影片
更多
2023-10-18
59 瀏覽
.西環· 「蟹」逅新滋味.Pasta de Show📍西環堅尼地城山市街1C號地舖.➰秋意漸濃，又係一年一度食蟹嘅好時節，雖然同朋友都好鐘意食蟹，但都表示唔想拆殼同整污糟手，所以我今日就帶佢去試一試新野。今日到訪嘅餐廳位於西環站約5分鐘路程，餐廳以小店形式經營，坐位數量並不多，老板及主廚分別坐陣樓面與廚房。.麻雀雖小但五臟俱全，老板將餐廳裝修設計成西日式木系簡約風格，燈光柔和，好有日式家庭餐廳嘅感覺，而且老板亦不時會同客人交流飲食心得，氣氛一流。.➰✥是日餐湯 💲50 ⭐️4/5⭐️今日餐湯係椰菜花忌廉湯，賣相精緻，飲到粒粒椰菜花蓉，材料甚多。.𖥕大閘蟹粉·多士 💲140 ⭐️4.3/5⭐️餐牌原本嘅大閘蟹意大利雲吞改左做蟹粉多士，但仍然無阻我地想食蟹粉嘅決心，酥脆多士上面鋪滿住蟹肉蟹膏，非常誘人，仲加入左黑醋汁增添風味，非常高質，推薦必試。.𖥕輕煎帶子·萵筍片·魚汁 💲128 ⭐️4.1/5⭐️帶子煎得啱啱好，外層微微焦身，入面仲係鮮嫩爽彈，保持鮮味，搭配鮮魚汁入口將鮮味更為提昇。.❀芝士焗麻香雙槽粉配牛筋牛脷溫泉蛋 💲140 ⭐️4.2/5⭐️餐廳有自設製麵機，所有招牌菜式出品都係自家製，非常難
西環· 「蟹」逅新滋味
.
Pasta de Show
📍西環堅尼地城山市街1C號地舖
.
➰
秋意漸濃，又係一年一度食蟹嘅好時節，雖然同朋友都好鐘意食蟹，但都表示唔想拆殼同整污糟手，所以我今日就帶佢去試一試新野。今日到訪嘅餐廳位於西環站約5分鐘路程，餐廳以小店形式經營，坐位數量並不多，老板及主廚分別坐陣樓面與廚房。
.
麻雀雖小但五臟俱全，老板將餐廳裝修設計成西日式木系簡約風格，燈光柔和，好有日式家庭餐廳嘅感覺，而且老板亦不時會同客人交流飲食心得，氣氛一流。
.
➰
✥是日餐湯 💲50 ⭐️4/5⭐️
今日餐湯係椰菜花忌廉湯，賣相精緻，飲到粒粒椰菜花蓉，材料甚多。
是日餐湯
1 瀏覽
0 讚好
0 留言
.
𖥕大閘蟹粉·多士 💲140 ⭐️4.3/5⭐️
餐牌原本嘅大閘蟹意大利雲吞改左做蟹粉多士，但仍然無阻我地想食蟹粉嘅決心，酥脆多士上面鋪滿住蟹肉蟹膏，非常誘人，仲加入左黑醋汁增添風味，非常高質，推薦必試。
蟹粉多士
4 瀏覽
0 讚好
0 留言
.
𖥕輕煎帶子·萵筍片·魚汁 💲128 ⭐️4.1/5⭐️
帶子煎得啱啱好，外層微微焦身，入面仲係鮮嫩爽彈，保持鮮味，搭配鮮魚汁入口將鮮味更為提昇。
輕煎帶子·萵筍片·魚汁
2 瀏覽
0 讚好
0 留言
.
❀芝士焗麻香雙槽粉配牛筋牛脷溫泉蛋 💲140 ⭐️4.2/5⭐️
餐廳有自設製麵機，所有招牌菜式出品都係自家製，非常難得，依個中西FUSION菜式好特別，西式嘅做法配上川麻嘅調味，令到每啖入口都有麻香，效果好有驚喜，鐘意試新野嘅朋友一定鐘意。
芝士焗麻香雙槽粉配牛筋牛脷溫泉蛋
4 瀏覽
0 讚好
0 留言
.
❀大閘蟹粉手工飲管粉 💲240 ⭐️4.3/5⭐️
到左今晚最期待嘅招牌菜，依道大閘蟹粉手工飲管粉上枱非常吸睛，首先飲管粉據老板表示全港得佢地自家製作，中間空心而且較似鳥冬嘅粗幼，目的係為左更加掛汁同煙韌，而另主角當然係蟹粉，份量足夠每啖粉都伴上一配蟹粉，非常滿足，不過值得留意係依道菜係期間限定，售完即止，想試嘅朋友最好訂位果陣問定。
大閘蟹粉手工飲管粉
2 瀏覽
0 讚好
0 留言
.
✥PDS豆腐提拉米蘇 💲80 ⭐️4.2/5⭐️
✥開心果雪糕·牛角包雞蛋仔 💲68 ⭐️4.2/5⭐️
最後當然要試埋甜品，揀左老板推薦必試嘅招牌豆腐提拉米蘇同我自己本人好鐘意嘅開心果雪糕，前者充滿豆腐香味，後者開心果味亦非常濃郁，仲可以配埋雞蛋仔一齊食，兩款甜品都非常滋味。
PDS豆腐提拉米蘇
3 瀏覽
0 讚好
0 留言
.
.
➰總結
餐廳主打小店經營，但裝修同食物出品亦非常有堅持，而且老板同客人之間交流非常融洽有人情味，期間仲聽到有唔少由大西北專程到訪嘅客人，可見小店以食物質素征服左唔少客人，非常推薦大家嚟一試。
.
➿➿➿
#PastaDeShow
#西環美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#大閘蟹粉多士
#大閘蟹粉手工飲管粉
#PDS豆腐提拉米蘇 #開心果雪糕牛角包雞蛋仔
.
張貼
