影片
更多
2021-07-06
311 瀏覽
生日月食好啲是常識吧，我同朋友心有靈犀，巧合地大家都揀咗位於銅鑼灣永光中心9樓嘅法日多國菜餐廳「GAIJIN」。我哋想食好耐，但始終偏貴，所以等過時過節食，好似心安理得啲😝。餐廳有提供套餐🍽，分兩種：Five Course Menu以及Dinner Menu。前者劃一價$728一位，後者則按主菜嘅價錢收費，由$298至$498不等。我哋兩款餐各要咗一份，咁就可以試多啲菜式。正式用餐前，先來一客餐包🥖，啱食嘅話仲可以添多一客。餐包有迷你牛角包同芝士軟包，🥐前者鬆化，後者就幾似英式鬆餅。伴旁嘅係忌廉芝士，軟滑味香。==========Five Course Menu($728)時令生蠔，店員介紹餐廳係採用近來大熱嘅日式令和怪物🦪。我冇食生蠔，但朋友話肉質肥美，而且搭配嘅青蘋果粒、檸檬爆珠同醃漬子薑蘿蔔粒，能夠進一步提升蠔嘅鮮味。紅蝦他他，他他嘅造型就如魚子醬一樣，放入個寶盒入面，感覺矜貴。🦐太平洋紅蝦肉非常鮮甜，兼且富有彈性，再配合埋醬油漬三文魚籽同蟹籽，爆漿效果在口中呈現。日式岩燒鮑魚，呢個鮑魚可以稱得上係數一數二好食🤤。鮑魚燒得剛好，肉質爽口。清酒牛油汁係精華所在，夠濃郁，惹味無比，而
生日月食好啲是常識吧，我同朋友心有靈犀，巧合地大家都揀咗位於銅鑼灣永光中心9樓嘅法日多國菜餐廳「GAIJIN」。我哋想食好耐，但始終偏貴，所以等過時過節食，好似心安理得啲😝。
餐廳有提供套餐🍽，分兩種：Five Course Menu以及Dinner Menu。前者劃一價$728一位，後者則按主菜嘅價錢收費，由$298至$498不等。我哋兩款餐各要咗一份，咁就可以試多啲菜式。
正式用餐前，先來一客餐包🥖，啱食嘅話仲可以添多一客。餐包有迷你牛角包同芝士軟包，🥐前者鬆化，後者就幾似英式鬆餅。伴旁嘅係忌廉芝士，軟滑味香。==========
Five Course Menu($728)
時令生蠔，店員介紹餐廳係採用近來大熱嘅日式令和怪物🦪。我冇食生蠔，但朋友話肉質肥美，而且搭配嘅青蘋果粒、檸檬爆珠同醃漬子薑蘿蔔粒，能夠進一步提升蠔嘅鮮味。
紅蝦他他
4 瀏覽
0 讚好
0 留言
日式岩燒鮑魚
2 瀏覽
0 讚好
0 留言
日本刺身級銀鱈魚
2 瀏覽
0 讚好
0 留言
日本刺身級銀鱈魚，🐟銀鱈魚不比鐵板燒即場煎嘅遜色，刺身級果然有返上下質素，魚肉嫩滑，而我亦好欣賞呢件魚夠厚肉。配菜方面仲有紐西蘭青口、意大利煙肉🥓同日本靈芝菇，青口幾大隻，而且亦有好多隻。醬汁採用青口忌廉汁，比一般白汁多一份海鮮鹹香味。
香橙朱古力炸彈，甜品造型好可愛，係一個炸彈💣。朱古力外層包住香橙朱古力慕絲，橙味幾自然🍊，而底部就加咗爆炸糖，幾有心思。伴旁有一球細細嘅乳酪雪糕，酸酸甜甜，我鍾意。==========
Dinner Menu
法式沙甸魚洋蔥撻
0 瀏覽
0 讚好
0 留言
法式蕃茄魚湯
1 瀏覽
0 讚好
0 留言
澳洲M5和牛肉眼，🥩牛扒有成十安士，好大塊，廚師上菜時已預先切開，可分成六件。牛扒表面上可見到清晰嘅燒烤紋理，食落亦好重炭燒香。我哋嗌七成熟，但出到嚟稍為熟咗啲，幸好牛味濃郁，肉質並無變韌，肉汁亦無流失，唔使沾醬都已經好夠味。牛扒底部墊咗唔少牛油炒雜菇🍄，再索埋啲肉汁，份外滋味。
香蕉朱古力忌廉撻
2 瀏覽
0 讚好
0 留言
總括嚟講，呢餐晚餐嘅食物質素非常出色😋，所採用嘅食材不俗，而廚師嘅烹調技巧亦都精湛。基本上無任何一樣菜式令人失望，呢度可媲美貴價Fine Dining。環境方面，🖤黑色系嘅裝修富有格調，俾人一種舒服放鬆嘅氣氛。題外話，大家記住喺網上訂枱，因為可享全單八五折優惠🌟！
張貼
