烏蠅館 (Moved) New Location

今日同老婆2個行尖沙咀，諗住揾野食醫下肚，但行黎行去周邊都係連鎖食市，睇見都唔想食，行下行下行左去"阿士厘道",入面都幾多食市，竟然俾我揾到一間打正"冒菜"做招牌既餐廳，即時急不及待，登門造訪。上到去環境好別緻，好乾淨，一入去，我地已經話要食烤魚，侍應已經熱情招待，介紹店內主打2款烤魚，一款係"三峽香辣烤魚",另一款係"三峽蒜香烤魚",對我依d嗜辣之人，緊係揀香辣味(有大，中，小辣)之分，第一次食，試左小辣先，另外佢個套餐再分($338 六種配菜,$368 八款配菜,$398 十款配菜),我地2個人食揀左8款配菜，因為我覺得配菜吸晒烤魚既精華係超好食，唔講咁多，去相。。。

呢間鋪頭位置黎講唔算好，因為街外冇咩大型招牌，要吸引人黎食真係要靠媒體或朋友介紹，先講入門第一關，道門好重，拉開真係有種世外桃園既感覺，唔大力拉都以為關左門冇開鋪，哈哈，店內裝修幾精緻，充滿中式風格，人流不多，人手也不多，出現有客人追單情況，由於烤魚需時，我叫左條烤魚都等左半個鐘，隔離左右都食得好芝味既時候我地就越等越肚餓😭😭。半個鐘後終於上菜，估唔到都幾大份，我地叫左個香蒜烤魚6款配料既套餐。唔包野飲，但配料都幾多選擇，個人推薦土豆粉必叫。之後盡量叫可以煮得耐既菜，因為個鍋會一直滾，如果唔快食菜就會爛晒。條魚好大條，肉質鮮甜，雖然唔似大陸某間我最喜歡既烤魚店，但我覺得呢間都煮得幾入味，算係幾好食。兩個人食唔洗加肉都會飽到上心口！

天氣慢慢變冷，為了驅走身體的寒冷，尋求溫暖的追隨，不得不想起了熱氣騰騰的火鍋，光想想都覺得很愜意，但是，說起火鍋我們不得不承認有時候會吃過龍導致太飽肚，所以今次就選擇了吃同樣是熱騰騰的烤魚。尖沙咀天星大廈內有餐廳以【烏蠅館】為名，主打冒菜。說到冒菜，可能大家對這一菜式較為陌生，它是四川菜之一，起源成都。乍看與麻辣燙分別不大，但冒菜較麻辣燙少油，入口辣而不躁，油而不膩。入到去空間感都挺大的，夠光猛，地方清雅，可說得上環境舒適！沒有油煙滿天飛！喜歡以木製家具為主，店內更有擺放各款茶壺的陳列櫃，如客人看中心頭號亦可買走！自填餐單選擇菜式，心大心細的情況下幸好職員再說多次餐紙內容及跟我們解釋一番！三峽烤魚 $338當然要先選烤魚口味，再選搭烤魚的配菜！配菜可挑六款，八款，十款，選了三峽香辣烤魚小辣與六款配菜。滿滿的芫茜豪邁地佈滿烤魚上！到來時店員說到烤魚要大火煮至冒煙便可調至小火繼續煮，亦能開始享用烤魚。這個時間大約八至十分鐘。已聞到其香味，但又不刺鼻，開始尋寶挖掘配菜試一下。入口的確辣而不麻！六款配菜有「蘿蔔片、豆卜、蒿筍、金菇菜、油麥菜、蓮藕片」。配菜份量頗多。豆卜味道濃郁，蘿蔔片及蓮藕片