mato

營業中

休息中

其實之前有朋友介紹過，佢啲酒幾好飲，近排又見Dining City有Promotion，嘢食唔貴，仲可以加$200 free flow 20隻wine 1小時，所以去試試佢。平心而論，食物合格，酒都唔錯，但服務差到令人背脊骨落。首先係侍應，一個係正常friendly既女仔，一個係黑面既女仔。我哋唔好彩，第一次wave左個黑面神，佢話陣間，跟住做呢樣做果樣，等咗10分鐘先黑住面過黎，我哋話想搵人介紹free flow啲酒，佢話搵sommelier介紹，又要再等咗15分鐘，等到想走。等其實唔係最大問題，但侍應態度咁差，黑晒面，條氣唔順。後來Sommelier黎到，串串貢，愛理不理咁樣，叫佢介紹，就響度讀啲意大利文同講啲產地出黎。大佬，如果我識呢啲，就唔使叫你介紹啦！由於free flow每一杯酒，都要搵待應/sommelier order，所以keep住都要同黑面神或者串串貢溝通，搞到free flow都唔想叫酒。總括而言，成餐飯背脊骨落，除非換咗呢兩個staff,否則永遠唔會再去。