【 布甸(Pudding) 與法式燉蛋(Brûlée)的不同 】
布甸同法式燉蛋最明顯嘅差別就係焦糖擺放嘅位置，布甸係以模具將焦糖放喺底部成微膠狀，而法式燉蛋就係將焦糖覆蓋喺表面，食用前利用噴槍將砂糖燒焦融化形成固態糖片。而食材方面，布甸多以全蛋加上牛奶製作，法式燉蛋就係利用蛋黃加上忌廉而成，因法式燉蛋所用嘅忌廉較多，所以有人將法式燉蛋叫做燒焦嘅忌廉！
永康街的法式香甜燉蛋 煎餅磨坊
Photos by 李米的大餐小食 & Maruko088 燉蛋喺雪櫃入面嘅時候仲係呈蛋撻黃，order之後老闆先會開始上焦糖去焗，所以燉蛋上層異常香脆，而燉蛋本體就軟綿綿咁，以12蚊一個呢個價位嚟講CP值算高。
挪威口味的新鮮手工布甸 北歐先生
Photos by 哪哪麻北歐先生係一對挪威夫婦創立的品牌，據說布甸係由完全手工方式製成。布甸本身就裹上滿滿嘅焦糖，入口即嚐到焦香甜味，隨即就係布甸本身嘅奶香同蛋香，綿密滑嫩嘅口感絕對對得起「手工」二字。
只用鮮奶不加水的紮實手工布甸 甜菓冰舖
Photos by This is Janice 布甸質感綿密且味道濃郁，紮實嘅口感不愧為手工製造。淨係食上層布甸已經覺得好好食，加埋下層嘅焦糖，味道又昇華到另一個層次。
吃得到層次感的綿密型布丁 銀波布丁
Photos by Ivy。與她的喜。怒。哀。愁。 名就咁睇布甸嘅表面，就睇到佢嘅口感係屬於綿密型，而非一般用布甸粉打成嘅滑溜型。食落去果然綿密滑嫩，充滿蛋味，挖到最底時，焦糖汨汨湧出，蛋香、奶香、焦糖香融為一體，好好食～
隨時接收最新資訊
讚好OpenRice專頁！
Keyword
甜品
布甸
法式燉蛋
焦糖
忌廉
Copied to Clipboard