去餐廳食好西...餐嘅話，都可能會畀侍應問要唔要紅白酒，另外亦有比較常見嘅粉紅色酒，嚟自葡萄牙嘅青酒（Vinho Verde）或者法國嘅黃酒（Jura），但今次由一班西班牙年輕人發明嘅，係顏色非常鮮艷嘅藍色葡萄酒！

藍色葡萄酒由西班牙一個創作團隊Gïk，同巴斯克大學及一間食品研究團隊合作研發出嚟。

叫得葡萄酒，釀酒原料當然包括嚟自西班牙各地唔同葡萄園嘅紅葡萄同白葡萄。

咁點解會有藍色出現？唔好以為係人造色素，相反呢種藍色其實係嚟自喺葡萄皮提煉嘅花青素，同植物裡面嘅天然靛藍色素，成分全天然！酒精濃度係11.5%

最後，平時成日話紅酒就配紅肉，白酒就配白肉同海鮮，咁藍色嘅葡萄酒唔知配咩嘢食最夾呢？可惜而家暫時只係部分歐洲地區有售，希望可以盡快引入亞洲啦。

資料來源：Gik Blue Wine Offical Website & Facebook