椈 (Closed)

餐廳：椈地點：中環蘭桂坊菜式：日式居酒屋餐牌：多款串燒，燒物，炸物，飲品，甜品等牛舌 $68牛舌一串三件，一大兩細，牛舌非常厚切，食落啖啖肉，簡單加上黑椒同鹽花調味，已經好夠味。燒鱈魚棒 $20燒鱈魚棒切得幼同薄身，燒得好脆，一咬即化，好好味，伴有沙律醬，面頭灑上七味粉，所以帶少少辣。伴有椰菜絲紅蘿蔔絲沙律可解膩。一夜干手羽 $58一夜干手羽熱辣辣上枱，燒得皮脆肉嫰，仲連雞翼尖。七味粉骨付腸 $28廚師體貼用左紙巾包住個底條骨，等你唔洗整污漕手又可以拎住食，腸仔口感唔錯，啖啖肉，入面有肉汁，但係又唔會太肥，面頭加上七味粉，所以食落少少辣。月見雞肉軟骨棒 $32雞肉軟骨棒燒得燶面，伴有紅卜卜既雞蛋黃加醬油。雞肉棒啖啖肉。入面食到好多粒粒雞軟骨，口感好過癮。個汁少少鹹。燒蕃薯仔 $20燒蕃薯仔一串4粒。燒得少少燶面，甜度適中，非常淋滑。黑松露巴馬臣薯條 $68黑松露巴馬臣薯條係大大碟粗身薯條面頭加上大量巴馬臣芝士粉同少量黑松露粉。薯條外脆內啖啖澱粉。芝士粉好香，熱熔到少少痴埋一舊，令d薯條更好食，而帶淡淡黑松露味。呢款薯條較乾身，食完非常飽肚。鹽燒油甘魚鮫 $158鹽燒油甘魚鮫大大件，燒得

近日有間新開嘅日式居酒屋 ，名字叫「椈」，主打串燒、小食，啤酒同甜品，就喺蘭桂芳，位置非常方便，晚餐定係消夜都適合。居酒屋座位不多，但裝修雅致舒服，服務員又好客，加上食物選擇又多又高質，這裏用餐絕對係享受，大推。小編今次首訪，話晒他們主打係串燒，一口氣叫咗十款，雞、牛、豬、魚、瓜都有，最後仲有甜品，滿足嘅一餐。◇ 鰻魚魚皮香口，肉質肥美，醬汁美味◇ 一夜干手羽全晚最正，咬開仲熱辣辣，雞皮香口，雞肉嫩滑◇ 牛舌大塊兼厚切，肉質爽口多汁◇ 雞腎煙韌彈牙，鹹度剛好◇ 雞皮邪惡選擇，但因為煎到卜卜脆，口感唔覺邪惡，似香口零食◇ 豬頸肉肉質偏肥，如果煎濃少少會更惹味◇ 牛仔骨牛仔骨肉質一般偏結實，鹹度適中，醬汁令味道出色◇ 雞肝超大件雞肝，表面煎得香口，肉質保持嫩口◇ 汁煮魷魚魷魚肉質鮮嫩軟滑，味道偏清淡但入味，師傅已經切好三件，剛好一口一件◇ 翠玉瓜之前食咗咁多肉，嚟件翠玉瓜串平𧗾下，爽口清甜，比起肉類都唔失色◇ 最中餅最後甜品最中餅，中間係雲尼拿雪糕，有解之前肉類油膩作用，滿足嘅一餐◇ 信州蘋果◇ 富子山柚子兩款都係日本嘅有氣氣水，清甜可口，夏天季節最適合

中環蘭桂芳入面有一間新開既日式串燒店，面積唔算大，朋友話餐廳既串燒好高水準，今日同朋友飲酒之前去左呢間「椈」。- 三得利頂級生啤酒串燒當然要配啤酒，Suntory生啤好順口，而且夠凍，飲落唔會話好苦澀。- 翠玉瓜翠肉瓜切到好細件，份量好少少。味道唔錯好juicy。- 豬肉蘆荀卷入面既蘆荀爽脆清甜，平時既豬片好厚，但椈既豬肉片整到好薄而且超級脆，令呢道經典串燒味道更上一層樓。- 鰻魚燒鰻魚肉質肥美，味道香甜，伴隨炭燒香氣。- 一夜干手羽雞翼燒到金黃色，唔算好多肉但每一片肉都好嫩滑，一咬既時候就咇晒油🤣- 牛舌外皮燒到焦香，牛舌有一定既厚度，但肉質係我食過最juicy，師傅以鹽和黑椒調味，簡單就是美。- 汁煮魷魚魷魚筒非常鮮嫩多汁，而且散發出少少酒味，入面放左山藥粒同迷你魷魚鬚，口感非常豐富。- 海鹽雪糕最中餅最後有雪糕送🤩。餅皮好脆，入面既雪糕份量好多，質感香滑。整體而言，串燒如我朋友所講味道出色，價錢偏高，不過考慮到餐廳既地點係中環蘭桂芳加上親民既老闆，價錢方面可以接受。