 有D 可以轉湯, 有D 可以轉飯, 都幾多配搭。隨餐加$6 可以加配飲品。我呢日就叫咗藥膳麻油雞配新竹米粉。麻油味好重, 食到成口都係油, 雞份量算多, 不過略嫌D 雞鞋口同埋冇乜味。米粉係新竹米粉, 爽口! LUNCH MENU 由$56-$72 左右, 唔算好貴, 而且餐廳坐位舒適, 係一個不錯嘅選擇! 

𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃聽朋友介紹呢間藥膳湯好正，可以食米線套餐或者打邊爐做湯底，下午茶時間黎，唔算多人。🌟蟲草花藥膳農場雞米線 （$58）佢落左好多蟲草花，唔算出味但好有咬口。米線比較淋身。飲啖湯先，一飲就覺得超補身😚😚😚，藥膳味都濃，但冇咩當歸味啦，而且整體偏甜，肉眼睇見到落左好多紅棗👍🏻🥰講番𝘥雞，佢都有5-6 舊，都有肉地同埋好滑。🌟香辣養生湯墨魚卷拼白菜豬肉餃米線 （$56）呢個香辣米線都係用藥膳做湯底，辣度可以揀大中小辣，但係佢既香辣原來就係加辣油。佢既辣味有少少🤏蓋過左藥膳既香味，同埋搞到喉嚨有少少唔舒服。配料方面，墨魚卷同水餃都好普通😅😂所以建議叫普通藥膳湯同雞會好味𝘥🤣下午茶時間有配野飲，都幾大杯，味道就正正常常，食左香辣真係要飲多啖😀📍 馬祖台灣養生湯麵館𝙏𝙖𝙞𝙬𝙖𝙣𝙚𝙨𝙚 𝙈𝙖𝙯𝙪 𝙇𝙞𝙛𝙚𝙨𝙩𝙮𝙡𝙚 𝙉𝙤𝙤𝙙𝙡𝙚𝙨荃灣大河道100號海之戀商場地下G03號

扒完龍舟與朋友試吃，第一次吃，本來沒什麼期望，打算填飽肚子就算。與朋友各自叫了一碗藥饍米粉，用大碗盛，份量十足。環境方面：裝修簡單，坐在近窗的位置光猛，而且可以望到海景，可惜坐位有限，今次只能坐在窗口的斜對角的位置。藥饍湯底味道沒有台灣本地吃的那麼濃，米粉口感頗佳，一邊喝湯一邊吃米粉，吃完不覺得口渴。飲品方面有台灣特色的薑母茶，不過我還是叫了地道的港式奶茶，奶茶味道不錯。午餐的價錢合理，喜歡味道偏清淡的朋友可以一試。

每次經過荃灣西站一出就見到呢間😍地點方便之餘 menu又吸引 環境光猛 坐位闊落坐得舒服 而且午市套餐價錢唔貴😆下午茶時間店鋪無乜人 仲可以慢慢坐😂😂🍴香辣養生湯墨魚卷拼白菜豬肉餃米線 $57墨魚卷尚算彈牙👌🏻餃子皮偏厚 食落似係係超市買個種平價唔好食既餃子口感 <我唔識點形容😮‍💨>湯底係夠香濃又辣 但唔覺得有咩特別🍴藥膳養生湯養場雞米線 $56呢個湯底好鮮甜!!! 唔食得辣既人可以試試😍 就連我食米線必定要辣既人都覺得呢個湯底比香辣養生湯更加出色 就算唔辣都一樣咁吸引☺️加上雞肉又滑 份量又夠 米線唔會淋 面頭多左小小油但唔太影響整體質素凍檸茶+$8 好大杯 飲完勁滿足😋😋💕

好味指數😋😋😋😋回頭指數⭐️⭐️⭐️開心指數🤗🤗🤗今次幫呢間店平反下先～ 話說上年7月，我買咗呢間店嘅外賣🍴藥膳麻油雞跟飯，係難食到一個點，個湯冇藥材味好失望，D雞好嚡，個飯勁硬🍴愛文芒果茉莉花茶只係飲到人造芒果味好失望... 跟住今次朋友tea time 想食呢間，我就再試多次～🍴香辣養生湯農場雞米線（$57）因為上次食飯中伏，今次試返最多人讚嘅湯米線，我叫咗中辣，嚟到時見到大大碗，除咗雞之外仲有雲耳同圓肉...試下個湯先，今次因為唔係藥膳麻油雞（我先抹走上次太伏嘅感覺，重新再試），啖湯係幾清甜，飲得出有圓肉嗰種甜味，係我expect 養生湯那種味道，中辣係帶少少辣味，但亦都冇蓋過清甜，今次湯底有小驚喜... 再試下雞，今次夠嫩滑入味，唔錯！米線好滑又爽口，整體上成碗米線係好好味！今次完全感受到其他食評寫嘅好味，原來堂食同叫啱嘢食係咁重要！🍴柑桔檸檬特飲（+$2）下午茶送熱飲，凍飲+$2，堂食飲品大杯過外賣好多，因為已經知道係糖水沖嘅飲品，冇咩expectation 下杯嘢飲係正常嘅～

馬祖午市就主要食湯麵，晚市就食火鍋放題。午市湯麵既選擇都好多，而且湯底款款都好正，有香辣養生湯、蕃茄湯、蟲草花藥膳湯等等，感覺好養生好健康😂而且味道都唔錯😋午市黎講一碗麵既價錢唔貴，而且都幾大碗下，性價比好高！ 1⃣️藥膳農場醉雞配白飯（$58）醉雞既湯底清清地，有花雕酒既味🐤雞肉唔會好鞋，而且份量都唔少，味道唔會太濃太鹹，我自己幾鍾意❤️  2⃣️藥膳古早牛肉湯配手工拉麵（$70）呢個藥膳味有少少甜甜地，味道好香濃藥膳味好濃🤤感覺好養生好好味🥰牛肉份量好～多。起碼有六七舊大大舊，牛肉肥瘦部位都幾均衡，不過偏乾少少🤏同埋仲有兩大舊蘿蔔，蘿蔔煮得夠淋，而且冇渣。手工拉麵好煙韌，而且份量超多，唔知點解好似食極都食唔曬咁。牛肉同麵都好多，而且湯底好好飲！最尾我飲曬成碗湯🙈  另外推薦大家如果食到辣既話試下加佢既辣椒油落碗麵到，成個湯底即刻味道唔同曬，好惹味！香辣既味道會有少少蓋過左藥膳湯底既味道，所以建議大家都係試左個藥膳湯底，食到咁上下先加辣椒油🌶️咁就可以試到兩種唔同既風味👍  3⃣️香辣養生湯台灣花枝丸拼福茂貢丸配米線（中辣）（$57）香辣養生湯比起啱啱果兩款冇咁吸引，味道冇咁濃，有一層辣油浮係面，辣

朋友介紹呢間馬祖台式餐廳！話好味！今日就嚟試試佢首先攞飛等位，等左20分鐘左右！佢安排左卡位比我哋，我哋就分別揀咗04藥膳蟲草花桃雞煲，同05藥膳花雕清雞湯！肉款我哋就中規中矩，二百幾蚊個款！個湯底超鮮甜的，會想就咁飲個湯肉款都好軟，唔會韌，好小會覺得豬肉仲好食過牛肉，咁個牛到好食既，肉可以隨意添加！食完肉之後，我就出去夾d配料食，配料既款式不多，可能我夾野個時都9點，差不多收工，有d野無左，但無補充番！食飽飽，食個雪糕，走人！

之前去台灣旅行就已經好中意佢D台式藥膳湯, 滋補養顏又足料又好味呢間台灣火鍋店除左有打邊爐外, 仲會有麵/飯既Set餐😆今次就試左一個麵加一個飯餐~🍜 香辣藥膳牛肉湯手工拉麵 (中辣) 💲7️⃣2️⃣好大碗😂手工拉麵 我好中意佢係粗身 因為真係彈牙好多💕牛肉同蘿蔔都勁入味 而且勁多 超足料海之戀分店仲可以望住個海景食真係勁開胃🌝又香又辣令到我竟然食哂成碗🥲仲差d想飲哂d湯🍚藥膳麻油雞 配白飯 💲5️⃣7️⃣雞肉好滑 藥材味好足 呢個麻油雞係勁補身 係台灣係比人生完仔食🤣此價錢 此海景 好滿足😍而且冇加一收費架~下次試埋佢個打邊爐先💓📌馬祖📍荃灣大河道100號海之戀商場地下G03號舖📍元朗朗日路9號形點一期2樓2041號舖✏️留意返呢3間係淨係食麵的📌馬祖台灣養生湯麵館📍中環和安里6-7號聯安樓地下及M樓📍天后留仙街3號雅景樓地下B號舖📍銅鑼灣登龍街18號V Point地下2號舖

今日farewell同事，同事鍾意打邊爐，疫情下揀個一人一鍋，又唔想太平，於是揀左馬祖。湯底有好多可以選擇，事關我唔食辣，所以揀左個養生雞湯底。肉方面，揀左牛+豬任食90分鐘，$20x一上個湯底，已經見到有好多材料，好大陣雞酒味，感覺真係好養生，好啱女士，唔使太驚熱氣唔健康。😋😋一坐低，侍應會俾一碟牛一碟豬俾你試下，鍾意可以任叫，牛質素唔錯，唔太肥，所以encore 多一碟，豬都唔錯，但感覺牛貴d，所以叫番牛😆出面選擇都足夠，唔係一般方間嘅配料，而係有特別的，時間關係，無影到相😂飲品都多選擇，不過我唔太好飲品，只係飲左一樽。雪糕方面係movenpick ，我自己本身唔太鍾意呢個品牌，因為太甜。仲有其他雪條可以選擇，都唔錯。總括，因為價錢偏貴，所以質素都唔錯，偶然食下都ok，同事亦大讚😋😋

今天又來馬祖吃自助午餐，點了 最基本的西班牙黑毛豬套餐，湯底點名 若是蟲草花桃膠鷄湯鍋。湯底非常香甜絕對值得一讚，不過火鍋配件現在少了招牌八寸長蟹柳實在非常失望。坦白要回本相當困難。現在除了黑毛之外，衹能吃雞肉，沙茶牛肉，響鈴卷，魚柳，羽衣甘藍，冬菇和金針菇等。慶幸甜品有雀巢大腳八和movenpick雪糕。但最多也衹能吃兩至三個而已。這裏服務質素還可以，不過性價比已經大大減低，這種自助火鍋應該不會再來了。