影片
更多
2024-03-25
52 瀏覽
因為工作嘅關係，經常會出入中環一帶。大約半年前留意到中環中心附近有一間以Wine做主題嘅餐廳一直都好想試。今日終於約同朋友收工happy hour 飲返幾杯。平時食西餐比較多嘅wine option 都係嚟自法國或者係new world 嘅澳洲或者新西蘭，見到Mato 嘅wine menu 有一個放題 section 係主打 something unusual, 就本住獵奇嘅心態去試試，當中有好幾款唔常見嘅產地都好有驚喜。Bronner, Thomas Niedermayr第一杯嘅wine係嚟自意大利北部嘅白酒，年份2021年都比較young, 特別之處在於發酵過程有浸過半年嘅葡萄皮，所以會好似似紅酒有少少tanning 嘅口感。酒體偏向light to medium body，味道以清新嘅 Citrus 為主。Crab Capellini pastaCreamy味極濃嘅意粉，蟹膏，阿拉斯加蟹肉同三文魚籽嘅咸香味balance 到白汁嘅味道，意粉用左較幼身嘅Angel Hair，食哂成份pasta 都不會覺得太膩。Tannat, Maldonado, Uruguay烏拉圭出產嘅紅酒喺香
因為工作嘅關係，經常會出入中環一帶。大約半年前留意到中環中心附近有一間以Wine做主題嘅餐廳一直都好想試。今日終於約同朋友收工happy hour 飲返幾杯。
平時食西餐比較多嘅wine option 都係嚟自法國或者係new world 嘅澳洲或者新西蘭，見到Mato 嘅wine menu 有一個放題 section 係主打 something unusual, 就本住獵奇嘅心態去試試，當中有好幾款唔常見嘅產地都好有驚喜。
Bronner, Thomas Niedermayr
第一杯嘅wine係嚟自意大利北部嘅白酒，年份2021年都比較young, 特別之處在於發酵過程有浸過半年嘅葡萄皮，所以會好似似紅酒有少少tanning 嘅口感。酒體偏向light to medium body，味道以清新嘅 Citrus 為主。
Crab Capellini pasta
Creamy味極濃嘅意粉，蟹膏，阿拉斯加蟹肉同三文魚籽嘅咸香味balance 到白汁嘅味道，意粉用左較幼身嘅Angel Hair，食哂成份pasta 都不會覺得太膩。
Tannat, Maldonado, Uruguay
烏拉圭出產嘅紅酒喺香港真係比較少見，酒體medium body左右，口感比較似飲緊黑水果味嘅 Pinot Noir。後勁偏強，幾適合配濃味嘅佐酒小食。
Lamb Merguez Sausages
名副其實嘅「羊腸」，由羊肉製作而成嘅肉腸好少食到。油脂感雖然重，但每啖啖羊肉嘅香騷味配紅酒絕對一流。
Roasted Spring Chicken
燒春雞焗嘅火候控制剛剛好，肉質嫰滑。磨菇汁嘅味道不太濃唔會搶咗春雞嘅肉味。
Hondarrabi Zuri, Tantaka, Spain
來自西班牙嘅巴斯克白酒，都係有浸過白葡萄皮嘅白酒，顏色呈深黃色。味道帶有清香嘅蘋果味，中後段仲帶有少少果仁嘅味道。
Schiava, Cembra, Italy
意大利出產嘅紅酒，酒體Light body, 淡淡嘅紅水果味嚟得簡單直接，非常易入口。
餐廳挑選嘅葡萄酒都係比較少見嘅產地。職員亦會好耐心講解每枝wine 嘅特色同配合嘅菜式，Mato 嘅Dinning experience 總結嚟講係令人滿意，亦非常期待下次拜訪再試不同嘅Wine。
張貼
