果子｜海南雞飯·喇沙摻摻 外賣專門店

營業中

休息中

幫同事搬野去富榮花園，因為冇時間出去食飯，就話買外賣食，在樓下見到一間果子外賣店｜海南雞飯·喇沙摻摻，呢間店鋪只做外賣，餐牌食物好啱我哋口味，而價錢重好抵，咁就幫襯佢啦！果子冇骨海南雞飯：雞肉鮮嫩，皮薄爽滑，雞肉味道濃郁且已經去骨，方便享用，配埋三色醬味道更提升。油飯甘香軟熟。跟餐重有個冬瓜湯送，香甜可口。海鮮喇沙摻摻：食粉麵外賣最怕就係拎到返屋企啲麵索晒啲湯，呢間做得好貼心，湯和麵係分隔開，超讚！海鮮有蝦、蜆、半隻蛋，湯底濃郁富椰香味，內有豆卜和魚蛋，摻摻為油麵加米粉, 讓每一啖都有兩種口感，掛湯後超惹味！白雲酸辣鳳爪：無骨鳳爪，混合酸、甜、辣的味道令人非常開胃。南乳雞翼：雞翼味道香濃！金黃的雞皮卜卜脆！雞肉嫩滑。