金色不如帰 (H Zentre)

Open Now

Now Closed

今日同男朋友嚟到尖沙咀食拉麵，諗諗吓不如試吓呢間金色不如帰，聽講都好似幾出名～呢間拉麵店位於H Zentre，裝修都好闊落～坐得相當舒服☺️我就叫咗米芝蓮推介嘅貝汁醬油拉麵 ($128)😉呢個拉麵除咗有佢哋最出名，由蜆、魚同豬骨熬成嘅三重湯底，仲加咗啲牛肝菌粉同油，仲有黑松露醬～所以成個湯底感覺都好清爽，但係又不失一啲記憶點😗麵方面係有少少鹼水味嘅幼麵，幾爽口彈牙嘅，但係就唔係我自己鍾意嘅麵質，不過配埋呢個湯底，我覺得其實都幾夾嘅～肉方面佢有三層肉同低溫叉燒，我覺得個三層肉嘅口感一流，肥瘦適中👍🏻男朋友就叫咗個白豚骨拉麵 ($115)，呢個豚骨湯都係走清爽路線嘅，冇一般拉麵店咁油膩同重口味，但係豚骨味都好香濃，恰到好處～不過呢個拉麵就只得三層肉，冇得試低溫叉燒～小食方面，我哋仲叫咗一口芝士脆豚 ($70)，雖然只得四件細細件，但係佢仲保留到肉汁，而且芝士味幾重，我覺得呢個小食幾好食😉整體嚟講，我覺得佢個拉麵係有心機，而且唔同一般嘅拉麵店，幾有自己特色～不過咁啱今日嘅店員服務質素就麻麻哋，如果可以再好啲就更好啦～

金色不如帰的東京本店已經由2019年開始連續4年摘星🗼。作為過江龍來到香港🇭🇰，味道質素如何呢？咁岩今日秋風起，好想食一碗熱辣辣的拉麵呀🔥！所以來到金色不如帰食拉麵🍜 Yummy Yummy 😋嚟到呢度梗係要食佢嘅王牌拉麵啦！除此之外，我哋仲叫咗兩個小食同飲品。現在為大家介紹一下：-🍜貝汁醬油拉麵呢度的王牌菜式。有特別嘅指示牌教我哋點樣享用呢一個拉麵：-1. 用心把拉麵捧在手心已感受其溫度2. 在感受由拉麵發出獨特而令人舒適嘅香氣3. 呷一小勺精心熬製的湯頭，並配以牛肝菌碎、牛肝菌油及黑松露醬以相繼品嚐湯頭與配料的合襯。4. 最後品嚐拉麵以同事感受其香氣、味道及多元化的配搭食材。我原本都諗住用佢教嘅方法去品嚐呢個拉麵。但事實上，拉麵一到，已經聞到黑松露的香味，我亦急不及待品嚐佢嘅湯頭。一飲落去，即刻感受到佢的與別不同。好鮮好甜吖。好似有一百隻蜆係口內跳舞咁💃🤣。一查之下，原來湯頭用上大蜆、豚骨同魚去熬製而成，鮮味十足。呢度嘅麵條帶有麥味，比較有咬口。配有兩塊叉燒，肥瘦適中，豬肉的甘香味都幾濃郁。🦪牡蠣拉麵呢個係季節限定新品。鍾意食蠔嘅我又點會放過呢？佢的湯頭同貝汁醬油拉麵完全不一樣。充

米芝蓮奪星已經好難 呢間竟然連續3年獲得米芝蓮一星殊榮🌟特登黎到尖沙咀朝聖😋門面好靚 但出入要使用商場內正門入～座位寬敞環境安靜 設有吧枱及卡位白桃焙茶茶底味幾出 亦唔會好甜 甜中帶啲酸味👍🏻紫蘇雙檸洛神花茶幾特別炸得好脆口！咬開係豬肉包住可拉絲嘅芝士🧀熱焫焫好好食外層雞皮唔會乾同難咬 咬落仲好有彈性 墨魚味好香 點埋蜜糖芥末醬味道更豐富😋貝汁拉麵湯底使用左蜆湯 豬骨濃湯 魚清湯三種湯底製作另外亦加左黑松露醬 牛肝菌油等根據枱頭嘅教學品嚐左下湯頭 真係配搭得好好！肉類亦有豬腩肉同低溫叉燒兩種👍🏻牡蠣拉麵湯底亦用左蠔湯 豬骨清湯及魚清湯三種 蠔味好出好鮮👍🏻醬漬牡蠣好好食 唔會腥👍🏻配料方面亦誠意滿滿加左好多料 例如紫洋蔥 京蔥 火箭菜等 令拉麵更有口感😋.小食同拉麵都咁掂 難怪米芝蓮推介啦🙈

日本東京人氣拉麵店「金色不如帰」屢獲米芝蓮一星殊榮，強勢攻港後一直人氣高企，今次我就來到尖沙咀H Zentre分店。餐廳極高樓底充滿空間感，金光閃閃的卡位盡顯流麗貴氣，打破一貫傳統日本拉麵店的窄小格局。裝潢注入型格時尚氣息，用上暗灰黑和深木色調，裝修材料和擺設均注入磚、竹、木等元素，富有東瀛風情。香港店的拉麵款式會依季節轉換，不過兩款米芝蓮星級推介拉麵則會長期供應，亦有其他小食選擇。金色不如帰連續四年榮獲東京米芝蓮一星推介，在新宿總店門外經常排著長長的人龍。餐廳引入日本ACM淨水設備將食水過濾，使顧客飲用水及廚房使用食水均為至高品質，確保湯底質素與日本一致。貝汁鹽味拉麵 $128「黃金湯頭」貝汁湯加入每日新鮮運送的大蜆熬製而成，再混合豚骨湯和清魚湯三重湯底，配以白松露油、牛肝菌醬、香草及煙肉碎，配搭嶄新之餘，又不會互搶鮮味。用上日本進口海鹽的湯色清澈帶有透明感，偏向淡麗系口味，絕無味精，加入秘製白松露油，讓湯底額外散發馥郁松露香氣，跟香港常見的豚骨湯大有不同。低溫慢煮豚肉片切得很薄身，肥瘦相間，肉質軟腍不死實。幼身麵條由100% 北海道產上乘特製小麥粉自家製成，質地純樸滑口，盡吸鮮香湯

前兩日到尖沙咀shopping，順道逛一逛日本超市，途經一間連續四年米芝蓮一星既 "金色不如帰"，係全港首間 湯頭拉麵店，咁當然要品嚐下依度既特色拉麵啦~餐廳裝修極具時尚，環境寬敞舒適，落地大玻璃放眼望出窗外視野廣闊，感覺開揚，平日或週末都適合嚟品嚐美食，度過悠閑時光。餐牌裏嘅拉麵有4款，分別係貝汁鹽味拉麵、貝汁醬油拉麵、白豚骨拉麵、煙熏黑椒豚骨拉麵、豚骨辛拉麵，另有 Set Meal、特式碗飯、小食同飲品。貝汁醬油拉麵    $128依款拉麵好特別，係由三重湯底組成 : 蜆湯、豬骨清湯、魚清湯，而且加入左牛肝菌粉、牛肝菌油、黑松露醬、青蔥及京蔥，特別芳香撲鼻，飲起嚟啖啖湯味道超鮮甜。 肉類方面，選用左兩款 : 三層肉及低溫叉燒，肉味香濃，軟軟嘅，但有少少咬口，肉質鮮嫩，加上用咗多種蕎麥粉研製既蕎麥麵，散發蕎麥香氣，爽口順滑，更可口美味。煙熏黑椒豚骨拉麵    $115遠處已聞到陣陣煙熏味，香噴噴，廚師精心烹製既豚骨湯底，煲到奶白色，加入醬油係口裏充滿濃厚既香味，鮮味十足，而三層肉就一咬即化，口感軟綿綿，可口嫩滑，拉麵吸入左湯汁既味道，特別香濃美味，無論夏天定冬天都適合食碗熱熱既日本

中閒道郵政局對面新地標H Zentre位於尖沙咀中間道，匯聚美食佳餚，仲有這間係日本一星米芝蓮嘅拉麵店就係‘’金色不如歸‘’，一入門口已經氣派不凡啦，行入d坐位闊落仲好光猛有落地大玻璃好開陽，成個下午坐係到好舒服呀！😁😁叫咗碗貝汁醬油拉麵，枱上有說明點樣食呢個貝汁醬油拉麵所以叫咗呢個拉麵試吓，唔試由自可一試你一定會愛上佢😍品嚐一碗麵嘅步驟係👉👉👉首先用雙手感受一下個碗嘅熱度，第二步驟就去聞下個湯Woo真係好香架喎🥰🥰跟住就係飲啖湯🤩清甜好味真係成碗湯飲哂都得呀，最重要嘅步驟係食麵啦😋😋嘩！拉麵湯底係用左香港少用嘅貝汁湯頭加上每日直送嘅大蜆秘製而成嘅蜆湯同用豚和魚湯制成嘅三重湯底，獨有香濃口味，所以湯頭好鮮好甜，混和牛肝菌油和松露醬後風味更濃，又不會過分遮蓋原來的鮮味添，個麵爽而彈，兩塊慢煮叉燒同埋三層肉真係入口溶化，冇得頂。喎今年係好順好好味好大馬仲有佢個團玉器好加埋我係叫左個從LO嘅擺埋落去撈埋佢d湯都有松露味超正👍👍👍白豚骨拉麵，超好味清甜豚骨湯味，比貝汁清但一樣好味鳥皮烏賊揚，用雞皮包住墨魚滑，炸去外皮脆卜卜，內裡墨魚滑好多好彈牙"正‘’一口芝士脆豚，真係一咬落去d芝士勁多好豐富

呢間餐廳曾係日本食評網Tabelog評為2010至2017年最佳拉麵，以自家熬製嘅金黃色貝汁湯底為主打🐚💗貝汁鹽味拉麵 ($128)選用新鮮大蜆熬湯底，再混合豚骨湯同魚清湯，不添加味精，入口鮮醇順喉，微鹹帶甜 ，配以白松露油、牛肝菌醬提鮮，最後加上青蔥、京蔥、香草同煙肉碎🍲；用上100% 北海道產上乘特製小麥粉製成拉麵，口感幼身順滑🍜；三層肉同慢煮叉燒肉質軟腍鬆化，肉味濃郁🍖💗貝汁醬油拉麵 ($128)同樣用上蜆湯、豬骨濃湯同魚清湯三重湯底，配以黑松露醬、牛肝菌粉、牛肝菌油提鮮，同樣加上青蔥、京蔥、香草同煙肉碎，味道相對較濃郁鹹鮮🍲；用上100% 北海道產上乘特製小麥粉製成拉麵，口感幼身順滑🍜；三層肉同慢煮叉燒肉質軟腍鬆化，肉味濃郁🍖💗涼拌黑松露紋甲墨魚 ($70)厚切紋甲墨魚爽彈鮮美🐙配上清新爽脆嘅青瓜絲同洋蔥絲，涼拌汁酸甜開胃，帶陣陣黑松露香🥗💗一口芝士脆豚 ($78)豚肉片中間釀入芝士，沾上吉列炸粉後炸至金黃酥脆🐖豚肉肥瘦相間，肉質爽滑細嫩，芝士餡香濃拉絲🧀蘸上豚肉醬、芥末醬或沙律醬提昇層次

尖東呢邊少人啲所以過嚟呢頭，見到呢間拉麵幾特別又好似幾正，星期日中午過到嚟都唔多人，所以就入咗去食佢環境設計格局幾高尚，有啲似居酒屋，燈光偏暗，但係落地玻璃自然光打入嚟光線都夠晒充足👍🏻👍🏻今次嗌咗4樣嘢，白豚骨拉麵、豚骨辛拉麵、燒豚肉叉燒小碗飯、一口芝士脆豚白豚骨拉麵個湯好rich，味道好濃，食到尾就有啲滯豚骨辛拉麵唔算好辣，個人覺得一般般，同埋得一塊肉燒豚肉叉燒小碗飯好有驚喜，細細碗女仔食啱啱好但係好多塊肉，而且個飯汁都好夾👍🏻💖$58好抵食 心急得滯唔記得影相🥺一口芝士脆豚係即刻炸，上菜嘅時候仲好熱啲流心芝士好流，雖然$70得四舊就有啲少，不過質素好高整體嚟講都尚算OK，不過員工嘅態度有啲一般，同埋以米芝連一星嚟講又唔算太出眾

又再一次嚟到 #金色不如帰 @konjikihototogisuhk 尖沙咀分店喇～今次帶埋鍾意食鮮甜湯底嘅媽咪嚟試吓佢哋嘅摘星湯底( ˘ ³˘)♥︎ღ 貝汁醬油拉麵 $𝟏𝟐𝟖𝐒𝐡𝐨𝐮𝐭 𝐇𝐚𝐦𝐚𝐠𝐮𝐫𝐢 𝐒𝐨𝐮𝐩 𝐑𝐚𝐦𝐞𝐧三次嚟都有食呢一碗！湯底用上大蜆再混合魚介、豚骨湯同日本秘製醬油，味道鮮甜，帶點鹹味~整體層次豐富特別(❍ᴥ❍ʋ)╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 煙熏黑椒豚骨拉麵 $𝟏𝟏𝟓𝐓𝐨𝐧𝐤𝐨𝐭𝐬𝐮 𝐒𝐦𝐨𝐤𝐞𝐝 𝐏𝐞𝐩𝐩𝐞𝐫 𝐑𝐚𝐦𝐞𝐧黑椒同豚骨兩者平衡得好好，黑椒少少辣，好惹味～特別欣賞湯底有豚肉碎，增添口感。比較起上嚟我反而更加喜歡呢個湯底!╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 燒豚肉叉燒小碗飯 $𝟓𝟖𝐏𝐨𝐫𝐤 𝐁𝐞𝐥𝐥𝐲 𝐚𝐧𝐝 𝐂𝐡𝐚 𝐒𝐡𝐮 𝐌𝐢𝐧𝐢 𝐃𝐨𝐧豚肉同叉燒嘅份量一啲都唔孤寒，大大片，好滿足！米飯粒粒分明，調味醬汁惹味👅整體性價比好高，推薦推薦(●’◡’●)ﾉ╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬ღ 烏皮烏賊揚 $𝟔𝟖𝐂𝐫𝐢𝐬𝐩𝐲 𝐅𝐫𝐢𝐞𝐝 𝐂𝐮𝐭𝐭𝐥𝐞𝐟