鮨廷 (Under Renovation)

初次嘗試立食壽司，呢間店係自助形式，檯上有玄米茶同綠茶粉可自助沖茶，填好點餐紙後交比面前的師傅。選了午餐的自選壽司定食10件 ($165)，已包括沙律同麵豉湯。師傅係你面前即場製作新鮮壽司，見你食完一件再整下一件比你。全部壽司都好新鮮，特別係帆立貝同甜蝦，勁鮮甜，絕對會再來光顧！！三文魚深海池魚+油甘魚赤身+帆立貝勁鮮甜蟹棒+玉子甜蝦好大隻鮮甜+鰻魚芥辣八爪魚軍艦赤蝦松葉蟹肉軍艦蔥拖羅軍艦蟹棒蟹膏軍艦三文魚籽軍艦另外追加左焦糖玉子，脆脆的焦糖加上甜甜的玉子，配搭起來係好好食的飯後甜點

上次對呢間三文魚籽手卷同灸右口魚邊壽司念念不忘，今日經過決定要再食😋上次食左手卷，三文魚籽多到由頭食到尾都有，今次叫軍艦睇下師傅係咪繼續禁重手 🤣 一上碟就知正！仲有一堆伴碟😂😂😂 啖啖咸香不腥嘅三文魚籽多到有啲過份，粉絲一定要點！炙右口魚邊壽司即叫即整， (上網睇左口同右口不太大分別），燒左啲魚油出黎好香好滑，都係必點之選。今次黎到要食新嘢，試左海膽軍艦，$68，望價錢係貴左少少，但佢真係俾返呢個價錢嘅份量😂 海膽有上下兩款，都幾鮮唔會有腥臭，可試一次～但未去到要下次再encore.都點左焦糖玉子，其實普通玉子再加焦糖燒一燒，如果師傅再燒耐少少令玉子暖啲就好 😯😯但呢個配搭幾特別～呢度店員服務好好～可能隔離另一間店較出名，所以唔使點排隊。但我鍾意呢間多啲，因為食過兩次水準都好穩定👍👍(為荷包着想，當然不能常吃啦，但都會繼續幫襯😂😂)

尖沙咀開左間壽司店，特別在於立食，所以同朋友去體驗一下，其實企住食又唔太累，反而感覺好快消化，唔會頂胃，客人省時食店省成本，雙贏的做法，感覺幾有新鮮感。有自選壽司定食、魚生飯、單點壽司......自選壽司定食還可追加其他壽司，而且定食款內無的，所以可以考慮點個細既定食再追加壽司。定食包括味噌湯及沙律，我選了自選8款壽司定食。沙律用醋汁，酸酸地好開胃，味噌湯微熱溫戈，唔會太咸，配料有油豆腐同海帶。有兩款茶提供，個人較喜歡抹茶，茶粉幼細，一沖就溶化開，茶香味甘幾好飲。油甘魚好肥美，入口快要溶化，魚脂夠甘香，魚肉已塗上醬油，內裡亦有芥末，所以味道已經好足夠。真鯛肉質緊緻，魚味清淡，但有鮮甜味。若唔夠味，可再沾醬油。帆立貝唔算好大粒，不會嫩滑柔軟，幾鮮甜。壽司飯經調味後，成為醋飯，輕輕的醋味更越食越誘人。赤蝦好爽彈的口感，結實口感，不過見友人的甜蝦更為吸引。蔥拖羅軍艦，拖羅充滿魚脂，芳香吸引，味道係口中久久不拖，配蔥的辛辣味，更惹味更夾油香。三文魚籽軍艦，口中爆發鮮味，係海中的咸鮮味，而且味道幾強，魚籽份量也很多，由於師傅每件分開整，食完一件再整另一件，所以軍艦的紫菜都係好脆身，呢樣係幾好既安

香港人生活節奏快，咩都追求快靚正，呢間帶來日本立食文化既餐廳就岩曬大家～近聖誕節既周末行完街，竟然俾我見到呢間新店無好似平時咁長龍，俾左機會我去食～雖然係企係度食,但都無影響間野俾人既舒適感，仲有位掛袋同充電，司傅好企理，睇住佢地整壽司都係一種享受，仲會好細心上菜前同你講解係咩壽司～叫左個特上壽司盛合（8件）當中既壽司有金目鯛深海池魚帆立貝油甘魚赤生全部都好鮮甜唔係講笑，再配杯熱茶，好歎～特別要講：生菜包三文魚壽司🍣 創新得黎勁好食，沙律醬同鋪係面既蕃薯絲配上三文魚壽司，係超夾，又解膩～三文魚籽軍艦（多到滿瀉）同甜蝦壽司灑上橙皮，食起黎好fresh,而媽媽叫既自選壽司🍣當中最特別既係明太子帆立貝同辣舌拿魚軍艦，睇到呢度既司傅真係好用心做好每一件食物，好欣賞佢地～